ديوان الشاعر : ناصر البشري

[ابو خلود]

الله من جـرحٍ بالاظـلاع لا هـاج=يركي على قلب الغرابيـل حيلـه
طلعه بقلبي لا طلـع تقـل خـراج=واوجس بصدري منه مثل المليلـة
افواج تقفي به وتقبل بـه افـوج=غير الهموم المرمسـات المحيلـة
هيض عليه سعود واحرجني احراج=وسعود غالي يشتكي مـن غليلـة
يارب تجعل لي من سعود مخـراج=الشاعر اللي نافـلٍ شعـر جيلـه
هداج لكنـه ماهـوب اي هـداج=كن القوافي لا قصـد تنحنـي لـه
لو كان لي سلطة لاالبسـك تـاج=وارشحك يا سعود شاعـر قبيلـة
انته كبير وقدرك اكبر من سـواج=يا سعود مالك والنفوس الهزيلـة
خل المقفـي لاتضايقـت مسهـاج=ومن لا يفـز بشوفتـك لا تجيلـه
ياسعود لاتشره على ضعيّـف داج=مالك وماله..قـرب مثلـه فشيلـه
وفّر مشاريهك اليا صرت محتـاج=للـي يشيلـون الحمـول الثقيلـة
وابعد ترى بالبعد يالصاحب علاج=والناس واجد..والليالـي طويلـه

[ابو خلود]

رسالة ابن زيدون للولادة بنت المستكفي


اللي مضى يا صاحبي من سنيني=علمني أصبـر وأتجلـد...ولا أونّ
علمني أصبـر والليالـي تزينـي=وإن الليالي لـو يزينن...يشينـنّ
وشوله افـرح والكـدر مقتفينـي=وشوله أحزن والليالـي يـدورن
وأكبـر تعاليمـة تعاليـم دينـي=وامشي مع الواقع ولا اطاوع الظّن
وعلمني إن الطيـب بالغانمينـي=تلقـاه قدّامـك رصيـدٍ مـخـزّن
تلقـاه قدامـك رصيـدٍ ثميـنـي=لاكشّـرن سـود الليالـي وقفّـن
وعلمني ابذل ما أجمعنّـه يدينـي=من دون وجهي لا بذلته... بلا منّ
وعلمني احبس دمعتي وسط عيني=لو المشاكـل بالخفـوق يتتالـنّ
من خوف لايفرح عـدوٍ بطينـي=اللي يغرّ الناس في ضحكة السـنّ
وعلمني اقفي ما ألتفت...وافهميني=لو العيـون اللـي يبنّـي تباكـنّ
اللي يبيني-مثل مانـي- يجينـي=والا ترانـي مستحيـل ...أتلـوّن
راسي وباسي صعب..صعبٍ يليني=لومك على اللّي لاذكر سيرتك..حنّ
لو كان حبك هو سبايـب ونينـي=يامن على عرش الضماير تمكـنّ
يامن غرامه غيّر أشيـاء فينـي=أهمّها ..عفت البنـات ..المزيّـن
ولو يسألوني قلت ميزة ضنينـي=ما ضيّع سلوم العرب لـو تمـدّنّ
وأكبر نقاط الضعف بينه وبينـي=إن الغلا ماهوب ..لعبـة مجنّـنّ

[ابو خلود]

طبعا احبك


طبعا احبـك وافتخـر فيـك وآبيـك=نسيتي إنـك فـي معاليـق روحـي
فيك الحلا والـذوق والـرب معطيـك=انت الوحيد اللـي تحقـق طموحـي
وشلون ما افرح لك وانا ميـتٍ فيـك=صدقني بفرح لـو تزايـد جروحـي
ليـت الليالـي لا رحلتـي تنسّـيـك=راضي انا لو كان صـدري يفوحـي
ابها لزمن باعيش واذكرك..وابكيـك=اليـا رحلتـي زود الحـزن نوحـي
لـك منـزلٍ بالقلـب محـدٍ يوازيـك=لولا غلاك اصبحت لا اسمع والا أوحي
عطيتنـي كـل المحبـة بايـاديـك=بس الزمن ظالم وطبعـه شحوحـي
وش عاد لو طول غيابك وانا ارجيـك=شفتك بعيد وشفـت هجـرك يلوحـي
دامك تقول إني علـى طـول بغليـك=روحي..عسى ربـي يوفقك..روحـي
هذي هي الدنيـا تحرمـك وتعطيـك=يا أغلى الخلايق يالغـزال المزوحـي

[ابو خلود]

قصيدة الرد على(وين ناصر مادرى)





يا حروف الشعر غنـي يـا معانيـة العميقـة=شاعر الإحساس جانا شايـلٍ بالخـرج صيـده
شاعرٍ ينساب شعره..شعـر فطـري بالسليقـة=كيف أبا أجاري قصيدة..كيف أبا أكتب له قصيدة
أمس تايب عن غرامه..كاتـبٍ صـكّ ووثيقـة=مير مدري وش علامة..منتكس نكسـة جديـدة
الصديق اللي تعـزوا يرتجـي فزعـة صديقـة=يوم صندوق الضما ير حطّمـة حـب الفريـدة
جادلٍ حط المحاني..يـوم جاهـا لـه حديقـة=ربّعت فـي وسـط قلبه..مستفيـد ومستفيـدة
مار حسّاد الخلايق ..وقفـوا لـه فـي طريقـة=من بعدها عاش عيشة..من فقد أغلـى فقيـدة
بين همّ وبين غمّ..وبين حـزن وبيـن ضيقـة=الله أكبر يا رفيقي..وش بـلاء الدنيـا عنيـدة
يا صديق العمر ناصر..ينتظـر منـك الحقيقـة=هو صحيح إنّ الليالي..ما غدت بـه تستعيـده
هو صحيح الزين راجع..وأصبحت حرّة طليقـة=هو صحيح الوقت رجّع ..حب هـارون لزبيـدة
عيّدي بي يا القوافي..وارقصي بـي ياموسيقـة=باركـوا لسعـود فيها...عـاد عيده..عادعيـده

[ابو خلود]

الى اصل الحب والحب الاصيل





انتي اصل الحب والحب الاصيـل=انتي اللـي باقيـه رمـز العطـا
ياكريمة... خانهـا وقـتٍ بخيـل=ذنبها انه ما صـدر منهـا خطـا
والله انك غالية وانتـي الحصيـل=وانك اغلى من على ارضي وطـا
مستحيل انسى تضحياتك مستحيل=دام حبـك فـي معاليقـي سطـا
الغـلا هـو فيـه ردٍ للجمـيـل=وش بقى ماعطيتي من غرامٍ ينعطا
يارفيقة عمـر بالـدرب الطويـل=يا خطى التوفيق يا احلى الخطـى
يادليلـي يـوم ضيّعـت الدليـل=ياعيون الريم يـا مشـي القطـا
والله اني مـا ذكـرت الا القليـل=حبك اكبر من كلامـي يـا عطـا

[ابو خلود]

أنا ..والزمن ..والحب





افزعيلي يالقصيدة..وافزعيلـي ياللحـون=رددي بيـت شعـري.. قبـل مــا اردده
وش تفيد الهـداوة وش يفيـد السكـون=دام بركـان صـدري ثـايـرن بلـهـده
مانظمتـك هوايةمـا عشقتـك جـنـون=كاسبك مثل مكسب من كسـب فـي يـدة
ذاخـرك للمشاكـل ذاخــرك للغـبـون=ذاخرك وسـط قلـبٍ مـا يغيـب انكـده
لا تبور البضاعـة فـي عيـون الزبـون=نقحيها يا هجوسـي.. مفـرده ..مفـرده
كنت اقول الليالـي طبعهـا مـا يخـون=كنـت اقـول المراجـل بالفتـى وجهـده
كنت اقـول المعـزة عـزّ نفسـك تكـون=دام مـوت الخلايـق كـل نفـسٍ تـارده
شفت للطيب ناسٍ ما حسبو وش يخسرون=وارثه من فعل ابـوه ورّث الفعـل ولـده
والردى شفته بناسٍ ياكلـون ويجحـدون=لعنبو راع المصالـح كـل شـيٍ يفسـده
كل يوم وله صحيب ويتلون بألـف لـون=مبدأه في مكسبه وصحبتـه فـي مقصـده
واكبر انواع المصايب واعظم انوع الطعون=لا قضى عمرك تنازل للرفيـق ويجحـده
لو يهون الكون كله والله اني مـا اهـون=عزتي هي راس مالي ياعبيـد الارصـده
ماسباني غير نظرة من هدب ذيك العيـون=عقبها صرت الاسير ويا عسانـي مافقـده
حلوة روحه وحبه ما تجي فيـه الظنـون=امتلكني ملـك فردي..سيّـد مـع سيّـده
اثر عطر السحايب ما يجيـب الا المـزون=روّحي بي ياسحابة وامطري بـي ببلـده
اعرفه واعرف حنانه اكبر عيوبه حنـون=واعرف اللي يزعله..واعرف اللي يسعـده
كيف ترواه المشاعر كيف تشبعه الشجون=دام حبه في خفوقـي سـاريٍ بـالاورده
لو رقد في وسط عيني لو تلحف بالجفون=جعل ربي يحرسـه مـن عيـونٍ تحسـده
ما عشقت الا الفريدة والمراجل واللحـون=والنشااامى وطيبي من عرفنـي ماجحـده

[ابو خلود]

سلمت يا راس شاعر خلقه رياضـي=يختار زين الكلام المقنـع المرضـي
عساك ما انته علي ياصاح مغتاضـي=لاشفت مني خطا يا صاحبـي مضّـي
ابيك تقبل وتقفـي خاطـرك راضـي=مثلك وشرواك مكسبلي ومـن حظـي
لا نصير بالمنتـدى بانـي ونقّاضـي=اخاف يفرح بهـا ملقـوف متفضّـي
مسلم وسني بمذهب شيعـي آباضـي=اليا سمع كلمتيـن يحضّهـا حضّـي
بعض العرب ياصاحبي عقلها فاضـي=والناس غاياتهـا والله مـا تقضـي
انا بعيد النظر مـا نيـب متغاضـي=ولا احب شيءٍ عليه ينفرض فرضـي
ولانيب حاكم ..ولا ضابط ..ولا قاضي=اضعف مخاليق ربي وأعترف وأمضي
قـوي بالله وتدبيـره علـي ماضـي=واخاف وادرى كلام الناس في عرضي

[ابو خلود]

اهلاً هلا بالرفيق وما كتـب حبـره=اللي مع النت مرسل لـي مراسيلـه
من شاعرٍ يملك المنطق مع الخبـرة=كن القوافي اليـا غنّـى تغنـي لـه
يقول شعر الغزل ما نيـب معتبـره=من يوم كثر الغزل قلّـت محاصيلـه
راع الهوى مالنا به..يافتـى دبـره=ولا احدن طلب لابكى..تصرخ وتبكيله
هذي نصيحة واحدٍ جيـت تختبـره=تبكي وتضحك..وتستغرب وتشكي له
العلم ياصاحبي مدفـون فـي قبـره=شفت النصايب عليه كبـار ومحيلـه
ليتك جبرته اذا تقوى علـى جبـره=والا تركته يغنّـي... فـي مواويلـه
وراك ما خذت من قول العرب عبـره=الشعر جزله جزل..والهزله اهزيلـه
رقعت بعض الفتوق وعيّـت الابـره=اخاف من ناس تطوي لي وتطوي له
دامك عفي والبشر بالعشق منجبـره=برقٍ مقفي اليـا خـلاك...لا تخيلـه

[ابو خلود]

تعابير محزون







سر يا قلم واكتـب تعابيـر محـزون=من ضامرٍ شيخ الهموم التـوى بـه
اكتب تراي اليوم حاضـر وممنـون=خـل المعانـي لـي وألـك الكتابـة
وهبة كريم حاكمـه عقـل مـوزون=أليا بدعت القـاف محـدن لقـا بـه
أرتبـه بـآداب وارسـم بـه فنـون=فيـه أتغـزل وامتـدح وآهجـا بـه
أنا لقيت الشعـر كلمـة ومضمـون=جابـه بهـا معنـى ثلاثيـن جابـه
يسلى بها قلبٍٍ مـن الهـم مشحـون=أليـا عثابـه واشتكـى مـا عثابـه
وش عاد لو قالوا بالأشعـار مفتـون=بعض البيوت تنسـي القلـب مآبـه
بعض العرب هرجه على الكبد طاعون=مزحه ورزحه مختلـط فـي جوابـه
يقول هرجة عقل مـن رأس مجنـون=ويزيدهـا بأسلـوب خبـث وخيابـه
هرجه يزيد الضغط سكـر وقولـون=الله يعيـن المبتلـى فـي جنـابـة
وأحدٍكلامه يشرح الصـدر مـوزون=تحـس فـي نبـرة كلامـه حبابـه
يدرى المشاعر ويترفق علـى هـون=معطيـه ربـي باللسـان الـذرابـة
ومادم سري بيـن الاظـلاع مدفـون=وسط الحشا مافيـه حـيٍ درى بـه
أنا غني لو قالـوا النـاس مديـون=عندي غنـاة النفـس عـزّ ومهابـة
تهـون هالدنيـا بعينـي ولا أهـون=والله مـا تسـوى جنـاح الذبـابـة
ارجي كريمٍ بأمـره الكـاف والنـون=لو صكت الأبـواب مـا صـكّ بابـه

[ابو خلود]

الحمل الكبير




احدٍ عن الحمل الكبير يتخفّـى=واحدٍ يشيـل ويتهـم بالرديّـة
واحدٍ أليا شافك نطحك يتحفّـى=وهو من الداخل بعشرين نيّـة
واحدٍ أليا قفّا زمانـك تشفّـى=فرحان والنفس الدنيّـة دنيّـة
ياسـدرةٍ فـي ظلّهـا باتعفّـى=والحق بعض ما فات في والديّة
لقيت دون الظل رمـشٍ يرفّـى=وأيضا تحتها نملـةٍ فارسيّـة
ثوب العريّة ما ذكر يوم دفّـى=وأنا بعد ماحبّ ثـوب العريّـة
بأعز نفسي حي ليـن أتوفّـى=ما هانت النفس العزيزة عليّـه
لو شانت الدّنيا لو الوقت قفّـى=لابد مـا يـومٍ وتنـدار- ليّـه
وآرد حقي غصب صافي مصفّى=وآخذ ثمن عمرٍغدى بالمهمهيّه

[ابو خلود]

قولي أحبك





قولي احبك وابشـري بالمعانـي=بس انطقيها كان تبغين الاشعـار
وقت السعادة يا حياتـي ثوانـي=لحظات من عمري وعمرك وتنهار
ترى الحياة احلام والعمر فانـي=والناس واجد والخسلرة بالاعمار
انا احبـك حـب زلـزل كيانـي=وانتي تقولين المواصـل للاقـدار
ليتك تعاني مثـل مانـي اعانـي=وليتك سهرت الليل ضايق ومحتار
غبت ونسيت شلون قلبك نسانـي=اثر المحبة عندكم بـس تذكـار
فريد من نوعك ولا منـك ثانـي=بس ان عذروبك كتومن وصبـار
يا مالكٍ قلبي وياأحلـى زمانـي=يا حبي الطاهر ويا شوقي الحـار
لك المحبة لو مانطقهـا لسانـي=ولك العهد ماأنساك لو صارماصار
يمكن يدور الوقت وتجين عانـي=وتقول انا لابعدت كني على نـار

[ابو خلود]

بعت الغرام




بعت الغرام وحب الاحبـاب بعتـه=وعن خوة الخوان شمت وترفعـت
لو صاح صياح الهوى ماسمعتـه=ما لي بدربن لا تماديت به ضعـت
ادري واعرف انك شتاتي جمعتـه=وانك قليل اجناس وانـي تولعـت
وانـك حنـان بالحنايـا زرعتـه=وانك وحيد وسـط قلبـي تربعـت
انت المنيع اللـي عيونـي منعتـه=وانت الاسير اللي حكمني وطاوعت
عيا يطاوعنـي زمانـي وطعتـه=اثر الزمن ماهو على مـا توقعـت
يا للاسف حبـل المـودة قطعتـه=.جرت وقسيت ولاترفقت واوجعت
كنت افرح بصوتك لامـن سمعتـه=حتى دلعك يجـوز لـي لاتدلعـت
كنت اكتبك بالشعر لا مـن بدعتـه=حتى كتبت الشعر بابداع وابدعـت
كنت الخيال اللي بفكـري تبعتـه=كنت الامل ..كنت المثل..لين ودعت

[ابو خلود]

ريـــــــمة






والله إني كل ماهـب النسيـم=ساق لي ذكرى قديـمٍ طورهـا
أتذكر يـوم ريمـة بالقصيـم=وأتذكر كيـف كـان شعورهـا
يوم قلبي ما سكن به غير ريم=بس هي بالقلب تلعب دورهـا
جادل غضَة ومطغيها النعيـم=همّهـا مكياجهـا وعطورهـا
اقلطت في قلب رجّـال حشيـم=ومارست به كبرياء غرورهـا
أثـر قلبـك لاتـولاّه الغشيـم=راح قلبك من ضحايا جورهـا
الهوى ما فيه رجـال عظيـم=المريضة عالجـت دكتورهـا
إيه احبك حب نابت فالصميـم=وأعشقك عشق العرب لجذورها
نور عيني يابعد كـل الحريـم=والله إنـك ياحياتـي نورهـا

[ابو خلود]

خلّوني أكتب بيوت الشعر من شانـه=وخلّوني أقصد على ريمـه وأسليهـا
تستاهل الشعـر وأوزانـه وقيفانـه=هي قبلة أشعار ناصر..هي قوافيهـا
إليا قرالـي قصيـدي فيه...بلسانـه=كنّه هو اللي علـى شأنـي مسويهـا
أعذب بيوت الغزل ما تهـزّ وجدانـه=ما يهزّها غير ناصر لا قصـد فيهـا
وإلا قصيدة فخر فـي فعـل جدّانـه=عزّ الله إنك تبـي تسمـع تعزويهـا
في رأسها طنخة المرجـوج وجنانـه=ومع كل هـذا عنيـدة فـي مباديهـا
ولا جات تضحك خفيفـة دم طربانـه=يا قبلة الله على الضحكـة وراعيهـا
ولا هي من اللي على الكلمات عجلانه=يا ثقـل كلماتهـا لا جـات تحكيهـا
وإليا جلست وسط مجلس قلت سلطانه=وإليا مشت كنها تحسـب خطاويهـا
الله خلقها مـلاك بصـورة إنسانـه=عز الله إنه خلقهـا واعتنـى فيهـا

[ابو خلود]

أنا اعتبرت اللي مضى من حياتـي=من قبل أعرفك كلها أوهام بأوهـام
يا ليتي أنسى يـا الغـلا ذكرياتـي=وأصدر على وقتٍ مضى حكم الإعدام
إيه أمسحـي كـل الألـم ياغناتـي=بعدك حياتـي مـا بهـا هـم وآلام
صحيح ما قدّر علـى العبـد يأتـي=صحيح قصة حبنـا مثـل الأفـلام
يا أعذب كلامٍ مـرّ فـي مفرداتـي=يا حبي اللـي مـا توفيّـه الأقـلام
يا مسويٍ فـي قلبـي المعجزاتـي=يامن عشقني حلم وأشبعني أحـلام
يا أعف واطهر من ثياب الصلاتـي=ويا أصدق من الدمعات بعيون الأيتام
يا حلمي الـوردي وسكـر نباتـي=يا قصـةٍ مـا شوهوهـا بالأعـلام
فتاة حلمي با اختصـر يـا فتاتـي=كلمة وفاء ما هي شخابيـط رسـام
محبتـك خلتنـي أحــب ذاتــي=وأحب نظم الشعر..وأحـب الأيـام

[ابو خلود]

يا حروف الشعر غنـي يـا معانيـة العميقـة=شاعر الإحساس جانا شايـلٍ بالخـرج صيـده
شاعرٍ ينساب شعره..شعـر فطـري بالسليقـة=كيف أبا أجاري قصيدة..كيف أبا أكتب له قصيدة
أمس تايب عن غرامه..كاتـبٍ صـكّ ووثيقـة=مير مدري وش علامة..منتكس نكسـة جديـدة
الصديق اللي تعـزوا يرتجـي فزعـة صديقـة=يوم صندوق الضما ير حطّمـة حـب الفريـدة
جادلٍ حط المحاني..يـوم جاهـا لـه حديقـة=ربّعت فـي وسـط قلبه..مستفيـد ومستفيـدة
مار حسّاد الخلايق ..وقفـوا لـه فـي طريقـة=من بعدها عاش عيشة..من فقد أغلـى فقيـدة
بين همّ وبين غمّ..وبين حـزن وبيـن ضيقـة=الله أكبر يا رفيقي..وش بـلاء الدنيـا عنيـدة
يا صديق العمر ناصر..ينتظـر منـك الحقيقـة=هو صحيح إنّ الليالي..ما غدت بـه تستعيـده
هو صحيح الزين راجع..وأصبحت حرّة طليقـة=هو صحيح الوقت رجّع ..حب هـارون لزبيـدة
عيّدي بي يا القوافي..وارقصي بـي ياموسيقـة=باركـوا لسعـود فيها...عـاد عيده..عادعيـده

[ابو خلود]

حينما نغرد حزناً





ما اصدق من الدمعات بعيون مجروح=ولا اكذب من الحب الخبيث الصناعي
ولو يدري الإنسان وش يخفي اللوح=ما صار بين الناس جاهـل وواعـي
وإن قالوا الشعار نصف الشعر بوح=أنا أقـول الشعـر سبَـة ضياعـي
منّه غديت كتـاب للنـاس مفتـوح=ومنّه تعلقتـه علـى غيـر داعـي
وأصبح مرافقني معي وين مـا أروح=في فرحتي..في ضيقتي..والتياعـي
يا سعود راع الحب مبلي ومفضـوح=تلقـى شعـوره للحبيـب اندفاعـي
واليا سمع تغريد ورقا على الـدوح=تضيق فيه فجوج نجـد الوساعـي
ويصبح رفيق الحزن ومرافق النوح=يا عونـة الله كيـف تبغـاه ياعـي
أحـدٍ غرامـه روح متعلـقـة روح=وأحدٍ غرامه كنِه النقـل الجماعـي

[ابو خلود]

فقدان روح




دام القلم ينزف على صـدر الأوراق=ودام القصيد تشيـل نفسـه قوافيـه
ومادام فكري سابـحٍ عبـر الآفـاق=يبني على صدر السحايـب هقاويـه
ودام الحنين أشواق وأشواق وأشواق=ودام الغلا أسمـى وأرقـى معانيـه
يا سرّ يا مكتـوم يـا قلـب خفّـاق=اللي فقـد لـه غالـيٍ وش يعزيـه
اللي فقد عمـره وروحـه ولا فـاق=إلاّ وقلبـه طايـرٍ مـن محانـيـه
اللي فقـد مخلـوق وإنسـان ذواق=يرسم لك الجملة على شفـاه وتيـه
مشاعـره دايـم جديـدات ورقـاق=حتى شموخـه ..كبريائه..عزاويـه
إيه اكتمل زيـن الحلايـا بالأخـلاق=مع خف نفسه محلـي الله حكاويـه
ولا مـرةٍ كشّـر ولا مـرةٍ ضـاق=تقول ما يعرف الزعـل والمشاريـه
به جاذبيـة تجعـل القلـب ينسـاق=ينساق مع دربه ويمشـي مماشيـه
ياويل حالي لا وقف لي على سـاق=وقال اطلب عيوني وأنا أقـول لبيـه
اقفت به الدنيـا ..وفـيٍٍ ومشتـاق=غالي وواثق بالغـلا عنـد غاليـه

[ابو خلود]

معذور لو جيتك من اقصاي كلـي=توي دريت إني مع الحب معـذور
توي دريت إن الزمن ضاحكٍ لـي=وإنه معي ناصر وأنا منه منصور
يا غاليٍ مـن فرحتـه فـيّ طلـي=واشر يقول أهلا وسهلا ومشكـور
يقول شفني....من غرامك مولـي=إيه اعتبرني بالغلا عبـد مأمـور
إيه اعتبرنـي ماعرفـت التغلـي=ولا قالوا العالم أنانـي ومغـرور
والله مدري بالغـلا وش حصلـي=الظاهر إني ياهوى البال مسحـور
أحسن ..ياليت..وياعساي..ولعلـي=ويالله عسى اللي عقد السحر مأجور
تصدق إني قبل نومـي يـا خلِـي=أطير بأحلامي معك تقل عصفـور
وتصدق إني قبل ما اصحي واصلي=أتخيلك عندي وأحاكيـك مسـرور
وأتصدق انك معـي مثـل ظلـي=وانك لعيني ضي ولخافقـي سـور
يا بسمة أيامـي ويـا زهـر فلّـي=ويا فرحة الدنيا ويا مشرق النـور
صحيح جيتك كان قصـدي تسلـي=بس انقلب يا كاتب الشعر لشعـور
بالمختصر لا من تواجـدت قلِـي=باقي الخلايق لا تواجدت محظـور

[ابو خلود]

نبع الغلا يا غصن قلبي وعصفـورة=ليت المشاعر تساعد فكـر شاعرهـا
أبرسم الحرف لأجلك وأكمل الصورة=يا صورةٍ لو بحلمي مـا تصورهـا
شاعرك شاعر مشاعر وأنتي شعوره=يا فكـرةٍ عجـز تفكيـري يبلورهـا
أنتي شعـوره وقيفانـه وجمهـوره=الملهمـة للقصيـد بفكـر ناصرهـا
أستاذة العشق يـا طبـه ودكتـورة=يا أجمل الـورد بعيـونٍ تناظرهـا
سلطانة الحب يا حكمـه ودستـوره=يا أعذب إحساس يجمعهـا وينثرهـا
بغيت أناقشك فكرة وأعلـن الثـورة=لقيتك أكبر من الشرهـة و أوامرهـا
يا من ينسينـي الباقيـن بحضـوره=الله على عزتك يا بنت مـا أكبرهـا
بدويـةٍ لا تهـادت قلـت سنيـورة=وتشوف شكل الأصالة في تطورهـا
يا بنت لو تعجز الأبيـات معـذورة=أنا أشهد إني يا بنت النور عاذرهـا
أنا أدري النفـس منهيّـة ومأمـورة=بس الغلا قصته تبـدأ مـن آخرهـا
ولعتي الحـب فـي قلبـي وتنـوره=قامت تحاصرني أفكاره وأحاصرهـا
رجعتي اللي مضى لي وانتهى دوره=أيامي اللي مضـت قمـت أتذكرهـا
والدمعة اللي وراء الأهداب مقبـورة=أي والله إني بكل إصـرار قابرهـا
من كبريائي بقت بالعيـن محجـورة=رغم الأسى والحنين اللـي يثورهـا
بس اذكريني اليا غبتـي ومشكـورة=وأوعدك ما أنساك يالصورة وساحرها

[خاطري لاتجرحونه]

تسلم الأيادي على جمال الطرح وبارك الله فيك
ننتظر جديدك وفيض قلمك
دمت بحفظ الله ورعايته