ديوان الشاعر : عمر الذكري ( عقيد حرب )

[ابو خلود]

بسم الله الرحمن الرحيم


انا لانوخ الفرسان باخر شي انوخها=ولامن سيفهم يضرب اخلي سيفي بغمده
ولامن قوسهم يرسل سهوم الدرع يعطبها=ولامن شفتها عوجى لي الفسقان في حده
انوخ ناقتي لكن بعيده لو ابعقلها=واسل السيف من غمده وتلصق في يدي يده
وقوسي من سهومه يقصف القوم ومواكبها=انا ربعي لهم بالكون ابوي وجدجدجده
اقص بسرعتي من شرق بقعا لين مغربها=واحل اللي عقد بيطار فالقيفان من شده
انا شاعرولاديان اموت ولا اتدينها=انا القيفان ناطحها موسم هامتي بخده
انا لي عزوةٍ ماحد لقى زيه ووثقها=ومن يدخل عليها تكرمه لو طول المده
رعابيب القوافي يدنا محطوطه بيدها=ليا نقضت ليا فتلت ولايوم لها عده
لها بكار نوردها ولا رحنا نصدرها=وماحد غير حرب الروم يخلف سيرها بده
وصلوا عد ماعوف الابيه طولت يدها=على العادي ومن عادى بيوته فوقه نهده

[ابو خلود]

حايل ورانا والحليفه بعيني=درب المدينه ماقطعنا طويله
قاعد وحر القيض يلفح يديني=والمشكله عندي مغازي مخيله
مزنٍ وخضره عن يسار ويميني=هاجت بحور وواحدٍ بس اجيله
جتني المواقف قلت عطني ثنيني=شفت المدخل قلت ماحدٍبحيله
قم ياحصاني جعل حضك يزيني=وادخل ميادين السيوف الصقيله
من يعترضلك قول ربي يعيني=واغرس بمن حالف شباري سليله
اهرج وقل روح طبيبي سنيني=اللي معلقله ثيابي الجزيله
هذي ثلاث شهور حاست كنيني=والبال طلق مبيته مع مقيله
واقف على بيوت الركاز المتيني=متربعٍ والدمع غازي شليله
بيني وبينه سرمديٍ يشيني=دربٍطويلٍ ماقطعنا قليله
ليت الوفى يشفع لهالعاشقيني=ويجيبنا عند القهاوي وهيله
وان مارضى خله وقل لاتجيني=وان حالفك باره وعضل بخيله
انا ولد قومٍ تدك الحصيني=هذي براهينٍ كتبها دليله
تاتي كما عقودٍ رصدها مديني=من طنخةٍ بالراس عالي حصيله
الاوله قومه غدوا معتديني=سته فداهم عادينله خليله
خاله وهو خاله بترله يميني=لين الشيوخ افدوه واهتد حيله
والثانيه من بالكرم له يديني=يذبح ذلوله والغنم للجميله
لين العرب خلوه خالي عويني=يرقى على مرقاب والله يعيله
والثالثه سلم ولد من سنيني=ثم قيلله هذي امانه ثقيله
من قبل مايظهر حقودٍ يديني=افنى حياته دون غلطه وميله
والرابعه بالدس هج اربعيني=واحد وماعنه الذرابه محيله
يوم اسمعوا صوته ولاهوب قيني=قالوا نهج ولانجوم المقيله
والخامسه جيشه غدوا عازبيني=حمل العرب وسط الصغير يشيله
ومطوي اصمل من صمل بالسنيني=قاد المعارك عز فرسان جيله
ان جابها قل ياصحيبي فطيني=وان ماعرفها شلها له بشيله
حنا هل الفزعات زبن الزبيني=حتا العدو في راحة اليد نشيله
مسطر التاريخ علمٍ يقيني=مثل السماء لابان فيها سهيله
من بعدها مايلحقك لايميني=واللي يلوم يعد نجمات ليله
من بعدها اركد وسط حصن حصيني=واصبر ولا تقبس شرار الفتيله
واحذر ولا تنطق لنفسٍ عطيني=وافطن ترا ياعز من تنتميله
يازينها لاقيل فخذ الحسيني=من عقب عوفي ثم حرب القبيله
وادعي مصرف ماتسوى جنيني=يظهر لنا الفيه بكنة سبيله

[ابو خلود]

لي من هوا تلعات الارقاب رعبوب=حزة لقانا يوم كلٍ نيامى
ماحولنا الا سهيل والبال مطروب=انا وخلي في صحاري تهامى
بالليله الوسطى ولافيه محبوب=الاواخذ خله يدور مرامى
وفي وصفها كن القمر جاب مندوب=في ليلةٍ مالبالسنا من غمامى
منسدلة القذلةٍ وملباسها الروب=ومن رمشها تطرح جميع النشامى
والعين مدعوجة كما عين يشبوب=ومن ريحها طيب النفل والخزامى

[ابو خلود]

لابد في يوم ٍ كمـا قالـوا النـاس=تظهر علينـا ياعـرب لا محالـه
مهما تطول ايامنا خيـر وخيـاس=كل الخوافـي حـزة ٍ لـه مجالـه
ناس ٍ لها خافي على خير مقيـاس=وناس ٍ لها خافـي تمـل احتمالـه
ماتعرف الرجال معدن من المـاس=الا ليا من للغضـب جـات حالـه
مابيت الرجال في وسط الاحسـاس=ينقاسبـه هرجـه وينقـاس حالـه
وانا من اللي جربوا هـرج فيـاس=يظهر لي الطيبـه ويخفـي نذالـه
خاويتـه وماكنلـه شـر ونجـاس=خاويتـه بنيـة قــروم ٍ بسـالـه
والمشكله صادق معي مير هـلاس=واتضحت افكـاره وبانـت سبالـه
ماحطني له صاحب ٍ يرفع الـراس=وانا ليـا مـن زل اخلـى غطالـه
عذب السجايا فكرتي عنه والسـاس=يابو مهنـد ماالخطـى ذا خطالـه
اللوم كلـه يلبسـك راس كريـاس=فـي خوتـه ماالصـح والله تنالـه
المشكله لـه تـوأم ٍ ميـر خمـاس=يخمـس يمينـك بالوفـى ياحلالـه
انا اشهد انه للوفى خيـر حـراس=وانا اشهد انه قـرم حتـى الثمالـه
ماتفرقه بالشكـل حتـى بالالبـاس=لكن يفرقهـم خفـى وسـط بالـه
حتى ولو في اسمهم تاخـذ انفـاس=كل ٍ من اسمه حصل اللي طرالـه
بع ياصحيبي تم ياشـاري الفـاس=رد يانديبـي ان وقـت مضـالـه
ياسامعين القـاف ركـاب جـلاس=ابياتنـا لا بـد تلـقـى عـدالـه
يامن بغيت الصاحب بزين نسنـاس=لابـد تمشـي بالسمـوم بطـوالـه
ومن بعدها دور على دسوس قرناس=والليـل يازينـه بسمـرة هـلالـه
هذا وصلى الله على كافـل النـاس=محمـد اللـي مايجيـنـا بـدالـه

[ابو خلود]

ياعقاب لو ترجع تشو ف التهاويـل=في ديرتك كنك غريب ٍ مع محيـل
تبحث عن الرجال وتصارع الويـل=ومن شانه تسج القدم بالفـلا حـوم
راح البدو في عالم اهل الخرابيـط=رجالهم ضمن البشر ماهـو يحيـط
ماينركز الا على ركـزت الخيـط=ماجمع ولكن اغلب النـاس مخمـوم
حتى شـروط المرجلـه حولوهـا=اوراقـنـا ياقـدوتـي بعثـروهـا
ومن كيفهـم ياعزوتـي صمموهـا=لا لا ولا احد يقبل الـراي واللـوم
صار البدو تلبس لباس المخاصيـم=جابت علينا الجور والعار والضيـم
حتى سمانا من سماهم جـت الغيـم=نترك نسانيس العرب والجو سمـوم
صار العرب حلفٍ مع الغرب ياجد=وحدودهم معنـا نسينـا لهـا حـد
العادي الصاحب والاصحاب ضدضد=المسكنه بحـرٍ وحنـا بهـا عـوم
نغـزي علينـا مادريـنـا بليـنـا=ومن خلفنـا العـادي لنـا يحتوينـا
واثنيننـا طحنـا وماحـد عليـنـا=الله يلعـن وقـت ورد لنـا الشـوم
ماحد اخذ في راينا الراي والشـور=اصواتنـا ماتنرفـع تخمـد نغـور
وليا بغينـا ضدهـم ثـوره نثـور=مير البلا من ضمننا صـادر علـوم
نشـري بعضنـا ونتبايـع بعضنـا=يشروننـا بفلوسـهـم مارفضـنـا
وفلوسهـم نسـت بعضنـا نسبنـا=حنا عرب مير العرب صاروا هموم
مبطي لنـا القـوه وماحـد علينـا=واليومـه العـادي غـدا معتليـنـا
بافكـاره وفـي قوتـه ماصحيـنـا=في سوقهم نشـرا وننبـاع بالسـوم
والله وماغيـره حلفـنـا باسـمـه=لو كل حكام العـرب شـد حزمـه
وعبدالله اللي حازم النـاس جزمـه=نمشي ولا خفنا من النـاس والقـوم
هذا المليك اللي فدا بإسمـه النـاس=وهذا المليك اللي قطع شر الا نجاس
وهذا الذي قايد على العز والـراس=وهذا الذي ورد لنـا راحـة النـوم
واخر قصيـدي والخلايـق نيامـى=ادعي مصـرف ماعيونـه تنامـى
يشفـي مريـضٍ بالـدوا للمرامـى=هذا وصلى الله على معـدل القـوم

[ابو خلود]

لا واعذابي يوم قالت خطبني=كلمه قويه يوم قالت خطبها
يوم انطقتها تقل حيل اصفقتني=وتقوللي ان المقدر صفقها
سبعة سنينٍ كاملات سكنتني=واليوم غيري يالخلايق سكنها
اول لقى يوم انها ناضرتني=وعيني تجاوب للنظر ناظرتها
وبانت ثناياها وثم ازهمتني=اثر المحبه من قديم ازهمتها
ولبيت لنداها ولكن رمتني=من عينها سهومٍ بسرعه رمتها
قابلتها مثل القمر وسحرتني=سبحان من في حسنها اللي سحرها
تلعبي القذله ولا ماارحمتني=وعيونها لعيوني لاماارحمتها
ومبيسم منه العسل كد روتني=وعيني من اول شفتها ماروتها
واليوم ماظني لشوفي بتجني=وعيني يكفي جنيها ماجنتها
خلاص ابااكب المحبه واباحني=يدي مادام ان الحبيبه حنتها
مادامها بالحب هي ارسمتني=بكيفها تمسح رسوم ارسمتها
دام انها فجأه كذيا جفتني=الغيره اللي زودتها جفتها
ماني بقايل جيتها واسفهتني=الا المحبه جتلها واسفهتها
بانسى العشق واحرق رسايل عطتني=ماابغى اتذكر من رسايل عطتها
خلاص ابرحل والهموم اعتلتني=دام السعاده بالحياه اعتلتها
بامشي وحيدٍ في حياة اظلمتني=اللي وفت معها غدر مااظلمتها
واترك ديارٍ يمها وصلتني=اللي لغيري نفسها وصلتها
الله يهنيها لونها عمتني=والله يصبر عين مبطي عمتها
وكل مااتذكر يوم قالت خطبني=باادعي لها وابلعن اللي خطبها

[ابو خلود]

للصمعوريه يامزون اشتياقي=تسوقك رياح الوله والتلهف
حطي عليها وعانقيها عناقي=وهلي عليها امطار حب وغلا وشف
وقولي لها ماعاد باقي بواقي=من قلبي اللي سفه ترابكي سف
عشقتكي عشق البدو للنياقي=عشق الكفوف الملح لمعانق الدف
اقفيت وقلبي زاد فيه احتراقي=والعين يوم ابعدت ماتوقف الذرف
ياديرة رجالٍ بوقت التلاقي=سيوفها حمر وغترها ترفرف
تارد على حوض المنايا سياقي=وتدسم الاشناب دم الذي لف
ديرة بها شمس طرفه ماتعاقي=وانهار طيب سنين ماساعه تجف
بخارها عزة من اول اشراقي=وغيومها وجه لشبابه وخنذف
وامطارها حكمة تسوق وتساقي=وبروقها فزعة قروم الوغى صف
وسيولها بياض الوجيه وتساقي=أرض الرضاوه دون لوم وتحسف
وربيعها ينصاه حتى العراقي=يومه على الكرسي أبى ينقسم نصف
هذا كلامي محتميه برواقي=ذكري حجازي بالمدينه معرف

[ابو خلود]

الشعر انا حاميه من عقب جدي=ومروضه ترويض جنه من سنين
اسبح بحوره وانزلبها واعدي=واغوص باعماقه ولا صعبت تزين
ويوم الشعر سكين مر بمحدي=يوم البعض ذكى بلا حد سكين
مااعجز عن اغراضه ولالي مردي=دام الفرس طبت ببطن الميادين
ومادامها طبت فلاهي تردي=هذي عوايد لابتي تكحل العين
لاقلت عوفي المجره بيدي=ولاقلت حربي زادت اليد عشرين
وشلون ابخلف سلم ربعي والدي=ان قاله الله لاثبته واجفي الشين
واللي مشكك في كلامي وعدي=باسمعه قصة عذابي ببيتين
ذقت الهوا من كاس غروٍ يردي=حال الذي اسقاه من كاسه شوين
جاني على كيفي وبالعمر قدي=يشبوب في عنقه ويشبوب بالعين
جيته بسرعه مير جاني كهدي=واخذ زمام الامر ياوصل يابين
وان كنت من فوق الهواوي معدي=يلعبي بنسمه ويوقعني بحين
روح وخليته حكايه وسدي=وقسيت قلبي صعبه انه يبى يلين
واليا بقيت تكابر اعطيك جدي=بافتل بيةتٍ واعتبرها كما الدين
عاشت بنية والليالي تعدي=تسقى دمي وتحضن جثث وتدين
ويوم اعجزت جاها الوليده يمدي=يد المعونه ثم صارت كما الحين
وبسنة محمد ودون التندي=يالعن ابو منهو نفاقه لنا يبين
خذهم معك ياصاحبي وروح (شدي)=يم الديار اللي بها مربط الضين
واضرب كتوفك قول للطيب اعدي=وانته كماهم تزعم انك على الدين
هذا كلامٍ أيس انه يصدي=عمر عقل قاله وفخذه من حسين

[ابو خلود]

ياطبيب القلب وينك ياطبيب=شوفني مرضان مالاقي دوا
علتي من عقب ماشفت الحبيب=وابتديت اسبح معه بحر الهوا
صورته عن نون عيني ماتغيب=ولا بغيت انساه قلبي ماقوا
شوف راسي جاه يادكتور شيب=عقب ماذيب المحبه قد عوا
ودي بوصفه تخليني قريب=واجتمع وياه بالدنيا سوا

[خاطري لاتجرحونه]

تسلم الأيادي على جمال الطرح وبارك الله فيك
ننتظر جديدك وفيض قلمك
دمت بحفظ الله ورعايته