محمد الحنتمي
05-27-2009, 07:54 PM
مختصر محاورتي مع الشاعر العلم تركي الشيخ
انا الليله نويت اسري على الشعار بالمشعاب = ابي شاعر عليه العلم ياقف ويتحداني
انا ماني مخليها كذا موصودة الابواب = معي علم يحير ابه البيب أنكان خاواني
هلا ومرحبا بالشاعر الخلوق محمد الحنتمي
استلم لاهنت
وانا الليله نويت اطى برجلي فوق راس الداب = ومشعابك على علباك يرجع ياحميداني
تهرج والنشاما تعرف الصادق من الكذاب = مادام ان السوالف ياجماعة خير مجاني
انا قول الولد هذا على التعليم بالكتاب = يعرف العلم لاكنه على الطرق الويحاني
يدير العين وسط الناس لافاهم ولامرتاب =عطاه الله من عنده عسى ماهو بحقراني
تقوله وانت مثل اللقمه اللي بين ضرس وناب = عشا مدري من طيب حظ الذيب سرحاني
عطانا الله مقام وهيبة احرارٍ على المرقاب = وحرمك الله من هاذي وذيك وصرت خسراني
انا قالو لي انه تاب عقب اللي جراله تاب = وشوفه مايل خده وانا ماني بشفقاني
هذي فرصتك ياتركي تعلم وقفة الشياب = انا لاحضة لين العود فيك وضعف الاركاني
هلا حياك الله
اخذت الاوله غصب ورضا عن عمك النصاب = عقب ماذاق حر النار من زندي وصواني
والا يالشايب اللي من فعول ام الكباير شاب = علاك وسومها متبينه يالله لاتبلاني
وردت العد لاكني لقيته رس فيه تراب =وخليته على حاله وانا ماني بعجلاني
حسب مرباك ياتركي توقع وحسب الف احساب= قبل تزعل عليك القوم ثم تاطاك بالعاني
كلام الاخوان على العين والراس
استلم
وردته من ردا حظك تراك الشر والاسباب = هذا فالك ماهو فالي ياراع المركز الثاني
انا حاسب حسابي مار من ياطى على المشهاب = اكيد انه يبى يغدي بلا معزه ولا ضاني
هنا وإلا هنا وإلا هناك نحضر الغياب = ولا عينت لك بين الحضور اسم(ن) وعنواني
حرام الضرب بالميت هنا يحضرة النواب= ابي شاعر يجيد النقض ماهو شاعر الحاني
استلم
هنا والا هنا والا هناك اقول صك الباب = قطفناها سمن من قبل اشوف اسمك بالاعياني
على جسمك نفصل لك بشوتٍ تسترك واثياب = بلاشي تستفز اهل المشالح وانت عرياني
معي تاريخ ياتركي مورخ عندنا بكتاب = تبي نكشفلك الصفحات قرب ورخ الاذاني
عطوك المشلح اهل الراي لاكن ضنهم بك خاب= تريح لين يجبر عضمك اللين وتلقاني
استلم وصح لسانك انتهت المحاوره على على طلب الاستاذ مرزوق الهضبي
انا خابرك وادري عن محلك وين بالاعراب = تشيب ارموش عينك وانت بعدي ماتعداني
خساره يابواسل حرب فيه اسل شلفا اذياب = ابا اكسب فيه حسنه قبل يلحق جده الفاني
انا الليله نويت اسري على الشعار بالمشعاب = ابي شاعر عليه العلم ياقف ويتحداني
انا ماني مخليها كذا موصودة الابواب = معي علم يحير ابه البيب أنكان خاواني
هلا ومرحبا بالشاعر الخلوق محمد الحنتمي
استلم لاهنت
وانا الليله نويت اطى برجلي فوق راس الداب = ومشعابك على علباك يرجع ياحميداني
تهرج والنشاما تعرف الصادق من الكذاب = مادام ان السوالف ياجماعة خير مجاني
انا قول الولد هذا على التعليم بالكتاب = يعرف العلم لاكنه على الطرق الويحاني
يدير العين وسط الناس لافاهم ولامرتاب =عطاه الله من عنده عسى ماهو بحقراني
تقوله وانت مثل اللقمه اللي بين ضرس وناب = عشا مدري من طيب حظ الذيب سرحاني
عطانا الله مقام وهيبة احرارٍ على المرقاب = وحرمك الله من هاذي وذيك وصرت خسراني
انا قالو لي انه تاب عقب اللي جراله تاب = وشوفه مايل خده وانا ماني بشفقاني
هذي فرصتك ياتركي تعلم وقفة الشياب = انا لاحضة لين العود فيك وضعف الاركاني
هلا حياك الله
اخذت الاوله غصب ورضا عن عمك النصاب = عقب ماذاق حر النار من زندي وصواني
والا يالشايب اللي من فعول ام الكباير شاب = علاك وسومها متبينه يالله لاتبلاني
وردت العد لاكني لقيته رس فيه تراب =وخليته على حاله وانا ماني بعجلاني
حسب مرباك ياتركي توقع وحسب الف احساب= قبل تزعل عليك القوم ثم تاطاك بالعاني
كلام الاخوان على العين والراس
استلم
وردته من ردا حظك تراك الشر والاسباب = هذا فالك ماهو فالي ياراع المركز الثاني
انا حاسب حسابي مار من ياطى على المشهاب = اكيد انه يبى يغدي بلا معزه ولا ضاني
هنا وإلا هنا وإلا هناك نحضر الغياب = ولا عينت لك بين الحضور اسم(ن) وعنواني
حرام الضرب بالميت هنا يحضرة النواب= ابي شاعر يجيد النقض ماهو شاعر الحاني
استلم
هنا والا هنا والا هناك اقول صك الباب = قطفناها سمن من قبل اشوف اسمك بالاعياني
على جسمك نفصل لك بشوتٍ تسترك واثياب = بلاشي تستفز اهل المشالح وانت عرياني
معي تاريخ ياتركي مورخ عندنا بكتاب = تبي نكشفلك الصفحات قرب ورخ الاذاني
عطوك المشلح اهل الراي لاكن ضنهم بك خاب= تريح لين يجبر عضمك اللين وتلقاني
استلم وصح لسانك انتهت المحاوره على على طلب الاستاذ مرزوق الهضبي
انا خابرك وادري عن محلك وين بالاعراب = تشيب ارموش عينك وانت بعدي ماتعداني
خساره يابواسل حرب فيه اسل شلفا اذياب = ابا اكسب فيه حسنه قبل يلحق جده الفاني