ديوان الشاعر:محمد عبد الرحمن الحنتمي [الأرشيف]

سمير الحصني

05-05-2009, 08:22 PM

الاسم / محمد عبدالرحمن الحنتمي السالمي الحربي
الحلة الاجتماعية / متزوج ولدي ثلاث اولاد اكبرهم عبدالرحمن
العمل / القطاع الخاص شركة الغاز والتصنيع الاهلية
العمر / 30 سنه

المشلح اللي بالذهب طرزوها=على النعش حطت لحاف(ن) للأموات
تفسير حلم من انجبت بنت شوها=اللي كوت في داخلي مكمن الذات
حيام طرش عن هواها حدوها=مثل الذياب اللي تعاوى مجيعات
بحلوا بها اللي من قلمها قروها=الراس يملي والانامل مطيعات
يومن اهلها للهوى عرضوها=تحمّلو ميل الدهر كل الاوقات
ذكرى لهم بأوراقهم سجلوها=وصارت عليهم شاهد(ن) بالسجلات
صوره بوقت العولمه بروزوها=وأضحت حكاية غير كل الحكايات
ياموصلين علومنا علومها=النفس شامت عن هوى البنت بالذات
عمر الليال السود ما عمروها =ومن طاول الأيام عاف الطويلات
يبكي عليها من عرف عم ابوها=لاشان منطوق اللغاء والروايات
في دورهم وقفة جبل واحتموها=وفي صفحة التاريخ حطوا بصامات
اللي سواد عيونها كحلوها=لين اصبحت مضرب مثل للجميلات
واللي دروا عنها ورا مادروها=واللي تعدت مادروا بالمعانات
يامفسرين الحلم لي فسروها=واليا عجزتوا ماعليكم ملامات

نرجو عدم الرد الا ن اراد اضافة قصيده للشاعر

سمير الحصني

05-05-2009, 11:19 PM

يامالـك قلبـي ورى ماتراعـيـه=وإلا تـرده لـي وانـا اعتنيـبـه
عندك أمانه ليـه ماتعتنـي فيـه=ترا الغلا ماهو بجبـر وغصيبـه
عشرين عـام بالحنايـا مخفيـه=وأن قيل قلبـك قلـت ماينغزيبـه
لين إن جيشك مرني فـي تباهيـه=ونهبت قلبي مـن يدينـي نهيبـه
واليوم باقي بـس زول(ن) لراعيـه=ولسان في وقت اللـزوم يحكيبـه
وأغلب كلامـه ,بس,ماريد,مابيـه=والحاجة اللـي تنقصـه ماتعيبـه
يبي مواصـل صاحبلـه مجافيـه=من دون ذنب أصبح وصاله مصيبه
يفـز قلبـي كـل ماحـل طاريـه=وتنتابني بعض الشعـور الغريبـه
أسمع صدى صوته وأجاوبه لبيـه=وأنسى وجود اللي علـي يحكيبـه
واليا تشره قلت خـل المشاريـه=لابـد ماتدفـع لحبـك ضريـبـه

سمير الحصني

05-07-2009, 02:08 AM

بالله ليل الهوى ماشفـت ضـو القمـر=اللي يبدد سوادك عن عيـون الحزيـن
مشتاق أشوف القمر عقب اكتماله بـدر=في ساعة كل عـذّال الهـوى غافليـن
ودي أعانق شعاعه وأستبيحـه عـذر=وأمشي معه لين صبحك في شروقه يبين
وأحضّر افكار شعـري وأنتقيلـه درر=وألاطفه في كلام(ن) يحرج المستحيـن
وأهديه باقة زهر تسوى جميع الزهـر=فوحة شذاها تصحي كل قلـب فطيـن
قلبي تولع بنـوره يـوم نـوره ظهـر=كن السعد معه دايم في ظهوره رهيـن
لاغاب نوره عيوني يستلمهـا السهـر=وليا طلبت المنام اقرب لـي الفرقديـن
مشيت مع مطلعه ياناس رحلـة عمـر=واليوم اشوف النهايه مع مغيبـه تبيـن
لوهي تفيد المدامع كـان أسيّـل نهـر=يامن فراقه على قلبـي يجـر السنيـن
لاكن هذي هـي الايـام وهـذا القـدر=اليـوم فيهـا وبكـره كلنـا راحليـن

سمير الحصني

05-07-2009, 02:10 AM

قبـل الـوداع وملتقـى دمعـة العـيـن=تخيّـل المـوقـف تـرانـي بـوادعـك
أصعب لقى يجمـع علـى الـود قلبيـن=لحظة فراق اللـي لـه أعـوام جامعـك
فـي ذاكـرة شاعـرك جملـة عناويـن=يخـاف يذكرهـا وتصحـي مواجـعـك
حطيت لك فـي داخلـي سـور برليـن=من خوف شخص(ن) ياصلك وسط موقعك
أجـدد الذكـرى مـن الحيـن للحـيـن=وأنته تناسانـي علـى شـان أطاوعـك
كم ليلـة(ن) راحـت ورورد ورياحيـن=أهيـم بأحلامـي تقـول إنـي أسمعـك
وأشوف طيفـك بيـن خضـر البساتيـن=وأخاف لاأسمع صوت حـي(ن) يقاطعـك
تشـوف حالـي كنهـا حـال مسكيـن=دايـم خيالـي مسرجـه فـي مرابعـك
يامـا سهـرت الليـل مثـل المساجيـن=وأظـن دايـم مطلـع النـور مطلـعـك
يومـك تجينـا كنـت ضـد القوانـيـن=مـدري وش اللـي يمّنـا كـان دافعـك
واليـوم حالـك ويـن ومهايمـك ويـن=كـنّـا جمـيـع وفرقتـنـا مطامـعـك
آخـر رسالـة بيننـا قـبـل يومـيـن=كتبـت بأخـرهـا تـرانـي مـوادعـك

سمير الحصني

05-21-2009, 02:54 AM

انا قصيت اللي يديني تطوله=ولقيت فيه ثلوم من كل الاطراف
عقب قصيته مابقي غير زوله=ثوب على جسم حمل قلب خواف
اللي في المجلس تعاضم فعوله =عنتر وباسه مايوصف بالاوصاف
زيزوم بالقوات في حد قوله =يذبح ويصلخ بين غازي وحواف
بالهرج دايم يشتهر بالبطوله=وعند القاء مايحتمل ميل وجحاف
عسى الليالي عن سكنها تزوله=تقلع مداه وتلحقه بعض الاصناف
اللي لهم بالماد صوله وجوله=حشارت المجلس بواطيش الاعلاف
وان ضهرت بعض النفوس معلوله =ماني ملوث بالدما قطنها الصاف
عندي دواها والامور محلوله=النار حيه والمرض بعضه ارجاف
اوف الدوى مدام عنده قبوله=وارمي على الاهداف وصيب الاهداف
قلت وكفى.ماقلت عرضه وطوله=الاطال شرحه صار في بعضه سراف
مادامها بقيادها ومعقوله =ماني مقلب في دواوين الاسلاف
ولاني بتابع راي ناس جهوله =عقلي براسي وعرف الدرب وشتاف
واسج رجلي ولمعالم دلوله =والرزق عند منزل النون والكاف

سمير الحصني

05-21-2009, 02:57 AM

التحية خير مبدى والتهاني =وعود ازرق عقب دله شاذلية
يوم داعي من هل المحفل دعاني =قلت حق واجب يفرض عليه
يابدر عمار لارحت بمكاني =حر اشقر ماتبي مني وصية
لاوصلت الدار ذربين اليماني =ارفع اليمنى وقدمها تحية
مابقلبي عاجز عنه الساني =والسان احصان والنية مطية
ياذوي شعيل عربين المجاني =ياهل الطالات والكف الندية
للعلا ترقون من ماض الزماني =وهبة من عند خلاق البرية
من نويشي حتى اخر مودماني =والشعيلي محتمي كلمة خوية
جيت اشارك ثم ابارك بالتهاني =ياعسى لله يرفع شعيل الابية
والختام المسك هيل وزعفراني =مع صلاة الله على خير البرية

سمير الحصني

05-22-2009, 03:20 PM

هيـه ياخـد تعـلا مـن وشـام الشـام شامـة=لعن أبـو حيّـك تـرى ماباقـي بالقلـب باقـي
أنت يكفي منك يالمجمـول لـو بـس إبتسامـة=مانبـي وقفـة بيـان ولانبـي موعـد تـلاقـي
نظرة(ن) بالعين تكفـي منـك يازرقـاء اليمامـة=تـودع الأرواح منـا حدهـا حــد التـراقـي
وكان قلبي ماأعترفلك فـي خضوعـه وإحترامـه=لنزعه من وسط جوفي نزعـة الحكـم العراقـي
يافـع تـوه خجـول يحرجـه نطقـه كـلامـه=وإن هرج يغظي بطرف(ن) ساقه من الحزن ساقي
ماذبحني غيـر نظـره عقبهـا يبـدي إنهزامـه=إن نظرته صد عنـي وإن تركـت الزيـن تاقـي
لد لي بالعيـن نظـرة شفـت بالنظـرة علامـة=طرف يعلـن للـوداع وطـرف يعلـن للفراقـي
وأنت قاري محتواهـا كـان ترجيلـي السلامـة=رد قلب راح مـن راعيـه فـي درب الطراقـي

سمير الحصني

06-01-2009, 07:27 PM

لضاق صدري قلت هات القلم لي= هات القلم وكتب تراء خاطري عمس
مدام راسي في معانيه يملي = وحكم القلم يمنن تضمه تحت خمس
قدر الردي عندي تحت خف رجلي=لو شاف في نفسه نزاهه عن المس
عينن عمها ميلها ميل كحلي= مهي غريبه تذرف ادمعها الهمس
ولو صاح صياح القى ونتدبلي = جيته لى راس القدم طاوي الرمس
مدام رسي تلفحه ريح قبلي=مهمني من يحرق البن بالحمس
لله كريم من العطياء وهبلي = عقل يعيش اليوم ويقدر الامس
ماني بضاحك من بلا انسن مبلي= الرجيله اللي واهب النور بالشمس
انه عنه رب المخاليق يجلي = هم الضرير اللي طمس ناضره طمس

ابو خلود

08-09-2009, 02:44 AM

القلم لنسـاق يعـرف مـن مساقـه=لاعيونن حول لاعيـن(ن) كريمـه
ماخرج عن طوع فكـر ولانطاقـه=لكـن انـه ياصـل قلـوب سليمـه
من ترك سلم العرب قطـاع ساقـه=ومن نطح جيش العرب هذا بهيمـه
ومن تعلق بالعـرب سمـي علاقـه=والهداني من ثقـل حملـه يظيمـه
والكلام يقـاس مـن نـوع اللباقـه=والصدور اقفال ولسانـه خصيمـه
وكل طرف(ن) لاحصل منه انسراقه=النهايـة يلقـى عواقبهـا وخيـمـه
ومن طبخ له سم يعرف وش مذاقـه=ومن يذوق السم يبشـر بالحريمـه
ومن يحس بنار تحرق فـي عماقـه=يتحمـل كـل كيـه فـي صميمـه
ومن مشى درب الزلق عجل انزلاقه=لو تظاهـر بالعفـاف وبالحشيمـه
واه قلبـي ماخسـرت إلا وفـاقـه=ماتعـرض للهوى يبغـى نسيـمـه
جـرح قلبـه كـل يـوم بانفتاقـه=زادت جروحه على جروح قديمـه
كـل ليـل يمـر يرهقنـي غلاقـه=والهموم اللـي تواردنـي عظيمـه
الهجوس تجوس في قلبـي حماقـه=كن قلبي للهجـوس اشـداد ريمـه

ابو خلود

08-09-2009, 02:46 AM

بالله ياللي معي تطرق دروب الغرام=دوّر على واحدٍ غيري وتلقى بديل
أنا تركت الهوى ماعادني مستهام=ودربٍ تركته عليه أعود ذا مستحيل
أنا بهمٍ ملازمني لعدة عوام=أقضيت عمري وأنا وإياه حط(ن) وشيل
يرودني كل مايسدل جناح الظلام=ويروح ليلي تنهاد ونين وعويل
ماهو من أدنى الأمور من العظام الجسام=أزرى الجبل لا يشيله واحتملت الثقيل
في عالمٍ ملتقاه معادل الإنقسام=نقطة نظامه تعادل مستواه الهزيل
يشوم عنه النزيه وتغتنمه اللئام=يموت فيه الكريم ويستعز البخيل
عرفت من واقع الأيام شيب الغلام=وأخذت بعض التجارب للطريق الطويل
وحطيت فوق الورق بصمة براس البهام=يعدها جيلنا للي بعدهم بجيل
لاشاب راس الرضيع اللي بحتن الفطام=يجيب عنّا الكلام اللي يسر القبيل
كنه على صفحة الأيام بين العوام=في كل صفحة يحصّل عن جدوده حصيل
من بعد هذا عسانا ياعرب مانلام=لا قلت قفّلت قلبي عن غرام الكحيل

ابو خلود

08-09-2009, 02:48 AM

تدلعي يم الدلع حضر شاعرك=تدلعي يم الدلع وين وينك
تدلعي خلي عيونه تناضرك=خليه يروى شوف طلة جبينك
في عالمه مافيه حي مجاورك=ماأكثرهم اللي بالغلا حاسدينك
اجمعك ورد احيان وحيان ناثرك=بين الضلوع اللي على غي دينك
واكتبك بعض احيان وأحيان ابعثرك=وسط الخيال اللي ملكتي رهينك
ياما سكت اخاف لاجرح مشاعرك=وانتي على جرحي جريه يمينك
لكن بعدك يودع القلب ذاكرك=اليا طراله ما مضى من سنينك
من خاطري جيتك على شان خاطرك=في ملتقى عين الهواوي بعينك
معي من الذكرا ورق من دفاترك=فيهن ثلاث احروف رسمة يدينك
جيتك على يخت الهوى لجل اذكرك=ودعي عسى الله يرفعك مايهينك
كانك مثل منتي على العهد خابرك=عودي ترانا كلنا فاقدينك

ابو خلود

08-09-2009, 02:55 AM

اليكم هذه القصيدة (حقوق الطبع محفوظة) وهي تحمل اسم كاتبها
عند جمع اول حرف من كل بيت ارجو ان تنال اعجابكم

مابقـى بالـدار ذكـرى للآنـام=غير ذكرى الدار في وقتٍ قديـم
حالـت الأيـام دون الإنسجـام=وسدلت من فوقـه الليـل العتيـم
ماضي الأيـام صـرحٍ للغـرام=وباقـي الأيـام للعاشـق جحيـم
دارت الأفلاك في حسب النظـام=واستدار الكـون بامرٍلـه كريـم
أحسـب إن الـدار تبقابـه دوام=سيرة العشاق في وسط القصيـم
ليتها احترتني يولد لو نصف عام=ودي أاشـرح مابقلبـي للفهـيـم
حـرةٍ بالقـلـب سوتـلـي آلام=بعدها يانـاس أنـا قلبـي سقيـم
راويلي من المحبه كـاس سـام=والبشر تروى من الكاس السليـم
بلورت بالكون في ظـل الغمـام=مع شروق الشمس ونسناس النسيم
يضمحل الحب مع مـر العـوام=ويرحم العشاق واليهـا الرحيـم

ابو خلود

08-09-2009, 02:58 AM

رفعت لي راية مع النـاس للنـاس=بيضاء ولي في رفعة ايـدي غايـة
ساعة غياب النور وإقبال الأدماس=بين الشفق والليل مبـدأ الحكايـة
ولّي هنوفٍ حرّكت فيّ الإحسـاس=وتركتها من حـب أهلهـا هوايـة
من فوقها تاجٍ مرصّـع بالألمـاس=ومن تحتهـا زل الشيـارز وقايـة
في كفها غترة وفـي كفهـا راس=وتقـول للجهـال ويـن النهايـة
وأخذت أقايسها على كـم مقيـاس=وأشـوف ميـدان الرهـا للرمايـة
وأفحص ذهبها لايجي وسطه نحاس=ويبيّـن الميـزان وش مشترايـه
وأصير لقمة بين فكين الأضـراس=وأبقى مثل ماكنـت فـي مبتدايـه
ياجاهل الخطة ترى فيـه سيّـاس=وجاب المحـدّث مايسـد الكفايـة
الأولة راحت وأنا أقـول لا بـاس=وإن عاود المخطي سردت الروايـة

ابو خلود

08-09-2009, 03:03 AM

يقـول اللـي تمنـا مـا تمنـا=حسب ماشاف انا ماأضلم نصيبي
ألاليـت الشبـاب يعـود يومـا=يشوف اللي جرالي في مشيبـي
وانـا مانـي بمثلـه باتحـرى=زوال الشمـس وإلا للمغيـبـي
انا بشكي مشيبـي فـي شبابـي=قبل لأرجع على نفسي وأعيبـي
ألابـك ياشبـابـي لاتكـابـر=ترى الأيام روضـت الصعيبـي
نصيحـة ياشبابـي مـن مـود=نصيحة مخلص ماهـو مريبـي
تماكن في شبابك خمسـة اشيـا=قبـل يبحـل بعلتـك الطبيبـي
على الوثقـى تمسـك بالنواجـذ=تراها المنجيه وقـت عصيبـي
ترى الناشي على عمره بحاجـة=تلازمـه بمشيـبـه ياللبيـبـي
وضيفك لاحضر من دار غربـة=من الماجـود جزلـه للغريبـي
ولوإنك بـذودك كنـت سـارح=ولابـه زاد نطحـه الحليـبـي
وهل ورحـب الياجـاك زائـر=وفل احجاج في وجه الصحيبـي
وإلامنك جلست بوسـط مجلـس=توقع لاتصيـر انـت المجيبـي
تـرى للنـاس غايـات ونوايـا=لزوم الصمت خير من الهذيبـي
ورابعهن شبابـي خـل جـارك=قريب منك وانتـه لـه قريبـي
وتذكر بيـت للعبسـي بـدوره=عن الغرات بيـت لـه مهيبـي
يغض الطرف وان جاره بدالـه=حقوق الجار حافظهـا الاديبـي
ولامنـك تحمـلـت ألامـانـه=لـزوم تردهـا يـم الطليـبـي
ولاتنظرلها فـي عيـن طامـع=تذكر من علـى خلقـه رقيبـي
تـرى الدنيـا قريـب منتهاهـا=عسـاك الماذكرتـه تستجيبـي
وعسى السامع كلامي يتعظ بـه=إلهي ملتجـاي انـت المجيبـي

ابو خلود

08-09-2009, 03:13 AM

سليـم القلـب وناتـه تـتـالا=كما ورق على الدوح ازعجنـه
يسامرهـن بليـلـه ويتنـهـد=من اهموم اليا اغفـى عاودنـه
نهاره سالـي ماهـوب سالـي=وليلـه لا جنـا جنـن وجنـه
مضاله حول وأحوالـه تـردى =مع العالم وعقلـه غـاب عنـه
ماهمه حب ناقضـت الجديلـه=ودروب الغـي مايـوم اتعبنـه
مواطن في حشاه اضحت مواطن=مساكنهـن همومـه يسكنـنـه
صداها صوت زاعجت النوايـح=عيونن هامـي الدمـع اسكبنـه
ودموع(ن) من عيون اللي فقدهم=يتيـم مالقـى قـلـب يحـنـه
دواليـب تـدور بكـل ساعـه=خزايزهـا نفـوس مطمئـنـه
خـذن منـا كثيـر ولاعطنـا=وحنـا اللـي تركنـا ماخذنـه
نغـنـي وانتلـهـا بالجنـايـز=نـدور الاجـر ليديـن ادفننـه
ولانسئل عـن اسبـاب المنيـه= ولـي اذنـوب هالعبـد اقتلنـه
ولايالـورق نوحـن كـل ليلـه=ترى مافيـه حــي تزعجـنـه

ابو خلود

08-09-2009, 03:26 AM

صوره من الواقع على صورة خيال=تشكيلة الراسم فكرة فيلسوف
حال تحل الحال ضرب من المحال=بايع قلوب الخلق والعاقل يشوف
خالط حرام البيع في ضل الحلال=والفرق واضح بينهن شي معروف
مهما ادعى بالصدق لله الكمال=يبا يعرف العلم من عكس الحروف
واليا بحل راع الحمولة بالجمال=يرجع عن الطرقه ويعلن النكوف
يامغثرب الماء شربنا نبع الزلال=ودام السعي الطيب فالجهد مخلوف
يامغرتب عن شمس داره لظلال=روحت حر وجيت لدار معسوف

ابو خلود

08-09-2009, 03:28 AM

ياقـاري المكتـوب لاهنـت لاهنـت=لحضه تمعـن فـي كـلام(ن) كتبتـه
وأخلصت فيه وقبـل أسوقـه تمعّنـت=وأمشي حذر واللـي كتبتـه كسبتـه
يامـا وقفـت وللمداخـل تفطّـنـت=من خـوف بـاب ينفتـح ماحسبتـه
واليـوم يومنـي ضمنـت وتيقّـنـت=نفضـت بشتـي للرحيـل وشعبتـه
وعديت فـي راس الطويـل وتبيّنـت=وناديت بأعلى الصوت والصوت أجبته
وصم الصخور اللي عليهـا توطّنـت=ردت صدى صوتـي علـي وندبتـه
وكفرت بالطاغـوت وبربـي أمنـت=ولبسـت درعـي للجهـاد وكربتـه
وجلست بين القـوم وأدنـت وإندنـت=وفنجال راع السيف قمـت وشربتـه
وعلمت لي عاقل عن العلم وأذعنـت=وملـح المراجـل بالمسامـع سكبتـه
عن الذهيب اللي غداء في هوى بنـت=وعن الربيع اللي سقى السيـل نبتـه
مـدري تعديتـه أونــي تهـاونـت=ولا كلاه الحـوت فـي يـوم سبتـه
عساك ياعـد(ن) وردنـاك ماكنـت=عد الضماء اللي يوم جيتـه شجبتـه

ابو خلود

08-09-2009, 03:29 AM

قالي تغزل قلت حاضـر لعينـاك=احلا كـلام فـي فـوادي ملكتـه
انقاه نقـو الـورد ودور أرضـاك=مثل الذهب لعيـون حبـك سبكتـه
يغلا غلا ياكوكبـة بيـن الافـلاك=ياماسـة العقـد الثميـن وملكتـه
انت الغلا وانت الحلا دون رويـاك=وشلون لـو كفـك بكفـي مسكتـه
لجلك مشيت الدرب لو كله اشـواك=درب الخطر من شان حبك سلكتـه
ولو قالو العـذال يسـلا وينسـاك=مجمل كلام الناس حولـك تركتـه
ماهمني في رحلتـي غيـر لقيـاك=يامن شبابي فـي غـلاك احتنكتـه
صرح الغلا في خاطري كان ماواك=جعله يطيـح ولا تحلـل أشركتـه
وكان الغزل ماهو بطلـة محيـاك=كامـل قصيـدي قلّّـل الله بركتـه

ابو خلود

08-09-2009, 03:30 AM

لاضاق صدري من الدنيا دعى فكره=وناملي ترسم افكاري على اوراقي
حر سبوقه مجودته علـى وكـره=في عالم من طغاه يقال لـه راقـي
لاكن فكري عن الغرات محتكـره=لو تاق غيري انا فكري ماهو تاقي
يفز قلبي مع الطيب حسـب ذكـره=اهل النقاء وصفا عالين الاذواقـي
وللي على رفقته تمشي تقل مكـره=ماني على رفقته حرص ومشتاقـي
بس اتصبر متى بكره يجـي بكـره=يجي الفرج مع بعد بكرة والارزاقي
وانا احمد الله وكرر حمده وشكـره=وساله العفـو والجنـه والاعتاقـي
العمر له نشوته والموت له سكـره=والباقي الله وغيرالله ماحـد باقـي

ابو خلود

08-09-2009, 03:31 AM

ابو خلود

08-09-2009, 07:00 AM

لولا غلاكم ماأتعبت ركابي=قبل العياد وحزة التكبيرة

لكن غلاكم شاقني وأدوابي=وشبيّت للقيفان نار ونيرة

عيدك مبارك يازعيم أحبابي=ياحبي الراسخ ولابه غيره

أنت الغلا اللي بالحشا متنابي=وأنته ضياء الظلماء وكل السيرة

متحكم(ن) كلك بكل أعصابي=ومتربع(ن) بالقلب وأنت أميره

ياملهم لشعري وسر إعجابي=يادرة الشاعر وياتفكيره

بالعيد قول الحنتمي غنّابي=وأنا أباأقول العذر مع تبريره

لولا غلاكم ماأتعبت اركابي=قبل العياد وحزة التكبيرة

ابو خلود

08-09-2009, 07:00 AM

ان مانفعتونـي بضعفـي الياطـحـت=لاصـرت واقـف دون حلقـي يديـة
الله ميسرهـا معـي ويـن مارحـت=والحمـد لله كافـل الــرزق لـيـه
رزقي معي لامسيت ورزق الياصبحت=لاملزت مـن هـذي يسـر الله ذيـه
ميسر دربـي معـي ويـن مافلحـت=ويمنـاي جزلـه مـا تمـد الـرديـه

ابو خلود

08-09-2009, 07:01 AM

عسى الفتـاة اللـي لقتنـي هالايـام=يصيبهـا ماصابنـي فــي لقـاهـا
ليه ثـلاث ايـام والجفـن مـا نـام=الظاهر انـه صـاب قلبـي غلاهـا
اليوم عندي صاير (ن) حسبة العـام=رحلـة نهايتهـا قـبـل مبتـداهـا
مغرم ..متيم.. تايـه الفكـر مايـلام=حـال الشقـاوي بيـح الله خفـاهـا
بالمختصر ( حالي على غير مايرام )=دام الهـوى والبعـد حالـي طواهـا
والله لو ماكنت فـي لبـس الاحـرام=ماصـد عنهـا وأتجاهـل نـداهـا
مارحـت ادور للمشاكـل والاوهـام=لكـن صدفـه شفتهـا لـي تبـاهـا
موكب جمال .. قدمه جيوش وأعـلام=وحوله حرس يستيسر اللـي يراهـا
فتنه علـى وجـه البسيطـة للانـام=الله عطاها مـن الجمـال وكساهـا
زمردة مـدري مـن اللولـو الخـام=او درة مكنونـة(ن) فـي خبـاهـا
من حقها تفرش لها الارض برخـام=حـق عـلـى وليـهـا لا ولاهــا
واليا بغـت حاجـة يقولـون قـدام=وتنفيـذ اوامرهـا حسـب مبتغاهـا
بغيـت أواصفهـا وجفـن الاقــلام=الله يخليهـا لقـلـب(ن) رجـاهـا

ابو خلود

08-09-2009, 07:02 AM

بالله ياللي معي تطـرق دروب الغـرام=دوّر على واحدٍ غيـري وتلقـى بديـل
أنا تركت الهـوى ماعادنـي مستهـام=ودربٍ تركته عليه أعـود ذا مستحيـل
أنـا بهـمٍ ملازمنـي لـعـدة عــوام=أقضيت عمري وأنا وإياه حط(ن) وشيل
يرودني كـل مايسـدل جنـاح الظـلام=ويروح ليلي تنهـاد وونيـن وعويـل
ماهو من أدنى الأمور من العظام الجسام=أزرى الجبل لا يشيله واحتملت الثقيـل
فـي عالـمٍ ملتقـاه معـادل الإنقسـام=نقطة نظامه تعـادل مستـواه الهزيـل
يشوم عنـه النزيـه وتغتنمـه اللئـام=يموت فيـه الكريـم ويستعـز البخيـل
عرفت من واقع الأيـام شيـب الغـلام=وأخذت بعض التجارب للطريق الطويـل
وحطيت فوق الورق بصمة براس البهام=يعدهـا جيلنـا للـي بعدهـم بجـيـل
لاشاب راس الرضيع اللي بحتن الفطام=يجيب عنّا الكلام اللـي يسـر القبيـل
كنه على صفحة الأيـام بيـن العـوام=في كل صفحة يحصّل عن جدوده حصيل
من بعد هـذا عسانـا ياعـرب مانـلام=لا قلت قفّلت قلبي عن غـرام الكحيـل

ابو خلود

08-09-2009, 07:03 AM

ياناصر الليل لأضلـم والنجـوم حـدرت=تنابوتني همـوم (ن) حدهـا حـد مـوس
اسامر انجوم ليل(ن) عن صباحه سـرت=والقلب في داخله ميراد ضميا الهجـوس
كم دمعة(ن) عن فراق أحبابهـا عبّـرت=رسالة العين تنبي عـن خفايـا النفـوس
اللـي سـرت ليـل لقياهـا ولاخبـرت=ماورثت غير حزنن بالضميـر محبـوس
لاثمنـت قلـب شاعرهـا ولا قــدرت=من بعد وجه الرضى تبدي بوجه عبـوس
ياليتهـا لطفـت جــوي ولا كــدرت=وإلا تركتني على وضعي بليـا حسـوس
جتني تجدد جروح في ضميـري بـرت=لين الهواجيس ثارت مثل حرب البسـوس
من يوم ركبت على بحر الهوى وأبحرت=وصكات بقعـا يتلقنـي جديـد الـدروس
اسهر وأسامر نجوم(ن) عن صباحه سرت=الله يسامح خطاهـا الجـادل العيطمـوس

ابو خلود

08-09-2009, 07:04 AM

يقول من صبـره نفـذ مـن سكاتـه=من حال من حوله تقـل فيـه قالـون
يخاف مـن بعـض الكـلام وفواتـه=كلمة عفو يركض بهـا كـل ملسـون
اللـي بهـا الدنيـا كثيـر اشتمـاتـه=ماهمـه إلا ويـش كانـو يقـولـون
وتاصل لهـا جاهـل وينفـخ لهاتـه=ويكـون شـي ماحسبنـا لـه يكـون
وعنهـا توخـى للحـذر بخطـواتـه=ويمشي على أرض وسطها اللغم مدفون
في كـل خطـوة قـال هـذي وفاتـه=اليا رفع رجله عن الأرض في هـون
وعن التواضع قـام يكتـب وصاتـه=للـي بعـد دوره يبـي يستفـيـدون
ترى التواضـع ميـز الرجـل ذاتـه=والكبر لوينفـع نفـع قـوم فرعـون
كم حاكـم شعبـه شكـى معضلاتـه=اسأل أهل حيفا عن أفعـال شـارون
وكـم عالـم بقيـت لنـا ذكريـاتـه=غصب على الحساد وإبليـس ملعـون
هـذا ولـي يـم الـكـلام التفـاتـه=خص الكلام اللـي مقفـى ومـوزون
الشعـر ياشعـار غـيـر سمـاتـه=بدل معمـه فـي مخصـر وشيفـون
تركـض جماهيـره ورى موميـاتـه=وأكثر محطات الفضـاء لـه يذيعـون
مـا تعـم شعـار النـوادر لغـاتـه=باقين عساهـم علـى العـز يبقـون
اللـي نقـو صافيـه عـن شايباتـه=مثـل العسـل مـذاق للـي يذوقـون
أمثـال عبـدالله عـلـى نـادراتـه=اللفظ والمعنـى تجـارن مـع اللـون
ابـن زويبـن لاكـتـب مفـرداتـه=أعجاب جمهـوره محقـق ومضمـون
وغيـره لهـم بـاع طويـل بطراتـه=ما أظلم نصيبي والمخاليـق يـدرون
الكامـل الله فـي تـفـرد صفـاتـه=والعمر مهما طال مـن دون فـي دون