بندر بن سرور

[الواصل]

السلام عليكم ورحمة الله وبركاته

حبيت انقلكم هذه الأبيات وأنشالله تنال على رضاكم

يالله ياجـال الامـور المهـمـه
تجلا وهج قلب برا حال راعيـه
البر دجته والبحـر رحـت يمـه
يقطعك ياحظ علـى الله مساعيـه
يوم ان ولد اللاش رزقه على امه
رزقي على اللي ميت القشع يحييه
يامل قلـب كـل مامـات همـه
دارت دواليب الدهر ليـن تحييـه
فراق شمـل النـاس عيـا يلمـه
وقت يشيب الراس من شاية فيـه
احد ينـام وحـاط راسـه بكمـه
واحد تخم النوم عينـه وتخطيـه
واحد يحاول بالردى بنـت عمـه
واحد يحاول ستر عذرى عوانيـه
ماني وانـا بنـدر ببيـاع دمـه
يقطعـك يابيـاع دمـه ومهفيـه
اللـي يبيـع لابسـات الازمــه
ثور يبابيـض الرعابيـب تغنيـه
يزعل ليا جت ليلة الـدور يمـه
يرضى بسوق المال فخوه وفابيـه
خطو البخيل اللـي يكبـر معمـه
يقرا الكتاب وواجـب الله يخليـه
إمر هرج لك فـي رفيقـه بنمـه
والا عطا وامـه تضيـع هقاويـه
أنشدك ياللي كـل فـرض تتمـه
تقرا الكتاب وكل فـرض تصليـه
ويش القليب اللي غميـق مجمـه
مافاد غرسه ماه وعطشى سوانيه
تخالـف الانظـار شـرق ويمـه
وكل هدف رآيه من الناس مرضيه
سم السبب ياعارف عنـه سمـه
سم السبب ياعارفه قبـل اسميـه

[محمد الحنتمي]

الواصل

ذائقة رايعة

الشاعر بندر بن سرور اشهر من نار على علم رحمه الله

[الواصل]

والله انك صادق بس حبيت انور المنتدى بقصائده الراعه رحمه الله

[نواف العمري]

الله يرحم الشاعر ويتجاوز عنه

ومن ابلغ قصيده الله يرحمه

اخوي الواصل اهنيك واغبطك على ذوقك

تحياتي طال عمرك

[الواصل]

مشكور اخوي نواف على الرد الرائع
تحياتي لــك الــــــــــــواصـــــــــل