مضيعين الصلاة

[أبوسعود]

بسم الله الرحمــــــــــــــن الرحيـــــم

(( مضيعين الصلاة ))



عزي لمن مايشهد الفجـــــر عزاه (1) بالموقف الغصــــاب يوم القيامـــــــــه

في موقفن تشهد على فعله اعضاه (2) في ساعةٍ ما تفيد فيها الندامــــــــــــــه

إلى خذا كلٍ كتابـــــــــه بيمنــــــاه (3) يعطا كتابه فــــــــي شماله علامـــــــه

في ساعةٍ فيها الرجل ينكر ابنــــاه (4) كلٍ بنفسه بس يبــــــــي السلامـــــــــه

هو ويش عذره ياسئل عند مــولاه (5) ياقيل من ربـــــــــك تلخبط كلامـــــــه

تقضي سواليفه وتكثر رزايـــــــاه (6) ماينفعه لو هو مــــن اهل الزعامـــــــه

ماله سوا ماقدمه عنـــــد مـــــولاه (7) ماقدمه بالصحف يلقـــــاه امامــــــــــه

يقلط على ماقدمه يـــــــوم دنيــــاه (8) إنكان قدم خير يلقــــــــا إحترامــــــــه

ياشين حض مضيعين الصــــلاواه (9) مكانهم نـــــــــــارٍ يهيل احتدامــــــــه

وقودها من يتّبع كــــــل مشهـــــاه (10) المترفين مضيعيـــــن الشهامـــــــــه

ناسٍ عقوله بالمعاصي معبــــــــاه (11) مشاعرٍ عن رغبــــة الخير نامـــــــه

ياشين حض مضيع الخير شينـــاه (12) مسكين غرتــــــه الحياة بحطامــــــه

مايدري إن العبد للموت ملفـــــــاه (13) مهما يطول العمر تاتـــي سهامــــــه

العمر زرعٍ يزدهر عند مبـــــــداه (14) ويصرم إلى من حان وقت إنصرامه

ياسعد من عمره على الطاعه افناه (15) قام بصلات الفرض والشهر صامــه

[ابو سعد]

صح لسانك
ومشكور يابو سعود ويعطيك العافيه

ولك مني جزيل الشكر
وننتظر بما يخط قلمك المميز

[منيف الغرابي]

يالله يالمعبود عند المناجاه *** تعطين مطلوبي بيسر وكرامه




وتيمن كتابي انا اسالك يالله *** وتدلنا طرق الهدى والسلامه




وجميع مسلم على الخير تقداه *** وتطيب مطعومه وتحسن كلامه

[سعد بن نفاع الجابري]

أبو سعود صح لسانك وبيض الله وجهك

أسأل الله عز وجل أن يكتب لك الثواب ويجزل أجرك

[عابد الحربي]

صح لسانك ابو سعود ومشكووور ع القصيدة المميزة

[محمد الحنتمي]

ابو سعود

صح لسانك ولاهنت يابعدي

نعم لهذا يكون الشعر لافض فوك سجل اعجابي ومتابعتي لك

[أبوسعود]

تسلمون على المرور الذوق

ربي لايحرمني هالتواجد..