مرحبا ياشاعر معتبر

[محمد الحنتمي]

يامرحبا يالمعتبر حث القدم =يامرحبا باللي لفاء ديرة ذويه

الشاعر اللي معتبر نفسه علم = يجي هنا ونشوف وش تصفي عليه

[شاعر معتبر]

دام البقا يالحنتمي جيناك سم=اللي نحبه لو تبعدنا نجيه
المعتبر رجال دايم محترم=يخاطب العاقل ولا خاطب سفيه

[شاعر معتبر]

الليل ياسعادة المشرف ,, الله يخارجنا مايبطي السيل الا من كبره

[ابوخلف]

ياسلام سلم صحة السنتكم


بنتضارك يابو عبدالرحمن

[محمد الحنتمي]

مع اشد الاعتذار للاخ شاعر معتبر والعتب على الاتصال


بالملعبة ياذيب سلم وستلم =والحكم للجمهور طلقين الوجيه
تلقى على الاوراق لي جرة قلم=ترسانة(ن) فيها اسلاح اللي تبيه

[شاعر معتبر]

معذور طال عمركــ ,, لاكن نبغاها مباشره استلم :_




الحكم لأصحاب المعاني والحِكم=ولا أنت جمهورك لك ..ومنك وإليه
وأنا بعد سيفي ..وحده ماانثلم=واللي يتكلم في كلامِ يحتميه

[محمد الحنتمي]

بنيت لك قصر حجر ليش انهدم = مانقبل العرجاء كذا خلك نبيه
كم واحد(ن) قبلك اليا جينا انهزم=وخاف لاترحل مع الدرب وتتيه

[شاعر معتبر]

بعض الكلام اللي بلا لون طعم=لو أسمعيه بالأذن ..ما ناظرت فيه
أنته تبيها باللحم والا العظم=ماني بكورة ماد يالاعب ..بليه..

[محمد الحنتمي]

لاشفت ناب الذيب لاتقول ابتسم =ماتجري الدنيا على ماتشتهيه
لاعودت للهوش مانته لي خصم =من لايعرف الحر الاشقر يشتويه

[شاعر معتبر]

يا ذيب خوف بإبتسامتك الغنم=ما انته مخوف ذيب لوصافك.. شبيه
كم شاعرٍ مني يضيق بها النسم=لا شافني قامت تراعد به يديه.

[محمد الحنتمي]

الله يرزقك الشجاعة والعزم =ولاخويك مانت جالس تحتريه
انته قوي اعزوم بالصبر احتزم=وترك عرين اليث دام اليث فيه

[شاعر معتبر]

والله يرزقك الهدايه والفهم=قدام يبلاك الزمان وتبتليه
ترجع ورى واقولك قدم قدم=الحنتمي ذكرته ..وهرجي نسيه!!

[شاعر معتبر]

ابو خلف حيااك ربي ,, يشرفنا تواجدكـــ,,

[محمد الحنتمي]

رجل(ن) تدله خير من حمر النعم = وانا بدلك للطريق وسر إليه
واليا نشدوني عن علوم المعتصم=اقول ساترته هدومه ماعليه

[شاعر معتبر]

بين الحقيقه يامحمد والوهم=مثل الذي بين الحرامي..والنزيه
نياقنا برقابهن تلقى الوسم=والصك مايثبت يغير بشاهديه..

[محمد الحنتمي]

بيض الله وجهك شاعرنا القدير شاعر معتبر وتشرفت بالعب معك وإلى القاء

[شاعر معتبر]

الله يسلمك ويبارك فيك والشرف لي طال عمركــ ,,واشكر اخواني الحاضرين,,

[زياد البشري]

شاعرين كبار

ابدعتم ..... وبنتظار القادم

[منيف الغرابي]

يعطيكم العافيه اخواني .

[محمد الحنتمي]

زياد البشري

منيف الحربي

وجيهكم بيض والله لايهينكم

[سعد بن نفاع الجابري]

صح لسانيكما أيها الشاعران القديران

[نايف ابن طالع.]

صح الله لسنتكم والله يعطيكم العافيه ..