ديوان الشاعر بدر الحويفي

[نواف العمري]

تمرنـا الايـام مـانـدري بـهـا=لوكان هي تطـوي لنـا الاعمـار
تمضي دقايـق بيـن يـوم وليلـه=وبنـودهـا للغافلـيـن اقـصـار
تحكـم بنـا الغفلـه وبعـد امالنـا=ماكـن بـه جنـه ولابـه نــار
تغرنـا الدنيـا وهــي غــداره=تسقـي عسـل لكـن وراه أمـرار
تضحـك وخافـي غيبهـا ياساتـر=تسقي من الحنظـل نكـد واكـدار
نقراء ونسمـع والخطـاء ندريبـه=لكـن نحـط الواجبـات ايـسـار
لـو نعتبـر بجدودنـا واسلافـنـا=غابـو وغابـت عنهـم الانظـار
غابو وحنـا مـع طريـق الغايـب=راح السلـف واللـي بقـا عبـار
حكمـة تصاريـف الالـه بخلقـه=وأمر (ن) نفذ بالرسـل والابـرار
لكـن ماكنـا نشـوف ونسـمـع=بالوعـظ والتحـذيـر والتـذكـار
وهذا دليل مـن الضعـف بعقولنـا=وايامنـا تطـوي لنـا الاسـفـار
لوكـان نحسـب للحيـاه الزايلـه=كـان انتبهنـا والأجــل غــدار
نسمـع ولانعقـل كـلام الـهـادي=ماتقـل نسمـع موعظـه وانـذار
وانا ماعـم النـاس والله رقيبهـم=واجـد وجيـه الخيـر ولاخـيـار
لكن بعض النـاس لوكـان مبصـر=يضيـع لوهـو بــأول النـهـار
الآخــره ماينتـبـه لحسابـهـا=يـوم الجـوارح تنطـق الاسـرار
وكل (ن) يجازى حسب وزن اعماله=مافـيـه لاحـجـه ولامـعــذار
ماينفع الاهمـال قلـب (ن) قاسـي=عند النهايـه تشخـص الابصـار
الله ايكافينـا حصـايـد اذنوبـنـا=وتعمـنـا بالسـتـر يـاسـتـار
يالله يارحمـن تـرحـم ضعفـنـا=وانـت الالـه الـواحـد الغـفـار
هذا وابنصح كـل عبـد(ن) مسلـم=في طاعـة اللـي سيـر الانهـار
والكذب والغيبـه وغـش المسلـم=والكبـر لـه عنـد الالـه اصغـار
العز بالتقـوى وصـدق المنطـق=وتجنـب المنـقـود والاشــرار
ومن لـم مـال ولاوفـا بحقوقـه=عليـه صـار المـال عـار ونـار
لاجـاه يومـه مايفـكـه مـالـه=يقـوم غيـره بـاجـرة القـبـار
ويحصى العمل لوكـان مثقـال ذره=تدويـن كاتـب ماعليـه اغـبـار
وكل(ن) رصيده من حصيد أعمالـه=مابـه مجـال برغبـتـه يخـتـار
جف القلم واللي حصل من حضـه=يالعبـد ماعقـب النذيـر أغـرار
طع مايقـول الله ووصابـه النبـي=عسـاك فـي الحسـاب امـجـار
تمت وصلى الله على سيد البشـر=اعداد من فـوق البسيطـه سـار

[نواف العمري]

يالله انك ترحم اللي يشتكي لـك حالـه=وادعه سن الشبـاب وعـاش شايـب
عايش(ن) في مجتمع جيله وتقل لحاله=الهدف غير الهدف والكيف ماهو طايب
والبشر كل(ن) على طبعه يحب أمثالـه=سنة الدنيا وأهلها المعتـدل والعايـب
والنهايه كل شخص(ن) مرتهن بعمالـه=الله أعلم في عباده والخطاء والصايـب
وكل شخص (ن)لآخر الدنيا يشد ارحاله=الحكيم اللـي يفكـر بانتظـار الغايـب
لوتفاخر صاحب الدنيـا بكثـر أموالـه=ماعلى الدنيا قرار وما عليهـا ذايـب
ماعلى الدنيا يزول ولا يـدوم ظلالـه=الحظيظ اللي عن الزلـه لربـه تايـب
كل عبد (ن) لاتوفى له حسيب يسالـه=الجزاءنوع العمل مقبـول ولا خايـب
هايم العقل الضعيف بغفلتـه واهمالـه=والعمل دقه وجله لـه رقيـب ونايـب
كم فقيد(ن) فارق الدنيا وشوف عيالـه=فارق الدنيا وأهلها واحترامـه سايـب
وين سكان الكيـان وجولتـه وأجيالـه=هادم اللذات مزعهـم شبـاب وشايـب
تضحك الدنيا لأهلها واسمهـا الختالـه=الحلاوه ضدها ذوق المـرار الرايـب
في طريق اللي تغره تنصب المحبالـه=ويسلم اللي من عواقبها مخيف وهايب
غرت اللي في مكاسبها عرف مدخالـه=متعته مرت وراحت مازهرهـا دايـب
كان مكسبها حرام احسابهـا غربالـه=السوال اللي يوجـه بانتظـار الجايـب
والسوال احساب عن دق العمل واجلاله=وخاسر اللي باع بالدنيا ثواب(ن) ثايب

[نواف العمري]

سمعت لي كلمه وانـا رجـل حسـاس=كلمـة شجيـع لسـان فـارس حكايـا
ووجهت له كلمـه بهـا سـم نـداس=اشتالهـا بيـن الضـلـوع الحنـايـا
عـن لابةبأفعالهـا تـرفـع الــراس=دنيـا وديـن ومعـجـزات ومـزايـا
حربي ولي من فهرس المجـد نبـراس=وسلـوم مـن خيـرة سلـوم النحايـا
رغمن على اللي مايبينـا مـن النـاس=ضعاف العقـول اللـي جداهـم زرايـا
كذبـان خلـق الله بلاعيـم الانجـاس=اللـي بهـم تحـت الملابـس كوايـا
مامجدنـا حبـر مزيـف بقـرطـاس=تمليـه رغبـات النـفـوس الغبـايـا
يوم اليديـن تمـد وتحـد الاضـراس=نــرد مــردود الـبـراء للبـرايـا
تشهد لنا عوص النجايـب والافـراس=وشلـف تعلـق بالخصيـم الهـوايـا
مانرمـي الا لابـس الـدرع والطـاس=اللـي تـذرى بـه خـدور الشـوايـا
وحزنا مناهـل نجـد بالعـزم والبـاس=ماجاتنـا بعـروض مــال وهـدايـا
سقنا الشيوخ اللي على الخيـل فـراس=اللـي يعشـون السـبـاع القـوايـا
زحول الرجال اللي لهم بالفخـر سـاس=حمايـة السـاقـه سـهـوم المنـايـا
على النقـا يـوم ان الاريـاق يبـاس=علـى ظهـور معـربـات السبـايـا
ماهي سوالف كـل مبغـض وهـلاس=علـى صحـون مـن الفواكـه ملايـا
اليا شبـع راد البخـت طـب ماقـاس=سيفـه لسانـه والغـمـاد الشفـايـا
ما اوجس سموم ولا شكى ضيم الاتعاس=بظـلال حكـم محكمـيـن القضـايـا
اللـي تفـوق مجدهـم كـل الاجنـاس=بالسيـف الاحـدب رادعيـن الخطايـا
سواعـد الاسـلام قــاده وحــراس=ويخشىمهابتهـم غشيـش النـوايـا
سـادوا بحكـم الله وقطـاع الانفـاس=اللـي يخلـي عظـم الاعـوج شظايـا
ملـوك يفـوق قياسهـم كـل مقيـاس=وعمـت مكارمهـم شعـوب ورعايـا
ال السعود اللي بهم عطـف واحسـاس=ومن محكـم الفرقـان معهـم وصايـا
تخضع لهم روس بهـا زوم وعطـاس=ونفوس مـن وضـع العدالـه طنايـا
ولولا العدالـه تـردع العـي بركـاس=تجـاوز المغـرور ســور الحجـايـا
الله يعـز اللـي لـلاسـلام حــراس=اللـي علـى التوحيـد فيهـم حمايـا
اللي لهم فـي قمـة المجـد مجـلاس=ورفرف علمهـم فـوق مـدن وقرايـا
راياتهم تلفـح علـى روس الاقـواس=رمـز الجلالـه فـوق عـال البنـايـا
قيادنـا لاصــار للحـبـل مـسـاس=وحنـا بخدمتهـم جـنـود وسـرايـا

[نواف العمري]

يوم المولع واق فـي راس شمحـاط=حول علينا مـن جبـل طـي بمقـوط
حاديه مـن حـب العماهيـج مخبـاط=اللـي بحرهـن للعشاشـيـق زاروط
اللـي نبـاهـن للمعالـيـق مـعـاط=ونظراتهن ترسل عباريـد ومشـوط
صبـن علىقلـب الرديعـان زقـلاط=ودارت به المكره علىسير مشحـوط
واسند علي ابيـات جـزلات ونشـاط=مثل الذهب واحد وعشرين مشـروط
عملة ذهب ماهـي دنانيـر وانـواط=من شاعرآ ماهـو بالامثـال خربـوط
وسكر على الطاروق ضبـه وصقـاط=حيل الله اقوى كيف باحتـال وانـوط
حي الجـواب اللـي محنـط تحنـاط=جاءمن ابراهيـم الرديعـان مصفـوط
هـدف وتهديفـه طريقـة تشـطـاط=واللي عطاه الـراى رجـال مضبـوط
خطط له الخطة مـن النـاس خطـاط=قصده يسـدد كـل الانفـاق ويحـوط
وافق وركز لـه قريحـة بحـرف اط=وشاور شويره واستساره وقـال أوط
وطاعه برايه ونتهت سبـع الاشـواط=واشر عليه باصبعـه باخـر الشـوط
وارعد وجا سيله مع الحـزم جـلاط=وفاضت معابيره على خبت وشطـوط
الله يكافينـا كفاحـه لـيـا شــاط=وقعه برد ماهو من السطـح ناقـوط
لقـط عناقـيـد القريـحـه تلـقـاط=وخلى غصون من الورق بيض وملوط
واخذت مع دربه على الشوف مشواط=عساي احوز ارضاه ويكون مبصـوط
ونا معه جندي وهـو صـف ضبـاط=تحت الاوامر لو حصل ضغط وضغوط
مادامهـا لعبـة حـويـلا ومـزقـاط=ماني مع الصاحب قصـاوي ولابـوط
مهما حصل من بيننا مـزح وأغـلاط=الحبل ماهو بين الاصحـاب ممغـوط
وان جت علـوم ماتلفـز بالاضبـاط=على بحر مانـي علىجـال حابـوط
لاعـط لاصـوات العماليـق عطـاط=اعرف جواب اللي عليه ضرب شـوط
ماني من اللي ينطمـع بـه وينهـاط=وصفـة علاجـي للطماميـع حانـوط
ولاقول انا فارع طويليـن الاشـواط=ببحـور فيمـان الشواعيـر ماحـوط
وان جنبتـنـي مـاتـورط تــوراط=مالي بوضع الناس قـارط ومقـروط
عنها أبتعد بعد الجزائر عـن أرهـاط=ماني مثير اسبـاب ومعقـد أخيـوط
هـذا وأبأرسـل للرديعـان خـيـاط=يخيط قلب من قسى الحـب مشعـوط
العاشق اللي في بحور الهـوى غـاط=قلبه ليـان ومـن كراسيـه ممعـوط
شايب وقلبـه بالولـع سلـك مغـاط=مـن شـوط تيـار الغناديرمشلـوط
وعشقه خطـا الله لايصلـط تصـلاط=كيف الغناوي حالتـه حـال مزنـوط
مـادام لـه ملفـا ومثبـا ومـقـلاط=عبيرنجدوعنبـر الـشـام مخـلـوط
يلعب على حبلين وافراش واصمـاط=كلش جديد ولا بهن همـل وأصفـوط
ثنتين عنده يعملـن كحـل وأمشـاط=عفايفـن مالامحـن كـل شمـحـوط
لـو يسمعنـه ولعـن فيـه شخـاط=وتناوبنـه بينهـن قـرص وعـروط
قامـن عليـه وشلطـنـه تـشـلاط=ياشينهن عند الزعل موطهـن مـوط
وعيالهن معهـن بعصيـان وأسـواط=حتى الصغير اللي على الديد زعطوط
وقالـن توقـع لاتخـبـط تخـبـاط=مأنته وغد رأسك من الشيب مشموط
يابـو حمـد بالـك تفـرط تـفـراط=أقنع برزقـك وأنـت رجـال مغبـوط
خـل الهـوى للـي يفحـط تفحـاط=يطيح مـع دربـه كفـرات وجنـوط
حذف الحصى قفوه تقل حـذف نبـاط=ومن الحيا وجهـه مجـرد ومقشـوط
اللي ليامنـه شبـع بالهـوى شـاط=عشقه مع الحـارات لفـات وفحـوط
عشقه خيـال وفيـه رجـه وخـراط=عقله نمط سيكـل مساميـر وبلـوط
لويازونـه مـازون ربـع قـيـراط=مثل الذي ريشه بـه أرنـاق ونقـوط
اللـي علـى روس المراقيـب نغـاط=يطيـر ويوقـع علـى رأس زربـوط
وألا أنت صاحب عرف راوي وفقـاط=سبـاح ببحـور العماليـق وتـغـوط
مأنته وغد تعطـأ حـلاوه وشقـلاط=العرف له عنـدك مطـارات وهبـوط
بالعرف لك قيمـة وبالشعـر عمـلاط=وبالطيب مناهجك بالأمجـاد مربـوط
شاعر وعندك ذوق لأشعـار الأنبـاط=لاتختبرنـي مـع ملفـات وخـطـوط
خل السوالف بيننـا بصـط وأبصـاط=العقـل كنـز وذارف الحـب ملقـوط
والناس كل لـه محيـط بـه أمحـاط=المتزن واللـي مـن العقـل مفـروط
وترى الثقه بالنفس من خير الاشراط=وكل حسابـه فـي سجلـه ومفقـوط

[نواف العمري]

ارسلتلـي خـط كتبتـه بيمنـاي=سلام وجه من من صديق لصديقه
ملفاه نايف طيب العرف والـراي=اللـي هناديـب الشكالـه طريقـة
عد الروا ماهو ضحاضيـح رواي=شط الفرات اللي اغروقه عميقـه
ليا قرأ خطـي وبـرق بدعـواي=ملـزوم يرقـا بالطويـل ويويقـه
حيث أن قلبه بالمراقيـب شقـاي=نايـف ولـه بالنايفـات اتعليقـه
ياللـي لصلفـات المعاشيرحمـاي=لانشف من بين الشفاتيـن ريقـه
أنا صويـب وناقـل داي بـرداي=قلبي غداء من مابجاشـي حريقـه
واللي ذبحني واحـد مـن دنايـاي=والصبر والله يابن عايـد ماطيقـه
يوم استتم وجاء على الكيف ومناي=صالف ولاوافق طريقـي طريقـه
ارهيت به واقبل على الجم مـدلاي=وتقطعـت منـه الحبـال الوثيقـه
يوم اقتعدت وللهدف زان مرمـاي=عودت يانايـف خفيـف العليقـه
واليوم وش رايك لياصرت شكـاي=عطني مسانـدة الرفيـق لرفيقـه
ودي تباصرني وقل لابت غـزاي=بالليل تنحاني عن النـوم ضيقـه
اما عذلوني وقنع النفس بغضـاي=والاترجـا والطلـب فـي لحيقـه
شكيت يوم الغـلاء جـاب قصـاي=ماخـوذ مالـي منيفـك الوسيقـه

[نواف العمري]

ياللي طلبتـم نبـذة مـن قصيـدي=عن واقع المفعول لا أنقص ولا ازيد
انا غرامـي وانبساطـي وعيـدي=تفريعة القرناس بأرض بها صيـد
لا شطب الصيحان روس الزبيـدي=والعشب جالـه بالمثانـي عناقيـد
والبـدو مايبـدي لهـم بالشديـدي=تسعين ليلـة ماحكـوا بالمواريـد
ضيق بهـم در الغنـم والجميـدي=مايشربـون إلا حليـب المجاديـد
والبل وبرها طار وأبـدل جديـدي=وردوم على الفاطر سوات المجاليد
من فضل ربي كـل يـوم تزيـدي=قامت عشايرهـا تسـن المفاريـد
والفجر تسمـع للطيـور اتغريـدي=ليل الشتاء طوله عليهـن سراميـد
هذيـك والله منوتـي ياعضـيـدي=لا جابها الله من صدوق المواعيـد
ماكفـه الديـر لرجـم المفـيـدي=وذوب على خشم الخدار ومشاحيـد
مجهود من نـو الجبـه السديـدي=وحصل لها قبـل العقـارب تماديـد
غثوه على روس الشجر والهضيدي=وساق وتساقـي للنفـود وتخاديـد
وفيض على فيحان ريف البعيـدي=نبي لنـا بشعـاف لوقـه مطاريـد
علـى اسـوق مقربـات البعـيـد=من فوقهن يازيـن مـزح الأواليـد
لا فـرع النـادر وطلعـه وكيـدي=وحول على جول الحبارى تقل حيد
وسلط على الخرب النشيط العنيدي=حاسه وداسـه والحبـاري ملابيـد
يقضي بها الصقـار يـوم جديـدي=في ساعـة مابـه وجيـه مقاريـد
هذا هوى بالـي وهـذا رصيـدي=سوق النظر بين السهال الجراهيـد
لوكان من طرد الولـع مستفيـدي=فتق بقلبي واعذروا يـا الأجاويـد
نومي تحت طل النجـوم الجليـدي=عـن كنـب ومنجـد زل تنجـيـد
لو لامني خطـوا الغشيـم البليـدي=طرد الولـع مابـه عليـه مناقيـد
وشف الفياض المخضره يالحميدي=وشمة ذعاذيع الهوى عندنـا عيـد
وللكيف ذوق ولاستمـاع النشيـدي=لا قلطـوا رسـلان والا بغـاديـد
ثنتيـن هيـل وثالثتهـن عويـدي=وكل على ماتطلب النفـس وتريـد
وقدوعهن من طلع هدب الجريـدي=احسن نمونه من نما شـرع الغيـد
وسوالـف ماقيـل فيهـا جحيـدي=بالصيد لا نمـة ولا هـي هرابيـد
ساعات نقضيهـا ويـوم سعيـدي=ولادامت الدنيا لعامـر وابـا زيـد
الـدايـم الله والفـنـا للعبـيـدي=والرزق عند منـزل الـدر بالديـد
محي الهشيم اللي عروقه هميـدي=رزاق ماتحت الصخـور الجلاميـد
والله يدبرنـا عـلـى مايـريـدي=وصلوا على اللي وحد الدين توحيد

[نواف العمري]

والله يالولا غايتي ما انقـل الطيـر=مانقل على كفي خفـوق الجناحـي
أبي اليا فزت تقل شعـف معصيـر=وقفت تعقـد مـع سهـال فياحـي
ليا تلني واقفى يخطرف له السيـر=جايع وحاديه والزعل من صياحـي
لا طقهـا بالصايديـن المواخـيـر=طاحت تدوس ونجم الطير صاحـي
وليا حصل جول رتـوع ومخاميـر=في ماقع عن نشر الأدباش زاحـي
وتركزن له تقـل شـول معاشيـر=وغزن غلبهن عقب ماهن مطاحـي
منهن علق باللي مثل بكرة الظيـر=ونكد عليهن عقب ماهن ضواحـي
وجيته يمزرها على القـاع تمزيـر=يشلـق معلـق ثديهـا بالجناحـي
هذيـك والله منوتـي يالمناعـيـر=ان كان انا مجنون وان كنت صاحي
وكل برايـه لـه تصـرف وتدبيـر=ولأحد على الدنيا جلس واستراحـي
وأرزاق خلق الله وهايـب وتقديـر=ورزقي على مجرري هبوب الرياحي
ولا ينقص الرجال كثـر المخاسيـر=لصار دون الوجه ماهـي سفاحـي
والقل ماعذرب رجـال بهـم خيـر=والمال ماعـز الرجـال الشحاحـي
مار اتركونـي يالوجيـه المسافيـر=هذا الذي وافـق عليـه اقتراحـي

[نواف العمري]

اللـي فقدنـا مـن نبـات ونواويـر=ماهو على المولى صعيـب رجوعـه
الله مـن قلـب هجوسـه طوابـيـر=ميعادهـن بيـن العتيـم وهجـوعـه
قالـوا تفكـر قلـت عنـدي تفاكيـر=أشوف شـئ مـن خطانـا وقوعـه
قلـت الحقيقـة يالوجيـه المسافيـر=قلبي ليـان وشـاف شـئ يروعـه
شفت الجفاف مكسر القشـع تكسيـر=والنفس ماهي من قضاء الله جزوعه
وادي الرمة جوه عجـاج ومعاصيـر=يبسـت جراجيبـه وماتـت قشوعـه
حمضه عليه من السوافـي عثاميـر=يا بعـث الأمـوات تبعـث جذوعـه
مدهـل مجاهيـم تــلاد ومغاتـيـر=وحمـر مرابيهـا هدايـد افـروعـه
يوم الوسـوم تنثـر الوسـم تنثيـر=والعشب ينبـت ماتكامـل اسبوعـه
ويوم القلوب نظاف مايقـف الخيـر=يطيـح وسـم ولا تقطـع تبـوعـه
واليوم وبل الغيـث مثـل الطباشيـر=قامـت تلـوث بالمناقـع انقـوعـه
الشكـوى لله صـار بالجـو تغييـر=دايـم كتـام وغيـر الجـو نـوعـه
واصل الخطا منـا تهـاون وتقصيـر=قليـل مـن يحسـن لربـه ركوعـه
نشقى ورى الدنيا وهي مابهـا خيـر=والموت يدنـي للنفـوس البشوعـه
وعنـد المحاسـب ماتفيـد المعاذيـر=ينشف جما العاصي وتطفي شموعـه
واللي غناته سحـت ومـوال تزويـر=لـه ساعـة مـاذاق حلـوه يزوعـه
يـدري بهـا لـودعـوه الحفافـيـر=والقبر ضكه مـع محانـي ضلوعـه
فـي ساعـة مابـه تقـدم وتأخيـر=يفقد بها الرحـال مجالـس ربوعـه
وعن ماعمـل مالـه مفـر ومعابيـر=ما ينفعـه جمعـه وهيبـة جموعـه
قدامـه الجنـة وقـدمـه زمهـريـر=والله يعلـم ويـن يكتـب نجـوعـه
يارب تهدينـا علـى حسـن تدبيـر=نطلب عظيم الشان خوفـه وطوعـه
يالله يــارازق عــوج المناقـيـر=ياكافـل رزق النـفـوس القنـوعـه
يامـن بتقديـره تكـون المقـاديـر=ياسمـع الداعـي وخالـق سموعـه
تزيـل شـدات السنيـن المعاسيـر=يامن لـك المسلـم يوجـه خشوعـه
تمدنـا يـارب رحـمـه وتيسـيـر=غيـث يعـم المملكـة فـي نفوعـه
يارب من قل المطـر نشفـت البيـر=نشف الثرى والدرع ماتـت زروعـه
ومات الخشاش وضاق في عشه الطير=يشكي علـى رب السمـوات جوعـه
والبـل مصارفهـا نخالـه وشعـيـر=واحوارها بالشبـك تـذرف دموعـه
مثل السجين يلوح بيـن المواصيـر=والا البهايـم للمـقـدر خضـوعـه
حاطت عليه اذنوب نـاس مباصيـر=حاله صخيـف وحنـة أمـه تلوعـه
ذنـب الأوادم لـه عواقـب وتأثيـر=والعمـر فتـرة والحيـاة مخدوعـه
وحنـا بشـر مالله خلقنـا تصاويـر=واللي يخـاف الله يطبـق شروعـه
والله محذرنـا عـن الكـذب تحذيـر=والحسـد والغيبـة وكبـر وميوعـه

[نواف العمري]

قال الذي جّرب وشـاف وشاهـد=وقاسى من الدنيا فرح وأحـزان
خمسين عام اللي حواهن فكـري=مرن تقل ساعـه مـن الزمـان
لا رتحت فيهن يوم الاخرشطـه=واليا تريـح خاطـري كسبـان
اليا ذكرت أجيال ناسـن راحـو=اطوتهـم الأجــال بالأكـفـان
راحوا من الدنيـا ومـن لذتهـا=واللي بقي مع دربهـم عجـلان
هذا وأبا أبدى في نصيحة شايب=تهدى من الشياب إلـى الشبـان
أخص من يدراء الشرف والسمعه=اللـي يجنـب سـرة السفهـان
اللي علي حفظ الشرف به غيره=ويميز الصاحـي مـن الخربـان
اللـي يعـز النفـس ويقدرهـا=مايندفع فـي منهـج الشيطـان
يد الفرايض والحقـوق الواجبـه=اللي فرض ربي علـي الانسـان
ومن لاحفظ دينه ونزه عرضـه=هذاك لـو انـه بشـر حيـوان
ومن احترم نفسه وضيـع دينـه=مسكين في طيش الجهل غرقـان
له ساعتن لابـد تدنـي رحيلـه=ماينفعـه مـالـه ولا الـخـلان
ماله من الدنيـا سـواء ماقـدم=في ساعتن ياقف بهـا عريـان
ان كان قدم خيـر يلقـى ثوابـه=من قدم الحسنه جـزاه احسـان
وكلـن رقيبـه مطلـع بأعمالـه=يبي يشاف الربـح والخسـران
الله يهدينـا ويرحـم ضعفـنـا=في ساعتن ينصب بها الميـزان
يحصى العمل لوكان مثقـال ذره=ويسـلـم المـديـون للـديـان
وتشهد جوارحنا علـي مانعمـل=بأمرالالـه الخالـق الرحـمـان
علام ماتخفي الصـدور وتبـدي=منـزل الـتـوراه والفـرقـان
الله خلقنـا لـه عبيـدن نعبـد=اللي ذكـر فـي محكـم القـرآن
ماهو بحاجتنـا وحنـا بحاجتـه=الله غني لاكـن بنـا لـه شـان
يالعبد دامـك بالسعـه متعافـي=حـاذورك التفريـط والعصيـان
لاتحسـب أنـك بالكيـان مخلـد=الدايـم الله ومـن عليهـا فـان
مادامـت الدنيـا لحيـن قبلـنـا=ويـن الأبـا والعـم والـجـدان
مابقـي الا أثارهـم واذكـارهـم=عبره لمن عنـده فكـر وايمـان
لكن وين اللـي يفكـر ويعتبـر=نشـوف مـار قلوبنـا عميـان
الإ بتجميـع الحطـام الفـانـي=مثـل الذيابـه نجلتـد وذهـان
وان كان ماندي زكـاة اموالنـا=بالاخـره تصـرف لنـا نيـران
وتدوسنـا بنحورهـا وأقدامهـا=وتعضنـا بالضـرس والنيبـان
ولايسلم الا من عرف حـق الله=وأدى زكاتـه واطعـم الجيعـان
ماهو ريا يرجي ثـواب الهـادي=اللي فرض للدين خمس اركـان
وترى الربا لوشاف راعيه زوده=من باع به من مكسبه خسـران
لاجـا حسابـه مايسـره مالـه=لوهـو يسيّـل بالذهـب وديـان
لاصـار بطنـه بالربـا متحمـل=السحت في بطنـه ربـا ديـدان
وايضا البخيل بحالتـن مذمومـه=ومخاشره في رزقـه الشيطـان
يلمهـا ولايـعـرف حقوقـهـا=ويموت منهـا مكسبـه حرمـان
يركض بها المسكين ناشف ريقه=وينعم بهـا غيـر وهـو تعبـان
وغير الكفن وش مكسبه من ماله=يمكن يموت من الرهق عطشـان
ولا لي بطول الشرح مع خلق الله=الله رقيب الكـون واللـي كـان
وأنا الحقيقه معترف بقصـوري=ماأرجـي الله وأطلـب الغفـران
والله يهدينـا بهـدي الـهـادي=ويجعل لنا في طاعتـه عنـوان
تمت وصلى الله علي محمدالنبي=عداد ماهـز الهـوى الاغصـان

[نواف العمري]

يارجل ياللـي فـي غيابـي تكلمـت=علمك علـي بالـي ورزمـك فهمتـه
ياللـي بحجـه مستحيلـه توهمـت=حولت حظـك وسـط بيـر وهدمتـه
سيلك تدفـق مـن شفـاك وتخرمـت=ليتك عن اللي مـا استحقـه ردمتـه
وأن كان هادف لك هدف يوم هاجمـت=العقـل شـوري والتزامـك بصمتـه
وكان الجهل سيطر عليـك وتقدمـت=ماظن يثبـت قولـك اللـي زعمتـه
وأن ضعت مع طيش الطواري وهايمت=بركـت للحـق المصيـب وغرمتـه
غادي وخيّـل لـك خيالـك ورهمـت=وسم الحنيش لو تلحسـه ماجغمتـه
غروك ناسٍ مـن نسمهـم تسممـت=واللي عطى الله لـو تبـي ماحرمتـه
انصحـك وإلا ماعلـي لوتقحـمـت=دام أحتمـل زلـت رفيقـي حشمتـه
ونصيحتي وجهة نظر مـا تغيشمـت=شبحي بعيد ومـن غـدا ماغشمتـه
شبحـي بعيـد ولاأستعديـت نظمـت=والشوك لاجاء فـي طريقـي دقمتـه
وليا بغيـت أهـدي هديـه وقسمـت=ماهـس بالميـزان قسـمٍ قسمـتـه
أنا ليـا منـي بالأوضـاع ساهمـت=أصـوّر الواقـع نـظـر لارسمـتـه
ماني غشيم مـن التجـارب تعلمـت=وأن مـال ميـزان القريحـه حكمتـه
لامعنت بأسلوب المعانـي وخاصمـت=خصمي بجـزلات المعانـي خصمتـه
بلحـام سكـرت الملاحـم ولحـمـت=وعلـي منافيـذ الملاحـم برمـتـه
لاسقت طـاروق القريحـه وصممـت=حذفي علي اللـي يستحقـه رجمتـه
وبعض الكلام أخيرمـن رده الصمـت=وأن جاء من الجاهل غلـط ماجرمتـه
وعن بعض مانسمع ويهرج تشيمـت=وسلم الرجال أهل السلـوم احترمتـه
ولوكل ماثـارت عجاجـه تحيزمـت=تهت الطريق وكـل عايـر صدمتـه
مهما حصل بأسلوب عقلـي تحكمـت=ورأي الحكيـم المعتـدل مالطمـتـه
لوكان به ناسٍ توجـه لـي الشمـت=مهمـا يقـال بغيبـتـي ماحلمـتـه
بعض الكلام اليـا سمعتـه تلطمـت=وفيض المجالس ماأزعجتنـي نغمتـه
طبعي علي تأديب الأخـلاق داومـت=ومن ضاع عن درب السنع مادعمتـه
لابس حرامي من شفا السيل وأحرمت=والعلـم بالقلـب المفتـح حزمـتـه
وحقيقـة الواقـع بهـا ماتحلـمـت=من مصـدرٍ ماثـوق سـر وكتمتـه
ان شافهـا وإلا نصيتـه وسلـمـت=وحددت لـه مرسـام حـد ووسمتـه
ودليتـه اليـمّـه وبالله تعصـمـت=الا أن تراجع صاحبـي عـن وهمتـه
ظنه ظنيـن اليـا قريتـه وترجمـت=بالحـق وأسنـاد الوثايـق هزمتـه
وأن ضاق صدره من كلامي تبسمـت=وأن مد لي كـف الرضـا ماشتمتـه
ماني سفيه اليا أحترك عود برعمـت=واللـي مجنـب سيرتـي ماعزمتـه
وان دار دولاب الهواجيـس وأبرمـت=معناي عن نقـد العـوارف عصمتـه
مابعت في سوق الضغايـن ولاسمـت=ماأخطي ومـن ميّـل عليّـه خزمتـه
ماأفطر علي تشويه الأوضاع لاصمت=وراس الصديع اليا أعترضني حجمته
وبسلوم لزمـات الرجاجيـل لازمـت=أسيرمـع سلـم الرجـال ولزمـتـه
وليـا سفهـت التافهـه ماتنـدمـت=وماعـون خـلاق المشاكـل خدمتـه
وأنا مـع اللـي يفتهمهـا تفاهمـت=ومـن لاتطـرق منهجـي مازهمتـه
وأن حدني حـادي قوامـه وقاومـت=سبحت مع مـوج البحـر وأقتحمتـه
جهـزت نفـسـي للعبوروتولـمـت=عمق البحر لوهـاج موجـه دحمتـه
وجهتهـا بيضـا صريحـه وحكمـت=أحكمت مضمـون الجـواب ونظمتـه
تم الجـواب اللـي نضمتـه وتممـت=والوصل مـن راع البريـد استلمتـه
وصدرتها بأسلوب هـادي وترجمـت=ومن لاظلم نفسه حشـا مـا ظلمتـه
أدخـل علـي الله بالخطـا ماتذممـت=وحـق العبـاد وقدرهـم ماهضمتـه
وجـو الصداقـه ماسجتـه ولغمـت=معرض عن الغايب ولا أكـل لحمتـه
ودام أمتلك نفسي عن الظلـم حرمـت=لوكـان تجذبنـي لشخـص أتهمتـه
لبستهـا ثـوب المناعـه وسجمـت=وأرجي عسى الجاهل يوطي رضمتـه

[نواف العمري]

ياالمنتقد مالك علـى النـاس مدخـال=شوري توقع واقصر الحبـل للعـوج
راجع ضميرك قبل احطك على البـال=إن كان ما راسك عن الشور مصنوج
ما دام مكنونـي ورا عجـم الاقفـال=ترى الهروج الفاضيه ما لهـا حـوج
حنا عرب مـا همنـا نقـد الانـذال=نحمـى كرامتنـا ولا نقبـل العـوج
اجواد مـا ننقـص للاجـواد مكيـال=اهل النقاء ماهي سواليـف وهـروج
ياللي تحيّـل والدهـر فيـك محتـال=هاك الزمان اللي به الوجه مسهـوج
ايام فيها عشـت فـي خـوف واذلال=مثل المريعي يسبـر الحـوم ويلـوج
واليوم مـا مثلـك ولا صـار رجـال=وعندك لتحريف السواليـف كتلـوج
عن جيلنا الحاضر وعن ماض الاجيال=تخفاك عادات العرب وانت مرجـوج
و ان طعتني تعرض عن القيل والقال=تراك مهمـا غـرك الـزود مفلـوج
انعم بظـل اللـي لنـا درع واظـلال=اللي يقودون السفينـه مـع المـوج
قيّـاد رايتنـا صنـاديـد الابـطـال=اهل السيوف اللي بها السم ممـزوج
عيال الحرار اللي بها تضرب امثـال=والا انت لو يضرب بك الوصف فروج

[نواف العمري]

هني من قلبه عن الحب مصـروف=مالوعنّـه لابـسـات الغـدافـي
مستانس ماهو بـالازوال مكلـوف=والى رقد يرقـد عليـه اللحافـي
ماشاق قلبه بالهوى كل غظـروف=سود العيون صخيفـات الاشافـي
لاصار عود زين وانهود واردوف=وشقر توقيهـا الهـدوم النظافـي
وكلامهن يسقط على لبة الجـوف=هذا البيان ومعهن المـوت خافـي
معهن خناجر تجرح القلب واسيوف=وحرايـق ماتنطفـي بالمطـافـي
الى ولن مايرحمن مابهـن خـوف=وخيراتهن عن شرهـن ماتكافـي
الين من الديباج واتقن من الصوف=واخشن من البـرد ريـام عيافـي
مجنون ليلى عقبهن صار مشعوف=قزر حياته مـع وحـوش الفيافـي
كم واحد باسبابهن يضرب الخوف=يرخص بنفسه ماحسـب للقوافـي
قلته وانا عنهن مقفي وانا اشوف=مالي بهن مسعى ولالـي مطافـي
لكنّ هيضني رفيـق لـه شفـوف=وفزعه فزعته للخـوي السنافـي
مالي نظر فيهن حميـه ومعـروف=والا فانـا مالـي نظـر ومتعافـي
لكن زميلي يسهر الليـل ملهـوف=قـد صوبنـه بالحـدود الرهافـي
قد صار له معهن مداخيل وظروف=واليـوم عنـه مصـدرات مقافـي
اليـوم خلنـه مقيـد ومكـتـوف=يالله عسى نصره عليهن يشافـي

[نواف العمري]

الله مـن قلـب هجـوسـه تمـلـه=مـل الغضـا لمبهـرات المباهـيـر
وشوف البراري والفضا ولعـة لـه=لاشفـت بالمنشـا مـزون مزابيـر
ياموتـري ريحتـك القيـض كلـه=أبيـك لاقامـت تطـول المشاويـر
لابـد لـك لابـرد الـوقـت تـلـه=يحن ماطورك علـى ساقـة الطيـر
في ماقـع بعـض العـرب مايدلـه=مدهـل لفتخـان الرجـال المناعيـر
نبـي لنـا معهـم وناسـه وفـلـه=مع درب مسهاج الوسـوم المباكيـر
ليا اصبحت روس النـوازي مطلـه=عقب الجليد نكسـر الثلـج تكسيـر
ثم اصبح القرناس من عقـب طلـه=يوجس بجلـده مثـل دق المساميـر
واستطلعـوا خطـو أشقرعـادة لـه=حرش الكفوف يمزر الخرب تمزيـر
والبارحه حل المساء قد حصـل لـه=عشاء خفيف من ابرق الريش تنسير
لافرعـوه وشافهـن وأدرجـن لـه=وأدلج وراع الجمس كفه على القيـر
وتضايقن عقب الفضا وأحضرن لـه=وسلط على وحـده وذلـك مخاميـر
وليا المشبـب عندهـم مزهـب لـه=با اللي ندبها طيـر الريـش تطييـر
والخـرب طقـه ماتعـدى محـلـه=والثالثـه فـزت ولا عينـت خيـر
بطيارهاشفـنـا غـيـاره وخـلـه=زمـت وحولهـا ولـي المقـاديـر
أعلق بها اللي عوقهن سهمـة لـه=شيهان عـوق ملوعـات المعاشيـر
ملموم مثل الصـول طولـه وجلـه=أجرد يصخر شرد البـرق تصخيـر
وكل ركـض للـي بوجهـه يشلـه=تزارقوهـن بالـحـدود البواتـيـر
اكبودهـم عقـب القرايـا مغـلـه=تسع الشهور نقزر الوقـت تقزيـر
وركبوا وقالوا تبـع الجمـس ظلـه=لا ما نقول أوقف كفيـت العواثيـر
نبـي لنـا خـد مهـامـل امـزلـه=مادوجـت فيهـا الغنـم والمظاهيـر
تلقـى بهـا زرق المعـارف محلـه=بيض الدواغـر متعبـات المداويـر
هذا هوى اللي قـزر القيـض كلـه=ماشاف غيـر القوبعـه والعصافيـر

[نواف العمري]

انا علـى المقنـاص قلبـي يرفـي=بكره ونرجع يم آهلنـا منـا كيـف
بديـار لفـروق الحبـارى اتلفـي=جنوب من حزم الجلاميـد وطريـف
الطير هو غايـة غرامـي وشفـي=اقـدره تقديـر الاجـواد للضيـف
من كبر قدره شايلـه فـوق كفـي=وارعاه تسع اشهور بالقيظ والصيف
ودهنـه لاشفـت ريشـه مصفـي=على الدعاء وخفف النسر تخفيـف
نقلـه يشرفنـي وشوفـه يكـفـي=عن شوف ناس ما تعرف المعاريف
لاشفـت لـي نـوٍ بروقـه ترفـي=نويـت اجهـز موتـري للتكاليـف
القيـظ كلـه جـالـس ومتعـفـي=بردالمكيف نشـف الـدم تنشيـف
متـى سمـوم القيـظ عنـا تقفـي=وسهيل قبل يعمد الفجر قـد شيـف
والنـار يصلـح شبهـا للتـدفـي=البرد نوجس من نسيمـه هفاهيـف
قمنـا لعزبتنـا نشـيـل ونظـفـي=ونكمل الناقص ونمـلا المظاريـف
اللي نشيـل مـن اللـوازم امكفـي=امكتفين العفـش بالحبـل تكتيـف
يمكـن ليـا جينـا البقالـه انوفـي=حاجات نشريها كمالـة مصاريـف
والصبح من حـزم ابرقيـه امقفـي=صوب المعظم والهضاب المواقيـف
بديار جعـل اشجارهـا مـا تجفـي=تعلهـا غـر المـزون المراديـف
في رفقة اللـي نارهـم مـا تطفـي=على الشرف والجود ربع مواليـف
مجلاس طلقين الشـوارب امصفـي=على الدلال اللي بهن ساخن الكيـف
خويهم مـا وجـس كـلام يحفـي=غير المزوح الطيبـه والسواليـف
عقـال وزن عقولهـم مـا يخفـي=ولاهم على الفاظي خفاف وملاقيـف

[نواف العمري]

راع الولع لو تنصحـه يـا لعياضـي=المهتوي شور العـرب مـا يطيعـه
لو قلت طعني قلت بلقلب حـا ضـي=ما رتا ح لين البرد ينـز ل صقيعـه
لا شفت نزاز الطفل بـا لفيـا ضـي=والسيل نا قـع و المنـادي سبيعـه
واخضر نبات القاع عقب الرماضـي=زان التمشي با لد يـار الـو سيعـه
هذ يك والله منوتي يا بو مـا ضـي=باقصى الخرم والا يسار الـو د يعـه
بلبر لوهـو بـرد مبصـوط راضـي=طبعي و كلن لـه مـزاج او طبيعـه
وتحت المكيف بس اهو جس وفاضي=اوجس كسل واوجس عضا مي وجيعه
برده يعقب بلمفا صل شـو ا ضـي=يدخل صما صيـم العضـام المنيعـه
لا قمت جاني بلعضـا م انتفـا ضـي=لو ما تعنـز طحـت طيحـه وجيعـه
انا خشن ومسن ما ني غضـا ضـي=لفح الهبا يـب والسمـوم استطيعـه
وليا انتحى هاجوس جاشي وهاضـي=ما لي مع اهل السو ق شريه وبيعـه
دنيت ما يطـوي بعيـد الا راضـي=وسلمت مفتا ح الـو داعـه وديعـه
وكملت من راع البقا له مقـا ضـي=مد ها ل مكفـي الهمـوم او ربيعـه
ومعي اشقرن جثل المناكب غلاضـي=افحج مسرول والمنـا خـر وسيعـه
والبو ز وافـي واثنـادي عراضـي=حر شن كفو فه مثل شـوك النقيعـه
صير وم ضربه با لهداد انقضاضـي=مضرب كفوفه با لحبـا ري شنيعـه
طلعه عليهن فـز تـن بنتهـا ضـي=يردم وله كسره عليهـن سـر يعـه

[نواف العمري]

يامل قلـبٍ رف بيـن الضلوعـي=رفيف نزرات الشـروق المطافيـق
مربّهـن فـي عاليـات الفروعـي=ولهن علي حوم المطامن مصاليـق
حرش الكفوف مسقمات التبوعـي=اللي لهن في لجـة الجـو تحليـق
حي الجواب اللي لفا من ربوعـي=من شاعرٍ يفهم معـان الطواريـق
يصّخرالمعنـى علـي كـل نوعـي=ويقطف من القيل النقاوي زماليـق
ماهو غشيـمٍ لاطـرت لـه يتـوع=يتسوقـه افكـاره بليـا مساويـق
يضيع مابيـن الخطـا والسنوعـي=يخطي الهدف ويلصق القيل تلصيق
يامرحبـا ياسيفـنـا بالفـزوعـي=سم القلوب اللي علينـا مصانيـق
للصاحب احلى من شراب النقوعي=وللضد سم يشلـق الكبـد تشليـق
اللي بدالـك يالشجـاع البتوعـي=مثلك ترانـي تالـي الليـل ماليـق
مخدتـي لنامـوا النـاس كوعـي=اسمع خطا وأفهق الصبـر تفهيـق
سحمه تهز الذيل بيـن النجوعـي=وسحمان ينبح في تقا الضلع ويويق
الهامل اللي عن هـواه امهزوعـي=ان ماهج دقق لـه العلـم تدقيـق
معروف مقياس الوضيع الدنوعـي=ماله نفق لوحـط روغ ومناطيـق
يابن سند قصة خشاش الصدوعـي=جندٍ يبي بالشعب فوضـا وتفريـق
سـراد نـاسٍ بالقرايـا يسوعـي=زهابهم حـب الحـدج والطوابيـق
بياعة المسمت خبـاث الطبوعـي=لاديـن يمنعهـم ولامـن مواثيـق
ماهم زعيمه قاصريـن النفوعـي=ماجفـل العقبـان حـوم الغرانيـق
يوم البراء مردود بيـن الجموعـي=اعدودنا ماخـض ماهـا ولاذيـق
ونشورنا بيـن القبائـل ارتوعـي=حامينهـا بحـدود شلـفٍ مذاليـق
واليوم كـل مجـربٍ صارطوعـي=العدل سـاد وطـوق الشرتطويـق
والشعب بظلال العدالـه سجوعـي=الديـن واحـد والطبايـع توافيـق
واللي يشّكـل للمشاكـل فروعـي=نسق لمقصد نية السـوء تنسيـق
في ملة الاسـلام ماهـو قنوعـي=وده يطبق خطـة استيـل تطبيـق
مثل ابن عمه لابسٍ ثوب شوعـي=وحدوه حكام الشريعه علي الضيـق

[نواف العمري]

ما بالكرم يا زول عيب ومعاييـر=العيب باللـي يالـردي ينكرونـه
لعل بيـت مـا تجيـه المساييـر=واللي يبون الكيف مـا ينحرونـه
ينزل عليه الفقر قسمـه وتقديـر=من واحدن كـل المـلا يرتجونـه
مثبى الرخوم اللي تهاب المخاسير=المـال لأعمـار الفنـا يجمعونـه
اخص من هو عند نفسه كما الزير=والمرجله عنها الرخامـه تخونـه
محروم ما يقدر علا نيـة الخيـر=مثل العقنقل بس يـدرج مكونـه
عساه يفدى الطيبيـن المناعيـر=اللي ليا اقبل ضيفهـم ينطحونـه
اللي ليا شانـت وجيـه المثابيـر=بالواجب الموجود مـا يذخرونـه
والطيب سلعه للوجيـه المسافيـر=كان الردى يحسب كرمهم مهونـه
العيب باللي به عن الطيب تقصير=اللي ليا اوجس نايبه غـار لونـه
و شعاد لو يملك كنـوز ودنانيـر=محروم ما له غير نضرة عيونـه
لا قربوا عند الضريـح الحفافيـر=والمال ضاع وصاحبـه يدفنونـه
ما نال به طوله و لا نال به خيـر=حصل غثـاه وورثتـه يقسمونـه
ويبقى الثنا لأهل الثنا يا المعاثيـر=وجزا الكريم من الكريم المعونـه

[نواف العمري]

متى على الله تبتدي رخصة الطيـر=وعقب الرباط يصف ريش القرانيس
والمزن بالمنشـأ نشوفـه مزابيـر=والبرق تالي الليل مثـل المقابيـس
ابي إليا قالوا مشينـا علـى خيـر=والراي شـدوه العيـال المدابيـس
وتواعدوا عقب العتيـم المناعيـر=مسرى تحت داج الظلام الغطاليـس
ربع لهـم عنـدي معـزه وتقديـر=مدلهيـن اللـي بقلبـه هواجيـس
وافيـن باللزمـات ماهـم مثابيـر=شيالة الكايـد إليـا دنـق الهيـس
يبون من خشم المسمـى محاديـر=نشمل إليا لوقا ونجنب الى التيـس
لاوقفوا بارض(ن)بها اثرة وتأثيـر=وفكوا براقعهن حرار(ن)فواعيـس
والطيـر تـل وشافهـن بالعثاميـر=الخرب كوبـر والطبايـل مفانيـس
واعلق به اللي مزر الريش تمزيـر=اللـي مخاليبـه سـواة الدبابيـس
واللي تروح طيار ما عينـت خيـر=شيهان نكسها على القـاع تنكيـس
نادر بحر ياخـذ عليهـا مشاويـر=ماهو بوكري(ن)يهـاب الدماميـس
وإليـا تلافـوا بالمعشـى مناعيـر=في خايع(ن)جرمه سواة الكناديـس
وشبوا وقـادوا للسوالـف معابيـر=النجر يلعـي والمباهـر متاريـس
خفاف النفوس رجال ماهم مثابيـر=ولافيهم اللي فيه كبر(ن)ولا فيـس
وجوهم يبون الكيف ربع(ن)مسايير=قالوا علوم الربع قالـوا عواسيـس
نذكر لكم جول(ن)رثعنابـه عصيـر=حازن من الخبه يبـن الطعاميـس
في ماقع(ن)عقب المطر مابعد ذيـر=تومي بنـواره هبـوب النسانيـس
والصبح مـدوا للحـراوي مداويـر=وطاحوا بجرتهن جـداد ومداريـس
وحثوا بهن بالخور مثـل الطوابيـر=وتزارقن قوع الشجـر والمتاريـس
وتنهض اللي كن عينه سنا الكيـر=كد ذوقوه مـن الثنـادي تلاميـس
والخرب قام يحوز دون المعاشيـر=وزته وطار الريش مثل القراطيـس
ومدوا عليهن مبهمـات المواصيـر=شغل الفرنج مقولمـات النواديـس
وصادوا و وفقهـم ولـي المقاديـر=واهل الوكارى ربطوهـن مفاليـس
هذي حلاة الصيد وقت المخاضيـر=وبعض الصقاره يالنشاما مطاريـس

[نواف العمري]

يامل قلـب دق بـه كـل طـاري=طواريٍ باقصـى الضمايـر تتلـه
وشفق على شوف الفضا والبراري=لا صار معه مشبـبٍ مسنـد لـه
خطو أبلج لملاقف الصيد ضـاري=جدع الضريبة بالسهم عـادةٍ لـه
قـرم بوجهـه للمـروه شـواري=رايـه سديـد وكـل درب يـدلـه
ماهو حضيبـي مزاجـه تجـاري=ليا عقـدت الـراي عـود يفلـه
أول نهارك يعجبك ما أنـت داري=مـار البـلا تالـي نهـارك تملـه
أبا امدح الطيـب ولانـي مـداري=واللاش لا خايف ولا حاسـب لـه
الفرق باللي ياصلـون المحـاري=وإلا الردي شرهات مثلـي تزلـه
أبي خـويٍ ضـاريٍ بالمسـاري=ماهـو مهيـنٍ يرقـد الليـل كلـه
ومعنا قطامـي يصيـد الحبـاري=لحّاق لاكوبـر لـه الخـرب شلـه
خطو اشقر جثل من الريش عاري=افحـج مخاليبـه سـوات الاهلـة
به دق ريش مثـل دق الخـزاري=مـهـدف ورا مناكـبـة متقـلـة
منخر وبوز فيـه عـدة مـواري=يحتار به راع النظر لا فطـن لـه
مهـوب كفـاخ طفـوق زعـاري=طلعه حقاق ان شافهن ساوقن لـه
لا شافهـن متطـاولات المـذاري=عقد وحق الطلـع والسيـر تلـة
يحول اللي طـار منهـن اجبـاري=ذباح للي يـوم هـد سجـدن لـه
يازين طلعه بالضحى والعصـاري=لامن خشنات الغلـب خيشـن لـه
هذيـك والله منوتـي واختيـاري=لو كل من يطلب لزوم حصـل لـه
لو ان حظي مع مزاجـي يبـاري=سجلت له صفحـة وفـا بالمجلـة
ما لي هدف بالسوق بايع وشـاري=قلبي ذعاذيـع الهـوا ولعـة لـه
انا غرامي مع فجـوج الصحـاري=وشوف الرجوم النايفـات المطلـة
لا شفت بالريضان نقع وخبـاري=راح الزعل والبسط حـل بمحلـه
بارض بها للصيد عينـه واثـاري=فيه القطـا تلقـى فروقـه محلـه
مهامل تـردم شجرهـا الـذواري=نبـي لنـا فيهـا وناسـة وفلـة
يازيـن شبـة نارنـا بالغـداري=والكيف ابو صالح جلس وارتجلّـه
والما مفوح في نظيف الغضـاري=وصفر يجاذبهن على جـال ملـة
وصاحب لهن تقول ماخذ حـذاري=وفنجالهن يجلى عن الكبـد علّـة
واللي على مثلي من الناس زاري=لاسامـع قولـه ولا مصغـي لـه
وافخر بحبي للصقـارة وامـاري=ورزقي على اللي كون الكون كلـه

[نواف العمري]

القيـض راح وبـردن الليـالـي=والطير عقب القرنسة كمّل الريش
والمزن بالمنشأ غـدا لـه ظلالـي=وتراكمت غر المزون المراهيـش
وتذكر الصقار وقـت مضـى لـي=ايـام جالـي بالغبيـة مغابـيـش
يوم الحباري حوزهـن بالدحالـي=ليا فرع النادر طلبهـن مخاييـش
والخرب بادناهن يصيـر الموالـي=يوجس براسه للشجاعة نغاميـش
خـرب مغفـل ماحسـب للتوالـي=طقيق حنكانه سـوات القراقيـش
وجاه اشقر جوفه من النسر خالـي=جزام صيـاده يقـض النشانيـش
له بالطيور البـرق فعـل ومدالـي=ضربه عطب ماهو مسوح وتناويش
ذاك الزمان اللي به المـر حالـي=يوم الصقارة تنعش القلب وتعيـش
واليوم لو نقنص جنوب وشمالـي=صرنا على ما قيل مثل القراريـش
ما شوف والله للصقـارة مجالـي=نقفي ونقبل يالحميدي على ويـش
مهمـا تجاوزنـا فيـاح السهالـي=غير الدجاجة ما لقينـا عراميـش
ما شوف غير القوبعـة والكحالـي=وزرق الثعال اللي سواة القرافيش
عـزي لحالـك يازميلـي وحالـي=بارض الرحيل نفتش القشع تفتيش
والله يلولا الطيـر بالقلـب غالـي=اني لاجوز من العنا والمطاريـش
لاكان حب الطير شـارك اعيالـي=ولو ما تسلى بالولع كيف اباعيش
والله ماني عن غلا الطيـر سالـي=لو نعلفه من بارد الخبز والعيـش
لوكـان للخـارج نشـد الرحالـي=وندفع على شانه ضريبة وبخشيش

[نواف العمري]

يامبارك الصقـار قـرب هبابـه=والطير قرنس واكمل الريش تكميل
والوسم له يومين داخـل حسابـه=الله لايحـرم وطنـا مـن السيـل
يالله بنـو يـوم يـردم ربـابـه=توابعـه مثـل الجبـال المظاليـل
يومر على غسل المحول انصبابه=في قدرة الخالـق يكيلـه مكاييـل
يحيي الهشيم اللي يبس في ترابه=يبست عروقه والهوا شالته شيـل
يبس الشجر والقاع والعجز صابه=وضاقت على راع الحلال المهازيل
راع المواشي زادها مـن زهابـه=يرهن لها الذمة ويشري لها الكيل
نشف الثرى والبر مقحط جنابـه=واللي حوالـه دون ذاق البهاليـل
يالله بدعـوة مسلـم مستجـابـه=من عابد له نافلـة تالـي الليـل
يطلب بها ربـه ويرجـي ثوابـه=وقلبه نظيف من الريا والتضاليـل
رزقه حلال وملبسـه واكتسابـه=ما للربا بحساب رزقـه مداخيـل
دعواه عن عجم البهايـم نيابـه=اللي شكت من قوتها فترة الحيـل
يفتح لهـا رب السمـوات بابـه=دون السما ما يعترضها عراقيـل
نطلب مطر رحمة ثقيـل سحابـه=في البروق تلوح مثـل القناديـل
ياخذ ثمان ايـام حسبـة اوجابـه=دقـاق رفـاق زلوفـه همالـيـل
واليا انتهى الثامن وعزل ضبابـه=نهار تاسـع بـاذره كنـه النيـل
والعصر لامن المولع مشـى بـه=يغيب هوجاسه وينسى الولاويـل
لا صاغ له فنجال عـذب شرابـه=وزنه غدير وشب نـار المعاميـل
وجذب لهن جمر كثيـف التهابـه=والكيف طاب وساقهـا بالفناجيـل
علـى نشامـا ماخلطهـم قلابـة=خفاف النفوس رجال ماهم دعابيل
ودارت سواليف مزوح وعجابـه=وطرايف تشفق عليها الرجاجيـل
هذا منـى كـل شخـص وادابـه=وكل على شبحه يصوغ التماثيـل
الا الذي طرد الولع ما شقى بـه=ولا يعجبه شوف الزهر بالهذاليـل
مرتاح لو طاح المطر ما درى بـه=لو تنشده ما يعرف الجدي وسهيل

[نواف العمري]

لا والله اللي راح وقـت الصقـاره=والبر مـا يعجبـك لارحـت دوار
البـر عـج ومدلـهـم غـبـاره=الشكوى لله ميتـه كـل الاشجـار
وماتت دباديـب الخـلا بالجحـاره=قضى عليها الجوع من قل الامطار
نشكي على اللي رزقهـا باقتـداره=اللي نصر موسـى علـى سحـار
الله يعيـد لكـل وادي خـضـاره=ويغيثنـا ويبـدل العسـر بايسـار
غيث من المنشـا يعـم انتشـاره=دفـاق رفـاق حقـوق ومــدرار
هذا ووضعي حول طيـري مـداره=ابي نظر توجيه ذربيـن الاشـوار
الطيـر نقلـه يالنشامـا خسـاره=ينعاف لو هو يذبح الصيد وخيـار
ياسمير ياراع الولع وانـت كـاره=يابن صليهم مكرم الضيف والجـار
محتـاج رايـك ياحكيـم العبـاره=رجال عرف ومن طويلين الاشبـار
عطني نظرك الطير قطّـع شكـاره=عانى من البرقع غرابيل واضـرار
من قـل تفريعـه تصيبـه حـراره=نقنص ونرجع ما تمغـط ولا طـار
انـا اطلقـه والا اتحـمـل وزاره=ياسمير انا من قصةالطيـر محتـار
ياسمير ما شفنا من الطيـر بـاره=بلاه قل الصيد والطيـر مـا بـار
حبـه بقلبـي بانـي لـه عمـاره=على حجر وفروعها عشـرة ادوار
شعبيـة عنـدي تمثـل سـفـاره=لو كان دور الطير مقفـي ومنهـار
تذكـر عليـه نوزتـه وانحـداره=يشره على زرق الغلب وقع وطيار
يازيـن تفريعـه بخطـو الزبـاره=بالنازية مـا بيـن جـدلا وسنّـار
خطو اشقر مابـه ملـوع ونـزاره=بالوكر ما يكفخ وللخـرب حشـار
واظـن عايـش ودعـه باختيـاره=ماشاف له بهواية الصيـد معبـار
اطلق سراح الطير واصدر قـراره=من عقب ماهـو للمناعيـر سبـار
ياما جهـم للصيـد بـاول نهـاره=ايام هندابـه مـع الطيـر مختـار
هده على المضياح من راس قـاره=واهوى على روض نواميـه نـوار
وادلى علـى خـرب كبـار فقـاره=واعلق به اللـي للحفافيـن جـزار
يوم الولع لـه ذوق فـن ونهـاره=وعايش يطلع من عكاشات وايسار
واليوم ناشه مـن زمانـه غيـاره=لاباس يالطيب عسى خير ومجـار
اللي فتل قيـدي فتـل لـه هجـاره=على الشرف ماهو على موتة النار
والسيف لا بد لـه مـن الاندثـاره=والحصن يخلف جريها طول الاعمار
واللي حذف باول شبابـه جمـاره=يشقى بها غيره ويقنع بمـا صـار
وجهتهـا والحـر تكفيـه اشـاره=رجـال كلمتهـم ثمينـه وشـعـار
واللي يشـاور ينتظـر مستشـاره=والشور له عند الرجاجيـل مقـدار
ومضمون وضعي للولع واختصاره=يالربع ماني عن غلا الطير صبـار
غديت مثل اللـي عليـه الخفـارة=بالبيت جالس بين فيّـه ومصهـار
ما ارتاح في جو البلـد والحضـاره=هوايتي شوف الصحاري والاقفـار
ولا لي هواية باكتسـاب التجـاره=والرزق عند اللي خلق خلقه اطوار
وارسلت كلمـات احتـرام ووقـاره=واقع وفـا ماقلتهـا زيـف وقمـار
ورسالتـي عنـي تنـوب الزيـاره=قصدي بها نوع استشارة وتذكـار
مندوبنـا جاكـم وخـوذوا اخبـاره=يا هل الكويت وحمضونا بالاخبـار
ياهل البلاد اللـي عزيـز جـواره=اخواننا واعواننـا سـر واجهـار
الديـن واحـد والهـدف والاداره=اسـلام بالعليـا رمـز واشـعـار
نسير مع هدي الرسـول ومسـاره=الدين واحـد والعقيـدة والانظـار
ضد البغيض ليـا تشايـط عشـاره=ليا طار في جو السما عج وغبـار
وصلوا على الهادي رسول البشاره=عداد ما سار القلم فـوق الاسطـار

[الــنــايــفه]

الف شـــكر لك اخووي نووواف على هالجهد

صح الله لساان الشااعر الكبير بدر الحويفي


وتسلم يمينك

وعسااك دووم على القوووه

تحيااتي

النايفه

[نواف العمري]

يا اهل النياق اللي عليهن تصكون=من فضلكم لا تسجنـون البهايـم
مافيه داعـي للبهايـم تحبسـون=خلو عطايـا الله تـذب الخرايـم
ياليتكم عن مشتراهـا تجـوزون=ولا تبعد عـن صطـول القمايـم
اما عطوهـا حقهـا لا تشحـون=ولا اتركوهـا مالكـم بالظـلايـم
بحقوقها اللي وافيـه لا تعيـون=الله عطاهـا للصحـاري قوايـم
والبل بها شجعان نجد يتعـزوون=اللي وراهـا يجدعـون العمايـم
مقدارها عند المناعير مضمـون=يومنهـا بيـن القبايـل غنايـم
ليت الذي تحت المقابر يشوفـون=اللي عن البل جاهـدوا بالعزايـم
اللي بميدان المعـارك يهوشـون=يوم الرمك تعطي هجوم وهزايـم
هذا وانا مالي على الناس قانـون=وجهة نظر ما افرض عليهم لزايم
واللي عطوها حقهـا مايلامـون=بعنايـة البـل مالحقهـم لوايـم

[نواف العمري]

مرحبـا باللـي دفـع يمـي سـوال=فيه صح وفيـه ظـن وفيـه شـوق
شوق مشتاق(ن) حضر فكـره وقـال=ويتسـلـى بالمثـايـل والـطـروق
وزارني بابيـات جـزلات(ن) ثقـال=وضعهن تاسع له الطـرق وتضـوق
والهـدف مـا لـي بميدانـه مجـال=واحترم سلـم العـرب منطـق وذوق
والرفاقـه شمسهـم عنـدي ظـلال=صح تثبيت الغصـون مـن العـروق
عادتي مـا عاتـب الصاحـب نكـال=لو غلـط منـي مسامـح ومعتـوق
يابن عامـر لـك قبـول ولـك دلال=ابـن عـم وقيمتـك عنـدي تفـوق
منهـج الجـدان باقـي مايـزال=والرجـل ينهـج مناهـيـج العـمـوق
والبـروق اللـي تكاشـف بالخيـال=المطـر مامـور والحايـه تـسـوق
والمطـر يومـر وينهـى بامتـثـال=رادة اللـي كونـه بالـجـو فــوق
وانت وضعك بين سيـن وبيـن دال=قصـة الوالـد مـع الابـن العقـوق
ياسعد خذ راي مـن وطـى وشـال=راسه ابيض بالتجـارب لـه حـذوق
يعـرف المعبـار لاشـد الـرحـال=والمـلايـا مايعوضـهـن شـلـوق
يشخل الماء عـن غثاريـب الحثـال=مع رجال العرف لـه قيـل معشـوق
احتفـظ بالسيـف مسمـوم السـلال=عنـد حاجاتـه ليـا زام الفـسـوق
عز راسك لااكتـرب حبـل الجـدال=لاحصـل بالجمـع خانـق ومخنـوق
درعك اللـي ترتـدي وقـت القتـال=مستواه اكبر رصيـد مـن البنـوق
ودرع غيـرك لاتعـده راس مــال=وسايـر العالـم بتقديـر ورفــوق
حد عرفي وانت عـارف كـل حـال=خلنـا نرتـاح والهاجـس يــروق
والحصـان اللـي مشاويـره طـوال=كيـف ينشـط للطـراد بـلا علـوق
والجوايـز بالسبـق تدفـع جــزال=جايـزه للـي تـفـوق باللـحـوق
ذا جوابي وانـت خـذ منـي سـوال=عن شقيق(ن) بالرضاء لاصق لصوق
ناسبـه بالمرتـضـى دم الـخـوال=والفصيلـه حللـت قبـل الـريـوق
مابهـا سيـرة حـرام ولا حــلال=ثوبهـا ابيـض لافتـوق ولابهـوق
ويش رايـك لوحصـل عنهـا بـدال=علقـت كـل القـرابـه بمعـلـوق
راي ولا مابهـا نـقـص وخـمـال=كل شجـره نبتهـا صنـف العـذوق
واعتبـرهـذا خـطـاء ولاعــدال=ولاتخليهـا علـى الغيـاب طــوق
ذاحـسـب عـرفـي ولله الكـمـال=عالـم الاسـرار واشبـاح الرمـوق
والهدف قفـل علـى حـرزه قفـال=والامانـه يابـن عامـر بالعـنـوق
استلمها مـن بلـد شرقـي شمـال=منتهاها الجرف مـن دار الشـروق
عند شبل(ن) مـن شغاميـم العيـال=ابلج(ن) ماهو عن الواجـب نسـوق
واجبـي تقبـل جوابـي باحتـمـال=لايجـي فكـرك قضيـف ولاحمـوق
الصبـر والشيـل ماعـاب الجمـال=والجضـر مافـاد هـردان الربـوق

[نواف العمري]

بأسم الأله اللي على العـرش معبـود=اللـي رفـع سبـع وسبـع تحتـنـا
اللي سجـد لـه بأخـر الليـل داؤد=ونـزل كتـاب مـن حروفـه لغتنـا
الله يجنبنـا عمـل كــل منـقـود=يـارب تجعـل بالهـدى خاتمتـنـا
هذ وابقطف مع هل الشعـر عنقـود=بأبيـات أركزهـا حسـب معرفتـنـا
مني هديـه لأهـل المجـد والجـود=للأسـرة اللـي حاكـمـه مملكتـنـا
انجال ليـث خلـف أشبـال وفهـود=قيادنـا الـلـي وجـهـوا قافلتـنـا
اللي وفاهـم لـه براهيـن وشهـود=بجهودهـم كـل الـدول صالحتـنـا
نصارة المسلـم علـى كـل نمـرود=أفعالـهـم بالمجتـمـع شجعـتـنـا
حكام ياصل وصلهـم كـل مضهـود=هم درعنـا الضافـي وفيهـم ثقتنـا
وحنا لهم ذرعان وأكتـاف وعضـود=وافينـلامـن الـدواعـي دعتـنـا
معهـم لناوقفـات بالهـون والكـود=شـوايـب الافـكـار ماغيـرتـنـا
شبابنـا واللـي بالأحضـان ممهـود=مـع رايـة التوحـيـد لاعمدتـنـا
والرايه الخضراء لها العـز موعـود=باسـم الجلالـه صوتنـا ولهجتـنـا
اسـلام مايدخـل بناشـك وصـدود=عشنـا علـى الملـه وفيهـا نبتنـا
ملة رسول جاهـد الشـرك بجهـود=اللي علـى هديـه تسيـر أنظمتنـا
وان كان به ناس لنا ضـد وحسـود=نـار الحسـود بخافقـه ماحرقتـنـا
حنا العرب وأهل الحسب ساس وجدود=بمقدمـة مجـد العـرب مرحلتـنـا
مانال منـا ساعـي الشـر مقصـود=ودعـايـة الاحـقـاد مازعزعتـنـا

[نواف العمري]

هذه المشاركة تحتوي على محتوى مخفي


يابو فهد هاضـت قريحـة اشجونـي=وجهتهـا يمـك مشـوره ومسيـار
ياخـال للـراي السديـد ادفعـونـي=يابن الرجال اللي لهم فعـل واذكـار
ربعٍ ليـا جـاء ذكرهـم يمدحونـي=لهم بصرح المجـد مـارد ومصـدار
قل للصديق اللـي عليـه اجلبونـي=نـاسٍ بـلا ذمـه خمايـم وفـجـار
وأنـا ليـا مـن الخبـول اظلمونـي=اغضي عن الهفوات شيمه ومقـدار
مقـدار للـي غيـرهـم شيمـونـي=ما ضيّع الشيمه على شـان ثرثـار
لو إن تجـار الحسـد مـا ازملونـي=انـا لجـن مذبـذب العقـل حشـار
مانـي سفيـهٍ ليـا بغـوا حركونـي=ما أثوّر البنـدق بـلا قـن وعيـار
وسواعـدي مـا جرحتهـا سنونـي=وعلـى القبيلـة ماتبختـر تبختـار
وان جضة اصوات الضواري نخوني=لاهب من نفخ العـدا عـج وغبـار
تسهر على شـان القبيلـة عيونـي=ما ارضى على ربعي مقابيس الاشرار
وان جاء الخبر ما يقصر العلم دونـي=لي ماقفٍ من عرض وافين الاشبـار
ولا رد شذرة حربتـي فـي متونـي=عقلي معي واعرف عدوي والانصار
ولا عارض اللي ما تدخـل بشونـي=ولا اضيع اعمالي علـى ذم الاحـرار
وعلى النشامـا مـا تغيـر ضنونـي=في حال متواضع وفـي حـال جبـار
اعـرف بياعـي وعـارف زبونـي=ولا اجامل اللي صحبته غش واقمـار
ولا اشفق على الجهال لو صاحبوني=اللـي تغيرهـم وساويـس الافكـار
ما ارجي شفاعتهم وهم مـا رجونـي=وعرفي مكفيني ليا صار مـا صـار
ولا اركض ورا الزيلان لا جنبونـي=مثل الـذي يلهـث ورا كـل مـرار
وكان المهبـل فـي غثاهـم بلونـي=طير الفلاح ليـا رمينـاه مـا طـار
ولو هربدوا في غيبتي ما ازعجونـي=الناس تعـرف بالمشاهـد والاخبـار
وعقلي معي ماني بغـوج ٍ مجونـي=ولاني سفيه يرمـي الملـح بالنـار

هذه المشاركة تحتوي على محتوى مخفي



في خط ابو سلمان لـو بشرونـي=سقت البشارة بالخبر سر وجهـار
لو كان ممـا فيـه واطـول كونـي=من المستشار اللي يبي مني الشـار
ويقول بالراي الرشيـد ارشدونـي=واقول ياستار بالوضع وش صـار
ويقول خوذوا ما تبـون وعطونـي=واقول ياعلام ما تخفـي الاسـرار
وبعض الرجال استغربوا و انشدوني=عن شامخ النابين و اقـول عيّـار
اللـي دفوفـه بيضتهـا المنونـي=يا بعد مضرب خطوته كل مـا ثـار
واللـي يجارونـه يبـا يتعبـونـي=هـدار يفـدر لا هـدر كـل هـدار
قال ازهلم ريع العـدى وازهلونـي=لا هاب جوهرة البحـر كـل بحـار
واللـي يقـول بمبركـه نوخونـي=ماهو بدر عـواد بالماقـف الحـار
يابدر تجار الحسـد مـا اعرفونـي=وكبايـر الأنـذال بعيونـي صغـار
مانـي معاملـهـم ولا عاملـونـي=ولا افطر بوقت فيه ممنوع الإفطـار
تكفى عليـك عـداك لا يفرحونـي=بعض البشر بسياسة الشر شطـار
واللي يبا يشريـك باللـي يهونـي=قال المثل ما يشوي الصقر صقـار
هذا وانا ما ادري من اللي تعونـي=ابشـر بطيـارة قذايـف وطـيـار
والدقن والشارب تـراه محسونـي=ان كان تاسع زيد عن بدر الأعذار
يفدا الحويفي كـل مـا بمخزونـي=دام القريحة ما اعلنت صك الاعسار
لوقلت له يـا عم..عـم و يمونـي=قضاب جنبيـه مـع الوالـد البـار
ياللـي تبـون مفارقـه فارقونـي=الأول المعـذار والثانـي انــذار
اقـول واقابـل واقـول اسمعونـي=بثي كلامي يـا محطـات الاقمـار
ماني بقايـل لازعلـوا سامحونـي=مبصر ولا جاريت عميان الأبصـار
أما الخبـول امـوت مـا بايعونـي=إلا ان رقم الذاكره عنـدي اصفـار
الى امسح عقلـي بهـم سرحونـي=وقولوا تحول راعي الحصن حمّـار
امـا لابـو وجهيـن لا واجهونـي=عطيتهم وجهٍ من النـور و النـار
واسلم لعل عـداك مـا يسلمونـي=ونخطي ونستغفـر و الإلـه غفـار

[نواف العمري]

للموضوع بقيه

تحياتي

[ناصر البشري]

الف شكر اخي نواف على هالجهد الكبير


وصح لسان الشاعر الكبير


بدر بن عواد


كل التحايا

[ابوخلف]

الله لايهينك اخوي نواف


على نقل هذه ادرر لشاعر العلم /بدر الحويفي