رحلة قصيرة

[محمد الحنتمي]

ابتدينا وبتدا الطاروق والرحلة قصيرة =ودنا ناخذ لنا في نجد رحلة ونسجامه

من يبي يرحل معي يملا حزامه بالذخيرة =جايز إنا مانتواجه غير في يوم القيامة

[ناصر البشري]

هلا وغلا خالي

يشرفني اللعب معك ولعله عذر لطول غيابي

[ناصر البشري]

يامحمد لا تعجل جبت لك مني بريرة = يمكن ان الدرب لاطول يجي فيه انهزامه
احتزم بي يامحمد نعنبو نفس -ن- حقيرة = من تردى لاتردى لاتنشدّ وش علامه

[محمد الحنتمي]

هلا وغلا الساعة المباركة يابو محمد


الله الله ياطويل العمر انا عيني بصيرة = اعرف الحر النداوي وعرف فروخ الحمامه

لاكن ابنشدك يالدوار عن راع الدويرة = وش بقاله غير حر الحزن ودموع الندامه

[ناصر البشري]

خلها تمشي عدال وكل رجال وضميره = خلها تمشي عدال وكل رجال ومقامه
الامير اللي تومر من وراء ظهر الاميرة = اسمع إنه يوم جرّب قال يارب السلامة

[محمد الحنتمي]

من تعرض للمسير يقال قطاع المسيرة = لو تساوى قدم عينه جرفها هو والعدامه

من طرف راع الامارة جاتنا القصيا مغيرة =لين صار الجو عندي فيه نوع من العسامه

[ناصر البشري]

المسير لانصانا يبشر بعزه وخيرة = الكريم إليا نصانا قدمه رجال الكرامة
والمقفي لو يقفي بكرة الدنيا تديره = عزتي للي يكابر يدفعه كبر وغشامه

[محمد الحنتمي]

كل حي فالحياة مواجه(ن) بكره مصيرة=عقب ماهو عامر(ن) بيته غدى بيته هدامه
لو تنادي ياعمر يازيد ولا يامنيرة=مايجيبك حي في حي(ن) تعدته الملامه

[ناصر البشري]

الجروح قصاص ..قالوا..والليالي مستديرة = والعذر مرفوع.. والرجال يوزن من كلامه
وين راح اللي يطبل ..وين رحتي ياسميرة = اسمحوا لي ياجماعة ..كان طشيت العمامة

[محمد الحنتمي]

ولعت في جاش ابو خنور من عقبك سعيرة = لاتهنا فالمقام ولاتهنا في منامه
ابتلش بالموتر اللي لاقزوز ولاضفيرة = لاركبها حرر الشرطي على طول الغرامه

[عالي السحاب]

يا سلام الله سلام للرجال المستنيره
بالعقول الراجحات وبالمعاني استقامه

جيتكم بالسلام وللسلام أنا سفيره
مخلص(ن) بالتحيه وعالي(ن) لكم سلامه