إلى المميز مع التحية

[محمد الحنتمي]

السلام عليكم ورحمة الله وبركاته

مساء الخير على الجميع


المميز لايغيب الليلة المسراء سماوي = ودنا نطلع على اطراف المجرة ونتشره
اكفخ اكفخ في جناحك خابرك حر نداوي =من فهم شارة رفيقه قلت انا لله دره

[المميز]

وعليكم السلام ورحمة الله وبكاته

ومساءك خيرات ومسرات

وحياك


واستلم لاهنت يابو عبد الرحمن ومبروك المولود الجديد ويتربى في عزه وجعله من مواليد السعادة

والله يقر به اعين والديه على المعزه


المميز حاضر(ن)ماغاب ياراع العراوي

والعلوم الطيبه صاحبك يامحمد تسره

سرها ياصاحبي لاصرت للطرقه شفاوي

واحدن ماضره الله كل خلقه ماتضره

[محمد الحنتمي]

الله يبارك فيك ويطول عمرك

وستلم


احمد الله ياطويل العمر انا حبلي رهاوي =وانت قد(ن) للمهمه مر زيد او لاتمره
قالها اللي كل لليله له على العليا هقاوي=اشعث مايملك من الارض لو مثقال ذره

[المميز]

انت شاعر فالمهمات الصعيبه ماتراوي

مير عيبك لامسكت العلم لايمكن تصره

قالها اللي يحمي الميقاف في يوم العزاوي

وانت ماضنيت تجهل صاحبك ولا تغره

[زياد البشري]

صح لسانك يامحمد

وصح لسانك يالمميز

واصلوا الابداع

[محمد الحنتمي]

فرصة (ن) جت وغتنمها ماتجيلك بالمناوي =من يشوف الزول يارجال مايحتاج جره
قبل لايضيع الدوى ويضيع مسكان المداوي =ثوبك اللي تلبسه يصاحبي حاول تزره

[المميز]

صح السانك اخوي محمد

واستلم لاهنت ومعذرة ع التاخير ماكنت موجوووووووووووود


لادحمت القوم بالجنبين مانبغاك تـــــــاوي

ون كسرنا عظم ساقك لاتلحقني تشــــــــره

يامحمد لا تحسب الدرب صحصاح امتساوي

لاتهقوى ثم تسميــــــــــــك العرب نقاز جره

[محمد الحنتمي]

ندري انك يالمميز عند عمانك فداوي = وبك من ضريت يالمقرود حتى انك تسره

ارفعو سعر المعيشة لين صار العود ذاوي = ومنعو دفع الزكاة وسكرو باب المبرة

[المميز]

انت مدري يامحمد محترف والا انت هاوي

ومن يغير بالتواريخ القديم فيه حـــــــــره

الجمل لو نطلقه وانحل قيده يالرهاوي

كان ياطا منسه شعبان نجد ولا تضره

[ناصر البشري]

محاورة من الوزن الثقيل



واصلوا الابداع وسنواصل المتابعة




كل التحايا

[محمد الحنتمي]

الفتى من قال انا هذا وفعلي حي ضاوي =مايقول ابوي كان وجد جدي في مقره

مير خلك في ضلال معزبك وحد الحداوي =ملتحف كم العباة وكل موال(ن) تجره

[طلال الحصني]

الف الف الف الف الف
الف الف الف الف
الف الف الف
الف الف
الف

مبروك .. المولود .. و يتربي بعزك أنشاء الله .. أبو عبدالرحمن ..

و اااااااااصلوا الابداع .. و أنا مع مدرسي .. المميز ...
و أعتذر عن تاخري للمحاورة السابقة .. لعدم تفرغي ..

و الجايات أكثر .. و لا يهون أبو عبدالرحمن

[المميز]

شكرا لكل من مر من هنا واخص الاخ طلال الحصني والذي

اخجلني باطراءة ولاشك انني اعتز بهذا الاطراء والذي جاء من رفيق وابن عم ورجل اقدره واحترمه

واسف على التاخير فأنا في منطقة القصيم لحضور مناسبة هناك ولم ادخل الا هذا اليوم ع عجاله

اكرر اسفي للاخ محمد وللموجودين والاعضاء الفاعالين

شكرا

واستلم يابو عبد الرحمن والظاهر ان المولود الجديد اخلفك علينا ههههههههههههه

البطأء شين !!!!!!!!!

عساه من مواليد السعادة


المشاكل يامحمد ماتجيب الا البلاوي

العن ابليس اللعين ولاتطاوع لخو مره

يامحمد لاتجادلني مادام انك نحاوي

الرفيق اللي كماك احرص واقدم له مبره

[محمد الحنتمي]

مرحبا يامميز والله يجزاك خير


انت لاجبت المعم نجيبلك بشت حساوي =يالمذيع اللي على الموجات رادوك تفره
انت رجال(ن) تقدم لنشاما عود جاوي =مالحقنا فيك شك ولالحقنا بك مغره

[المميز]

أنت تزرع بر مير البر مخلوط كماوي

والبلا مدري من العمال والا بالمكره


لو تميز يامحمد بالرجال اللي تخاوي

مالقيتك يامحمد بين غار وبين حره


يعطيك العافية اخوي محمد وسعيد جدأ باللعب معك واشهد بالله انني استفد من قامة شعرية بحجم

محمد الحنتمي

شكرا لك

[محمد الحنتمي]

الشرف لي طال عمرك ولنا لقاء