ياصاحبـــي قلبي جروحه عطيبه=وانت السبب ياناهب القلب بسكات
حبك عذاب وترك حبــك مصيبــه=يعني على الوضعين ما من سلامات
أما تحفـــظ القلب والا تجيبـه=والا يقال فــلان من صاحبه مات
أخاف تخلفــك الليال الرهيبـه=مابه على سود الليالي ضمانات
بلاش أعاني معك وادفع ضريبه=يكفي جروح وغربله وامتحانات
الظلــم ظلمـــاء والقيامــه قريبه=والله على الظالم شديد العقوبات
كان انت سامعبــي نميمه وغيبه=أهل النمايم هرجهم ماله إثبات
أهل المعاصي والوجيه الكئيبه=بين الحبايب ينشرون الإشاعات
كم فرقوا بين الحبيب وحبيبه=وكم سددوا لقلوب الاخيار طعنات
ماكان عندي فيك شكه وريبه=حتى بدالي منك شكه وريبات
وان كان باقي في تعاملك طيبه=هذي نصيحه واعتبرها إنتقادات
أنته جرحت القلب وانته طبيبه=وانت الذي عطيت ما قلت لك هات