ياعيونـي لاتغفيـنـي=هلي الدمعـة ومافيهـا
كلها من شان ياعينـي=وحدةً لاحـل طاريهـا
اسمها رمز العناوينـي=فـاول الدنيـا وتاليهـا
عينها عين الشياهينـي=في عيوني يوم احليهـا
خشمها سيف المعاديني=سلته بالخصـم ينهيهـا
خدها نـور المظلينـي=كل ماراحت تراعيهـا
شعرها ماهو تلاوينـي=أسودً طبعـه يغطيهـا
صدرها مركوز بثنيني=ينهي العلـه ويبريهـا
خصرها لايسار لايميني=انسيابي يـوم اوفيهـا
مهرها ماهو ملايينـي=مهرها دوله وراعيهـا
عمرها بحدود عشريني=بتـمـام الله يخليـهـا
ما تقـارن بالمزايينـي=كلهن في قبضة ايديهـا
شفتها في يوم الاثنينـي=في محل اللبس لاقيهـا
تشتري باغلى المثاميني=ماتساوم لعن ابا بيهـا
ما تناظـر بالفساتينـي=عينها بالجنز يعطيهـا
عطرها ورد ورياحيني=كل ماجنبـي يواليهـا
روحت يا حظي الشيني=روحـت والله واليهـا
عرقلة كل الشرايينـي=كل ما تبعد خطاويهـا
ثم حرمـت الدكاكينـي=عقبها مـاروح قافيهـا