لي صاحبن كنه على الصد مجبول = الصد مر وزادني بالمراره

كم لي بدونه كل يومن وانا اقول = باكر على جيته تاتي بشاره

لكن حصل شي(ن)وانا منه مذهول= كيف الخليل يطش خله بناره

فضيت له نفسي وانا كنت مشغول = وكونت له في داخل الصدر حاره

وسكنته بقلبي من العرض لطول = وفديته بحبن جنيته خساره

اعطي ولايعطي ولاهو بمعقول = وصاحبك يالغالي تغير مساره

ماني بمعطي دام مافيه محصول = لوبينت كثر العطايا خضاره

الزكمه اللي مانفعها بنادول = ماهو بنافعها علاج الحراره