اي والله اذكر ليه مااذكر بلاويك=اللي تسويها وتاقع براسي

وراك ناسن ماتكذب حكاويك=وانا لاقلت الصدق ينقال خاسي

كل طعتن فيني وكل زينتن فيك=الوقت لين معك ماصار قاسي

ترقد بحظن امك ويرعاك واليك=واناعيوني ماتذوق النعاسي

اصبروارد الهم واقول ماابيك=واكتم بصدري ظلم واكتم مآسي

عانيت جرحي كثر ماكنت اعانيك=والجرح في صدري ثبت صار راسي

ياجرح شبت وغاب عني مداويك=من قو سطواتك فقدته حساسي

مابه سوى قلبي محلك وياويك=تزيد طعن ولابه احدن يواسي

ومن صغر سني ماتركتك مخاويك=ولانته بتاركني ولانته بناسي

وانته بجرحي كثر ماني مساويك=صرت السبب للجرح واكبر فلاسي

الوقت لويضحك لابد يبكيك=ولابد تلبس مثل ماالبس لباسي

ولابد ياتي يوم ليه واراويك=واذوقكك من بعض مري وباسي