الا ياوجودي وجد مـن وادع الـزوار=نهار الخميس وصادر اعدامه الجمعـه
عليها شعار ابهام واحـد مـن الشعـار=زعيم القصيد اللي حوى الاسم والسمعه
ولاياوجودي وجد حاله ثـلاث امـرار=عليه هموم اهـل المساجيـن مجتمعـه
نشاء حر بين احرار في ماكر الاحرار=كريم الخصال وفزعة الطيب من طبعه
تدله قناعاته علـى العـزم والاصـرار=يكود الضروف اللي تمايل على ربعـه
جبل في ذراه العاجز البايـس المحتـار=قبول ومحل ارجال ملفى مبعد النجعـه
لكن مع دورة الايـام دارتبـه الاقـدار=عقب ضحكت حجاجه على خده الدمعه
خطر في رفيقه بالخطى والمزهب ثـار=ومات الرفيق ورث الخـوف والفجعـه
قضى نص عمره ينتظر مبلغ القصـار=امل عفوهـم لكنهـا ضاعـة الرمعـه
تمنى قبل موته يضم الحشـاه ازهـار=وحبال الرجاء من دون الاحباب منقطعه
توجدت مثله يـوم شاهـدت بالانظـار=حصيلة مجازر حرب بغـداد مرتفعـه