ياهل الهواء ركب الغـرام اعتلقتـه=وقام يتجول بي على الارض ويطوف
مريت بحـر اهـل المحبـه وذقتـه=وكتبت فوق امواجه ارقام وحـروف
وعارضت لي فارس سبوق وسبقتـه=وسويت به تسعه وتسعين معـروف
وقابلت مجنـون يصيـح وصفقتـه=لوكـان مانـي بالمجانيـن مكلـوف
عديت فـي رجـم المعالـي وقتـه=ونـادي ياسالـم ويعمـر ياعـوف
ومريت بـاب الاربعيـن وطرقتـه=وخذت عنده دور لاسمع ولاشـوف
خمـس وثلاثـه ونفهـق مافهقـتـه=واني على حلت معازيب وضيـوف
قـوم يـروع ذكـرهـم لانطقـتـه=قوم على البيدا لهم شـان معـروف
منهـم تعلمـت الهـواء وعتنقـتـه=وصبحت اهل دموع عيني على نوف
واشيب حالي مـن عشيـق عشقتـه=يتلني عشقه على الامـن والخـوف
المـال سقتـه فيـه والحـال سقتـه=ورخصت له ما بالمعاليق والجـوف
لابـاق فـي ولاوعـدتـه وبقـتـه=لكن وليـه عـودَ اقشـر وملقـوف
عياعليـه وضـاع وقتـي وقـتـه=هم ورجاء وحزان وهموم وضروف
وان قلت لـه جمـع فريـق فرقتـه=ارجوك لاتفـرق موالـف ومالـوف
ضاق وكفخ طيره وغـارت سلقتـه=وجاب العلوم اشكال ولوان وصنوف
شبت وتعبـت ومقصـدي مالحقتـه=وروابعي صارت ملاييـن وولـوف
واناعلـى ميثـاق عـهـدَ وثقـتـه=لعيون من بعيونه رمـاح وسيـوف
طالبـك يالـي كـل حـي رزقتـه=تعطف علي وترحم الحال وتـروف