أحمد صعفق  | معلومات عن كاتب القصيده |  | ||||||||||
| ||||||||||||
 |  |
| | القصيده | | |||
|
الناس ناموا وانـا العبـرات اجاذبهـا=جذب الدلي من معينٍ وردها إحيامـي
بيديـن بـدواً مشافـيـحً تناهبـهـا=في نقضت الجزو والماء ورده إزحامي اشوف وانكـر مـن الدنيـا ذاهبهـا=تضرب بنا امواجها في بحرها الطامي ياكثـر روعاتهـا وقسـوة تقلبـهـا=وماطاب فيها من الاحـوال مادامـي اللي من اول اركوبـه فـوق غاربهـا=ماحصل اردوفها والمشـي درهامـي تستدرج اهل الامانـي فـي مكاسبهـا=لكن هيهات تصدق فيهـا الاحلامـي ومن صدق الريـح واعيونـه يكذبهـا=كنه يقـارن غبـاه بفرصـة الرامـي تمـر الأيــام ماكـنـي مجربـهـا=من تضحكه يوم يبكي باقـي العامـي يالله يالله تكـفـيـنـا نشـايـبـهـا=ياواحداً عن قضايـا الخلـق مانامـي ياعالمـاً غيـب نفسـي لا تعذبـهـا=وتجعل لها حجةً من نـور الاسلامـي نفسً ماباقي لهـا إلا شـوف طالبهـا=والموعـد المنتظـر تدنيـه الايامـي لنـا مواعـيـد مانـقـدر إنجنبـهـا=توقيتها محكـمً فـي وقتـه إحكامـي ترمى المنايا ولا تخطـي مضاربهـا=ومن صوبنه اسهوم المـوت ماقامـي ساعة حيـاة إليـا وقفـت عقاربهـا=الروح تصعد ويبقى جرحـي الدامـي والموت ماتصلـح ارواحـاً يخربهـا=ابا اترك الزوج والاطفـال الأيتامـي يالوعة النفـس مـن فرقـا حبايبهـا=ومن طول فرقاً تعثّر فيهـا الاقدامـي لابـد مـن رحلـةً مايعـود غايبهـا=وعن الحقايق توارى كـل الأوهامـي معـي الوثايـق مختـمـةً قوالبـهـا=واخاف من نقطـة التفتيـش قدامـي في مفترق طـرق ياكافـي مصايبهـا=احد الطريقين واحـد منهـن الزامـي اما مع أهـل اليميـن وعـز جانبهـا=ولا مع أهل الشمال وشرهـا الحامـي رحماك رحمـاك يامـذرى هبايبهـا=ياوامر المسلمين بوصـل الارحامـي دعـوة طريـح الخطايـا لاتخيبـهـا=انا ضعيف الوسايل والهـدف سامـي اليا وردت النفـس ناضبـةً مشاربهـا=يالله من شربةً تقطـع ظمـا الظامـي واجيرنا من الجحيـم وحـر لاهبهـا=وانت الذي من لجا بحماك مايضامـي
| |||||
| | |
| | التعليقات | |
| لا توجد تعليقات على هذه القصيده | ||
| | |
أمريكا 13
ألمانيا 1
