ياللي تنشدني تقول انته امنين=بعطيك رداً وافين يازميلي
عبدالرحمن اسمي على العسر واللين=مافيه شكً فالاسم ينتميلي
وعبيد ابوي اللي على الراس والعين=الطيب اللي ما يجيب الهزيلي
وجدي ضعيان المحنك من اسنين=اخو نوير بالمواقف دليلي
فخذي امعدي لا غدا الجمع قسمين=ما فيهم اللي بالملاقا ذليلي
اينومسون اللي لفوا ومتعنين=عطاهم ايشابه صدوق المخيلي
قبيلتي معروفةً بالشجيعين=ربعي من اللي يحتمون الدخيلي
ربعي مخلف محتمين المخلين=يوم انها رمحً وسيفً صقيلي
اللي ليا قاموا سوا للخصيمين=مثل الجبل لو تصدمه ما يميلي
نطاحت العدوان ياحظها الشين=عقالهم صاروا سوات الهبيلي
ماهمنا لو عدهم بالملايين=حنا عليهم مشغلين الفتيلي
عندي على ما قول صك وبراهين=ماهو كلامً لادغرته يزيلي
حنا الرجال الطيبين الاصيلين=من روس مسروح الاصيله نميلي
من روس حرب اهل الفعول المسمين=اللي لهم مجدً عريضَ طويلي
مشهورةً بالدين والمذهب الزين=اهل الوفا واهل الكلام الجميلي
معروفةً للكل الاقصى والادنين=اهل النقا صناعة المستحيلي