يا إله الكون يارب البريه=يالكريم اللي عليك الاعتمادي
اشكرك يارب في صبح وعشيه=يوم وفقنا على دحر المعادي
معتدي ما جاه منا لو أذيه=مير عقله ما يدله لرشادي
يحسب إنه قادر ايسوي سويه=مادرى إنه غاديً من جد غادي
الوطن دونه رموز العسكريه=الرجال اللي على حد البلادي
طشوا الحوثي بنكبه عالميه=ذوقوه الحر من عقب البرادي
ارتبك ما عاد يعرف وش نويه=يوم شاف إن الخبر عود وكادي
إن نظر للجو ما يلقى حليه=طايرةً كنها سرب الجرادي
رميهن يشبه ترى وبل ابرديه=ما تبقي حي لو كبر القرادي
وإن نظر للبر يا قرب المنيه=جاهزين الجيش في كل العتادي
ما يذوق النوم والحاله شقيه=شاغل التفكير مجروح الفوادي
لين عود منهزم حاله رديه=مهلكينه بالصباح وبالهجادي
فعلهم صاطي عزايمهم قويه=الجنود اللي يلبون المنادي
تحت حكم اللي يزيد المعنويه=لاتكلم بالمنابر ثم أشادي
في فعول الشعب لدار الأبيه=صفقوا له كل شعبه بالأيادي
راعي الجزلات راع المقدريه=هو حكيم الراي لاحان العنادي
جازم الاحكام لاجات القضيه=بالمواقف دايماً رايه سدادي
ايتفقد دايم أحوال الرعيه=ساعياً في صدة أفكار الفسادي
خادم البيتين رجال الحميه=قايدً في ماقفه لا ما يقادي
احفظه يا ربنا من كل سيه=ومدد ابعمره يا خلاق العبادي