من متى مستقبلي مربوط .. بظروف الدراسـه= من متى ... والعين ماتلمح بكف الحلم قـيد
من متى والليل ماهو غربة اصحاب الفراسـه=من متى والنزف ماهو يخت في بحر القصيد
من متى .. والجذع مايهتم للقسوه بفاسه .. != من متى والريـح ماهي سالفة خضر الجريد
من متى والحزن ماني سوره وقصره وساسـه= من متى والاجوبه مرتاح وبخـير وسعـيد
من متى والحب ماهو غلطة احساس وتعاسـه= من متى والبوح ماهو صمت في محجر عنيد
من متى غـيم الوجع مايمطـر بقلبي يباسـه =لين جرحي تورق اغصانه وتزهر من جديد
من متى والبدو ماتفرض على جفني حراسـه= كل مااحتاج ابسط حـقوقي ومحبوبي بعيـد
من يعلم ربعـي بحـالي وانا عطشان كاسـه=كيف اعاني والحزن قـيض ومشاعرهم جليد
كيف اتمتم للسهر والجـفن في حاجة نعاسه=كيف اغني من ضمى الايام لااحساس البـليد
عاشق النظره وهي تشعـل بتفكيـره حماسـه= من يلومه لو تجمعـتوا .. وحس انه وحيـد
علموه ان البكى منقود .. غالينه _ وناسه .. !=لين صار يترجم شعـوره ويهتف بالوريـد
من كبر مثلي وسابق شعر دقنه .. شعر راسه= طفل يبقى دام فيه احساس وجروح وقصيـد