البارحة مالقيت بطول بالي سعه=وانا لضيف السعادة فاتحٍ بابي

مدري ثلاثه طعون الحب والا اربعه=ماعاد ميزت عدواني من اصحابي

الحزن صاير يمون وزاد في طمعه=يمكن على شاني اجاريه باعجابي

ياشين هالحزن لا استثقل وزاد دلعه=يسرح ويمرح وينزل بي ويرقا بي

لايااسود الليل انا والله منا بامعه=تراي انا السيف ونجوم السما ادرى بي

والبارق اللي على خدي نزل مدمعه=مدري من اللي وشى له يسقي ترابي
يامجمّع الودق خل الودق لاتجمعه=لين السحاب يتهاما بالوطا الرابي

لابارك الله بمن بالهون قل سنعه=تقصر يدينه ولا ابغى افتل له اشنابي

قل للهدو لايحاول يصنع الفرقعة=انا من العام ساكت له رغم مابي

لايامن ان كان من دون الوجوه اقنعه=احيان لون العجاج يصير عنابي

واللي نوى الجرح لكن ماقوى مبضعه=انا تغديت به قبل يتعشى بي