إيوالله إن الشعر في مقصدي صعب=حتى على البارع بنقضه وفتله

يافرحة القايد ويافرحة الشعب=يافرحة اللي عيشته ماهنت له

ياسيدي سلطان منك المرض تعب=لقاك صعب وهامتك ماخضعت له

سالم وغانم وانتهى الحزن والنعب=يامن بشوت العافيه فصلت له

تكسيك من هامة سموك إلى الكعب=كعبٍ رقاب المستحيل إنحنت له

شوفتك امان وغيبتك قمة الرعب=أصعب على مغليك من حد قتله

ياسيفنا اللي تفرق الجد واللعب=ياغيثٍ عيون البشر خايلت له

شف فرحتك ربّع بها الضلع والشِعب=والشَعب ردة روحه ورايعت له


..=..