أورق الحب فـي حـدب الضلـوع ونمـا=واحتفى بالوفى وحضن الدفى والجليد

ضحكـةٍ يـوم لـد إلـهـا الـغـرام إطخـمـا=نوخـت بالحشـا والغـيـر راحــوا مـديـد

قـلــت يـاثـابـت الـحــب بـزمــن ربـمــا=والله إنـي ضعـيـفٍ مـعـك وانــا شـديـد

إضحكي لين تروينـي فـرح عـن ضمـا=والعـبـي لـيـن تنسيـنـي قـريـب وبعـيـد

حدثينـي ب(اغوووه)يبـان ورد الجـمـا=واعتبرهـا قصيـده مـن جـزال القصيـد

دام انـا ابـوك لـك راس ٍيـطـول السـمـا=ودام انـا ابـوك لــك مجدٍعظـيـم وتلـيـد

إن حضنتـك ذراعـي عـزف قلبـي زمـا=كـنــك الـــدم يـفـعـل فعـلـتـه بـالـوريــد

وش هـو الـدل والتدليـل؟لـولا (لـمـى)=وش هو الغد لـولا رسـم حلـم ٍ جديـد؟

غايتـي لهفتـي مهمـا الحـنـان احتـمـى=غيرها مارتجي بالعمر كنـز او رصيـد

لامهو نبض فعل القلب إذا جت (لمى)=سمـه الحـان سمـه عـزف سمـه نشيـد