من لا يعشق النايفه مات ماساد=ومن لاسعى للطيبه ماتجيله
ومن لاتعب مانال بالعمرماراد=يجلس تحت من لايروم الطويله
اي والله افخركل ماقيل يازياد=واقدح من زناد القصيد الفتيله
واجي لمزن الشعربارق ورعاد=ريحه فخرواعذب معانيه سيله
مني مناشيهاوطرسي لها بلاد=ومن وين مالديت عيني تخيله
عصماء عصت من طيبهاكل نقاد=لاراح يطرق من وراهاشليله
لك طاوعت ماجات تحدى وتنقاد=معززه عندي وعندك دخيله
ماهي غريبه بيرق الشعرلوعاد=ولاهي بلاصعبه ولامستحيله
شيوخ من قبل الشعربيت وشداد=يوم المواقف والخطوب المهيله
مارحت لجل يقال شاعروقصاد=وصح الله لسانك ومافيك حيله
الشعريفخربك على روس الاشهاد=وديوان ابو متعب لشعرك كفيله
هدفك دونه ماثنى الرجل مقعاد=ولارحت صوبه وانت تبغى بديله
ولاهي بلحية من قنصهاولاصاد=والغايه اللي ماتبرروسيله
عادتك يوم اقدمت بالموقف الجاد=في ساعة مااحد ذخر من حصيله
فهقت عنه من اهل الشعررواد=انته هنا لااحديفكر يشيله
لوزادنا بك فخرفيك فخره زاد=لانك ولد معتق نفوس قتيله
شيخ غرس بك همة الكادح الكاد=وتقوى النفوس الخاشعات الذليله
لوالبحرمد ازرقه لاحرف الضاد=تبقى الوصوف بحق مثله قليله
مجد تخلده المحابر للاحفاد=ماهي حكايات الف ليله وليله
يمنى بهابيرق بلدكل الامجاد=ويسرى بها بيرق شيوخ وقبيله

الشاعر/ مفرح العوفي