أصبر على حمل الدهر وارتكيله=واصبر على ضروف الليالي والايام
واصبر على صكّات بقعاء الثقيله=وعلى الزمان اللي مسراته أوهام
مار البلا فرقا الخليل وخليله=خلا القبايل عايشه عيشة أوهام
جمع الشتات أصح وافضل وسيله=للي من الفرقا غدا جلد وعظام
عاشق ولي بالعشق قصه طويله=من كلمة" توميبها خضر الاعلام
ماهي سواليف ألف ليله وليله=هرج الف ليله من تفاهات الاعلام
أي والله أعشقلي فتاة" جميله=يوم ان غيري يعشق أحلام واريام
يوم الشرف نادوه باسم الفشيله=الفاء بقاموس العفيف انقلب لام
هذا ماشفته من زماني وجيله=ومن هالسبب صمّل على الموت صدام
وان كان ماعندي بالاقدار حيله=الصبر عندي درع وسلاح وحزام
يوم ان كل" في سجلّه دليله=أنا دليلي في سجلاّت الاسلام
بين الفضيله ياعرب والرذيله=وجه الشبه محكوم في حكم الاعدام
لو بانت الخنساء على ظهر أصيله=ضاعت لميس اللي تمثّل بالافلام