كلن يعبر عن خفايا ضميره=في جو شعري يصنعونه مجانين

حكمه وشهره والطويله قصيره=اعقولهم تسوى ميات الملايين

ومن بعد هذا يالله بقول خيره=ترتاح منه قلوب ناسن موالين

عسى مزون الوسم تمسي بديره=اعصير حزة سرح البدوا ضاوين

تختصها من بين شبه الجزيره=سحبن تراكم تحجب الشمس لاتبين

صوت الرعد تقل انفجار الذخيره=ولاالبروق تقول لمحت ثعابين

ترخي مقادم نوها بالثريره=يالين واد العيثمه يطرخ بحين

تملا الحفور وتستسرالسريره=ذوليك وراده وذوليك راوين

والي هجر بيره تبا ترد بيره=يسقيبها حرثه على غب ويزين

من فضل راع الفضل مافيه غيره=الي يبدل قاسي الوقت باللين

تطلعوا ياهل العيون البصيره=من عقب مايمضي من الوقت عشرين

العشب تنطح الهوى في عبيره=والارض ماشالله غاديتن تلاوين

واصفى من اللي طاح صافن غديره=قطعان بدوا للحياء جو محيلين

معهم غناديرا تمايل خطيره=دمار شامل واهل الحب هشين

وتوفرت كل الظروفه العسيره=بنعيش معها جو بالجو لاهين

هذا الهوى والكون ربي يديره=لكان ياسامع بقولي قل امين