قـالت وش آبعـد ماعلى البال ..يطـرأ
في هـاجسـك وإلى أي مـدى خاطرك سار
قـلت الظـنون فـنون والقلــب ..يقـرأ
ويترجــم الأحســاس مـن لمـح الابصــار
قــالت سـرحـــت بعـيد كـنك.. تبـرأ
مـني بلـحـظــه لاجـلهــا دســت الاخـطار
قـلت العـفـو فيك الخواطـر.. تسـرا
تحـسب وتــدرس مـــايـدســن الأقـــــدار
قــالت حـبيبي هـاجسك لي.. تعـرا
تخـشــى يـكـدر صفـونـا ســيل الأضـرار
قـلت الله الله لأجــل ذاك.. اتــدرا
أبحـث عــن أســبابٍ تـــوقــيك لاصـــار
قــالت أشــوفك للتشـاؤم.. تحرا
لاتـبـتـعــد..لا..لا..تـعـمــق بالأفــكــــــار
قلت الزمن ماشـفت منه..المسرا
دايــــم ومـــــده مـقــتـفـيني بـــــالأكـــدار
قـالت حــرام نقضي الليل..سدرا
ونصـب في لـيل الهــوى كـــاس الأمــــرار
قــلت العـليل اللي تداويه.. يبرا
دامــك مــعـــه والله مــاتـلـعــطــه..نـــــار
قـالت وقـلت بـ..ليل والليل..غدرا
وبـاقي الســوالف.سـر..والحــب اســرار