هـذي الـقـصـيـده لـشــاعر/ سـعـد عــامـر الـمـحـمـدي رد ثنا على الشـيخ / فـيـصـل بن عبدالكريم بن رمان راعي تيما عندماحدث بين ابنه وابن جاره صالح الحميدي الحربي اثـرخـلاف بـيـنـهـم وقـام مـقـام الـشـرف والعـتـزازوتـنـازل عـن ولـد جـاره الـحـربـي

سلام الله على شيخ يدله للهدأرحمان=
على فيصل ولد عبدالكريم الشيخ ابن رمان=
صليب الراى مشهودالكرامه مكرم الضيفان=
خفيف النفس للطيب قوي الباس للعدوان=
هديب الشام شيال الثقال معرب الجدان=
تسلسل من جبل تنصاه اهل تيماواهل برزان=
قبيله شمراللي فعلهم تشهدله العربان=
لهم صوله وجولـه مع قبايل نجد بالميدان=
على قول المثل ذكر الحياوالطيبين يبان=
عرفنامن رجال اهل الوفاءفيصل من الجعان=
جبل شامخ على البيدأولـه ضل وذرى واركان=
سلايل حاتم اللي صارله بين القبايل شان=
ترى ماقفك يافيصل ومعروفك على الجيران=
نبي نرفع لك البيضاعلى قمت جبل ورقان=
فعل ماهو غريباًمنك وانت معرب السيسان=
وفيك العفوعند المقدره لازاغت الاذهان=
مثل فضل المهادي صارلك فضل وفعل واحسان
تلافيت الاموروزلت الجهال والشيطان=
تطيع الله وتؤمن بالقدرمنته ضعيف ايمان=
تحلابالصفات الطييبه والمسلمين اخوان=
اقول اللى سمعت وشفت وافعالك لها برهان=

تبع نهج الرسول وقام حظه وارتفع صيته
ولدشيخ كريم وينفرج همك لياجيته
على عزوشرف تقضي لزومك ماتعديته
عضيدك لاتخلو عنك خلانك وخاويته
مثل هداج تيماء يوم وصفته وحليته
عرفت اسم الجبل باسم القبيله واستدليته
رجالا فعلهم يشهدله التاريخ ووحيته
زمان ابليس يشعل شعلته في راس كبريته
وترى الطيب تعرف ميزاته وانت ماجيته
عسى مايعترض للنار لاحيه ولاميته
على جاره وضيفه والدخيل ليادخل بيته
كريم الجود سميته باسم حاتم وناديته
يدورالوقت وتقوم القيامه ماتناسيته
شهاده واعتراف لماقفًن مع حرب سويته
حكيم وعارفه وليا لزمت العقدحليته
بفعل الخير لو سلمت عمرك ماتغاليته
=دمحت الجارك الزلـه وبغلى الناس ساويته
وباب الشرصكيته وباب الخيرفكيته
تصدرت القضيه واستلمت الوضع وانهيته
أخذت الزين من طبع العرب والشين خليته
عليه الله وامانه والكلام الصدق عديته