يالله انـا نسئـلـك يالـلـي لغـيـرك ماسجـدنـا =
يامجيب لدعوت الاجـواد لاصامـو وصلـم
ياعظيم الشـان لاتفـرح علينـا مـن حسدنـا =
كثـرو الحسـاد والعـدوان والاصحـاب قلَـم
يامجيـر المستجيـر احفـظ لنـا قـادت بلدنـا =
واهدنا هـدي النبـي صلـى عليـه الله وسلـم
سلـم الله راس ابونـا اللـي بسـط يـده ليـدنـا =
واستدل بناس قدامـه علـى الرسـل استدلـم
من مكارم مالك الاحساس جدنـا واستفدنـا =
كـافـل الايـتـام والعمـيـان والـلـي مايتكـلـم
فضل ابو متعب على اللي قبلنا واللي بعدنا=
بالوفـا يشهـد لـه اهـل العلـم واللـي ماتعلـم
ياحريـب الجـوع ياغيـث البـلاد وياسندنـا =
يامـفـرج كـربـه المظـيـوم لاجــاك يتظـلـم
والله انـا نستحـس مـن الهـمـوم ولا رقـدنـا =
وان رقدنا من الدجى ساعه بشوفتك نتحلم
كل شعـب المملكـه يرجيـك شايبنـا وولدنـا =
نوجس اللي توجسه وانحس مثلـك وانتألـم
المشاعـر ماتعبرهـا القصايـد لــو قصـدنـا =
كل صادق قلب مشتاقن علـى شوفـك تولـم
بالسلامه والشفا يدعيلـك الاقصـى والادنـا=
ياسراج اللي طفا نـوره بعـد شوفـك وظلـم
مكرمتكم للمواطـن والوطـن زادت وزدنـا=
ياخـذ المكيـال مـن يمـن الوفـا لـيـن يتـذلـم
ماسمعنـا مثلـكـم بعـيـال حــام ولا وجـدنـا=
منزلتكم فوق عرش المجد والاخـلاق سلـم
وانـت وسـط قلوبنـا ياشبلنـا يانجـل اسدنـا=
ياشبيـه السيـف ابـو حديـن جعـلـك ماتثـلـم