يا عْيَال دَنّوا لي بعيـد المراميـس=اللي على شد الوزا .. فيـه شـدَّة
في لازمي لا ترحمون القراطيـس=قولوا لراع الجمس: جمسه يحـدّه
وِلْيَا تكَلَّم قرّبوا لـه مـن الكِيـس=مِسَد ما يرضيـه .. ربـي يسـدّه
وليا استلم قولوا: خزا العين وابليس=مفتـاح قطـاع الهفاهيـف عَـدّه
ثم اركبوا يا حايشيـن النواميـس=شدو اقطاب مكلّـفٍ وَيـش نـدّه
جمسٍ مغيْر يلّمس السلف تلميـس=وليـا مصاديـر اللهب مستـعـدّة
ينساق خالي من لميـع المقابيـس=لو جاه مردوم اللهب عقـب حـدّه
يوم البساتـم يشحنـن الكناديـس=كنه يبا ينشـدك وش زيـن خـده
هاتوه لي وعجّلوا .. يا فواعيـس=من شاف روحه ما وقف عند حَدّه
ترا ضميري راح مصنع نحاحيس=كـلٍ بمطرقتـه يـدق المـحـدة
لعل مشـواره يزيـل الهواجيـس=وروابـعٍ فـي خاطـري مستبـدّة
ابي ليا بانـت سبـوق الغطاليـس=لي ساعةٍ مِخْلِـي جنـاب المخـدة
دقيتّ كَبُّوتـه واخـذت المقاييـس=مِتعَلّم ٍ مانـي علـى غيـر سَـدّة
فزيت من خلف الدلال المتاريـس=اللـي عليـهـن للاجـاويـد رَدّة
سَيّرت يم اللـي يفـك المحابيـس=شيخٍ لنا عن كـل مَيْلَـة وضَـدّة
من صَكّته بقعا على حبة الد َّيـس=وادرك مقام غزالـةٍ عقـب كَـدّة
مع كفة الشاهد سلايـل طعيميـس=ربـاح للثنتيـن قومَـة ، و مَـدّه
له مَـدّةٍ تبنـي كيـان المفاليـس=وشـداد فيـه يوَصّفِـن الاشــدّة
وليـا دنـو لمْحَكّمَـات النواديـس=كم جـادلٍ غـب التلاقـي مْحِـدّة
من ضرب جمعٍ ما يَهَاب المتاريس=عادة هل العرفا ترى ما هي جـدّة
عاداتهم طـش الفهـود الملابيـس=ليا قال فايز يا هـل الخيـل كَـدّة
كم جادلٍ راحت ترص الهداريـس=على ضلـوعٍ حرقتهـا المـو َد ّه
تبكي حبيـبٍ والسبايـا كراديـس=طشـوه شـوف بسهلـةٍ مسمهـدّة