يــامــزن يـالــلــي ســـــرا بــرقـــك وخـيـلـتــه=عـلـى مـحـيـط الـجـبـال وبـارقــك هـولــه
ان صـــح نـــوك جـبــل مـلـكـان سيـلـتـه=وخطيـر منـك العـلا والحجـر مسيـولـه
لــولاك ماتعـبـت مـرسـولـي ولا ارسـلـتـه=لــــو ان واقــعـــك يـاعــرضــه ويـاطــولــه
لــكــن بـعـثـتــه عــلـــى ضـــــوك ووكـلــتــه=وقـــــول يـــــاالله لـــعـــل الــخــيــر بـقـبــولــه
امـــــا يــقـــول الـربــيــع الـــنـــاس نــازلــتــه=وألا يـــقــــول ارحـــلــــو يـــمــــه وشــــدولــــه
أقــنــع لــوحــده مــــن الثـنـتـيـن لاسـألـتــه=أن قــال ديــره قـفــر وان قـــال مـنـزولـه
أختـرت الاول عـلـى الثـانـي وفضلـتـه=مانـي ضعيفـا ً يلبـس ثـوب ماهـولـه
مـاطـيـع مـــن يـاخــذ الـعـالــم بهـجـولـتـه=الـلــي سـيـوفـه عـلــى الـغـيـاب مسـلـولـه
نـــــمـــــام ذمــــــــــام حـــيــــلاتــــه مــؤهـــلـــتـــه=الـشــر فــــي سـاقـتــه والـجـمــر بـحـثـولـه
لاخــــــذ عــلــومــه ولادانـــــــي مـجـامـلــتــه=عــســـاه عـــــن الاوادم يـخـتـفــي زولــــــه
غــــره حــركــات اخـــــو مـــــره ونـخـولـتــه=مرخي سموعه لصوت اغناه وطبوله
والـعـالــم الــلــي طــريــق الـخـيــر بـدلـتــه=الـخـيــر صــــدو عــنــه والــشــر غـنـولــه
أمــروجــيـــن الــنــفـــاق الـــلــــي تــداولــتـــه=بـعـلـومـهـم قــومـــو دولـــــه عــلـــى دولـــــه
عطيـت عنـهـم خـبـر مـوجـز وفصلـتـه=وأشـرت عـلـى الخبـيـث الـلـي تسمـولـه
ورجـــــــلٍ لــيــاصـــارع الــدنــيـــا وعـقــلــتــه=ربـــعـــه لـيـاثـقـلــت الـــقــــالات وصـــولــــه
اخــــــذ دلايـــــــل مـــــــن الـــعــــام ودلــلــتـــه=دلايــل الـلــي فـضــا الـمـريـخ وصـلـولـه
بسـجـل الاصـحـاب والغالـيـن سجـلـتـه=حـشـيـم ودمـــح لــــه التـسـعـيـن مـدبـولــه
وان شـلـهـب الـوقــت ذرانــــي وضـلـلـتـه=بـيـنـي وبـيـنـه عـلــوم الـطـيــب مـنـزولــه
لـــو رد عـنــه الـكــلام الـشـيـن كنـسـلـتـه=عـاقـل ورجـــع بـعـيـر أعـقـيـل بحـمـولـه
وان مـنـتـهـت بـالـكــلام الــزيـــن قـابـلـتــه=اجــــيـــــه بـالــســالــفــه وقـــــــــول قـــولـــولــــه
يـابـن دبــل وش هـــدف قـــافٍ تمثـلـتـه=أمــــثــــال ســويــتــهــا ومــــثـــــال مــقــيــولـــه
ثـوبــن شـريـتـه مــــن الـبـنــدر وفـصـلـتـه=أســـألــــك بالله تـعـلـمــنــا لـــمــــن هــــولــــه
فـــي صـالــة الــعــرض عـقـلـتـه ونـزلـتــه=لامـــــن الاصـــحـــاب لـــدولـــك ولـــدولـــه
تــبــي تـعــالــج خـطـاءمـخـطـي ودبـلــتــه=وكبـر خـطـأ الـرجـل بلسـانـه وبرجـولـه
الصـحـاب الـلــي تـعــزه لـيــش جامـلـتـه=ونتـم عـرب تعرفـون العـرف ووصولـه
مــــن واجـبـاتــه ومـــــن حــقـــك مـقـابـلـتـه=مـاتـقـتــدي بـالـضـعـيــف وتــتــبــع قـــولـــه
مـايـقـطــع الـــــزرع بـعــروقــه وبسـنـبـلـتـه=الا كــريــم الـعـيــون الــلــي بــهــا حــولـــه
ومن ضاع مفتـاح صندوقـه بسلسلتـه=يصـبـح جمـيـع الـخـزايـن مـنــه منـقـولـه
الـنــاس لـــو تـنـصـح الــرجــال بـرجـلـتـه=حـيـث الصـراحـه بـوقـت الـيـوم مقلـولـه
ابــغـــاك تـمــشــي ورى ســيـــره وقـافـلـتــه=وتشوف وش مكسب الفوال من فولـه
ان شفـت منـه الجـفـا وونـسـت مايلـتـه=الـنــاس مـاهــي عـــن الـــزلات مكـفـولـه
هــجــرك لــــداره عــبــاره عــــن مـقـاتـلـتـه=لاصـار مايكـرم الاصحـاب لا جـولـه