قصيدة بعنوان { شعر النبط } للشاعر / منصور المعيلي الحربي

شعر النبط جتله إغـزاه وعواقيب=وجرحه صطى به والقوافي جريحه
بسبابهم ما آظن يشلا ولا يطيب=ويمكن يزاور من سببهم ظريحه
ناسٍ تخرب منهج الشعر تخريب=شريحةٍ ياقشرها من شريحه
ليت الغيم يجنب الشعر تجنيب=لاصار ما يازن أبنود القريحه
وشعرٍ يقوله دون مغزا وتعقيب=سمع الأوادم عن كلامه يريحه
من قبل لاشعره يسوقـه على العيب=ويجلب لنفسه من قصيده فضيحه
وإلايزفه في إنحور اللواعيب=ويمسي لعطبين المضارب ذبيحه
الشعر سامي يا آهل العرف والطيب=وكد قيل يفرق طيبه عن قبيحه
آعتق إرقاب إرجال وقفت على السيب=وعقب الدرك صارت عليهم فسيحه
وخلد إفعول آهل النقاء والمواجيب=وسلوى لطلقين الوجيه الفليحه
قلته ولا لي من وراها مطاليب=لا شك رايي والنوايا صحيحه
ولا آقول خليت يا وساع الهناديب=ولا آذيع سد آهل الخزايز وآبيحه
أدرى العوارف دون شكٍ ولا ريب=وأشوش لا لاوح من الجزل ليحه
ولرسلت لجنود القريحه مناديب=تعطي روافدها ولا هي شحيحه
بأذن الكريـم آرتب الشعـر ترتيب=وأنصب موازين البيوت الرجيحه
آخذت من سود الليالي تجاريب=قاسي وراع المخطيه ما استبيحه
ولا سب في شعري ولا آخّطي إمصيب=ولا آمدح إرجالٍ ما تحوش المديحه




الشاعر : منصور بن عبد الله المعيلي الحربي ،،،