قصيدة للشاعر : منصور المعيلي الحربي في حفل ملتقى الوسده من قبيلة حرب الاول

ماغنت الورقى وما الطير حام=يامرحبا ماحرك الغصن الحمام
يامرحبا من قلب وإشعور صادقه=واللي فرضّ شهر الصيام إصيام
ترحيب آقوله وأتشرف بقولته=عن الرجال آهل الوفاء والمقام
عن الرجال اللي تعدد إفعولهم=آهل المواقف والفعّول الجسام
ارجالٍ خذوا بالمجد صوله وجوله=بالفعل ماهي بالمنى والكلام
سعوا هل البلهى ونالوا منالهم=ولبسوا من إعظام الفعول آوسام
وبنوا لهم فـي قمة المجد منزله=وآمجاد تذّكر بين شرقٍٍ وشام
منها دخيل آبن البلالي وماقفه=دون الخوي مات العزيز إعدام
هذا وأنا لي الفخر يوم أجيلهم=إرجالٍ خذوا بالطيب جلّ السنام
ربعي وآبا قف لادعوني بماقفي=ولاظنّ يلحقني بهذا ملام
ربعي حزامي بالزمان ونوايبه=وأنا لهم بالمعظلات إحزام
قلته وحنا حرب يحسّب إحسابنا=إن حل يـومٍ بين عج وعسام
نارد إحياض الموت مانهاب الخطر=ونخلي إجمـوع الخصام أقسام
سطّر لنا التاريخ مجدٍ مشّرف=أعطيت عنه بصدق روس أقلام
وكلن على عانيه ياقف مواقفه=وكل القبايل بالفعول إعظام
وراع المثل كد قال في صادق المثل=يصّعب على الجمع الغفير إيضام
وأنا آقول الله يبارك جمعكم ياآهل الوفى=في كل يوم وكل ليل وكل عام
وعسى السعد ياآهل المواجيب فالكم=آمين ياخالق نهار وظلام
وآختام ماقلته صلاتي على النبي=عليه أصلي والسلام إختام