مشاركة منسوبي مكتب الملحق العسكري السعودي باندونيسيا وماليزيا وسنغافوره بمناسبة توديع سعادة السفير عبد الرحمن خياط . سفير خادم الحرمين الشريفين لدى اندونيسيا

تعال.. يالبى .. وجودك بدنياي = دامك خوي (ن) لي تنومس نواميس
ومنهجك منهاجي ومبداك مبداي = والليل توه والكواكب فوانيس
تعال.. واطربني على جره الناي = واطرد خلاي ..وذب عني هواجيس
انا.. سعودي هات دله ...ومركاي=طعسن... مهو بنشاك وألا سلاويس
عطني حروف امبايعتنا من اقصاي =من فكر(ن) يعسف القوافي على ايس
باسم العقيد اسامه وبسم خوياي = لـ نايف ولي العهد عز القرانيس
انبايعه بيعه هل الشور والرآي=بيعة رجال (ن) في يدينه مقابيس
وزيرنا سلمان فزاع بداي =قايد دفاع وقايد ازحول فريس
حنا سلاح(ن) له مشاة (ن) وعدًاي=وحنا جنود (ن) له حصون ومتاريس
ولا يا سفير المملكه غاية امناي=نودعك باصدق مشاعر واحاسيس
لنك رجل طبعك الى الخير عناي =وما تلتفت لم الوجية المعافيس
لك ما تمنينا لـ ابينا ولماي =في كل خطوه لك سلامة... وخذ قيس
على عدد خطوات ممشاك واخطاي =واعداد ذعذاع الهوى والنسانيس
ياريس البعثه ابلغك مسعاي =بلغ تحياتي هل الضمر العيس
اهل السعوديه شفاتي ولاماي =واهل الخليج الين مرباع بالقيس
اجوعهم نظره وبضما لهم ماي =وافتح لهم صندوق قلبي عن ابليس
اللي توغل بين راكب ومشاي =ومولع (ن) ليلى بمحبوبها قيس
الله يلعن كل نمام وشاي =متعمد الفتنه على العرب ونجيس
شوف المئاسي بين هادم ونعاي=في امه الاسلام والعرب والكيس
غدت شراب اعلوج في بياله الشاي =تسرح بلا راعي وتضوي محابيس
يا شيوخنا يا ال السعودي يا عزاي =يا هل العروبه والقيم والنباريس
يا عزوه الاسلام.. يا طبي .. اشفاي = الكم ولانا... لو تطول المراميس