عز الله ان الطيب له ناس عن ناس=ومبروك للي حط طيبه فـ ناسه

وانا حمد بـأناصر الطيب بإحساس =واخطي اللي يكره الطيب راسه

ياجاحد المعروف انزل من الراس=في ذمتي مالك براسي رئاسه

انزل وتلقى لك فالارض مجلاس=راسي ماهو مركاز لك ياطفاسه

دورعلي صاحبك من بين الاجناس=وتلقي نظرعينه بعجة مداسه

وتلقي صاحبك من الشحم شايل اكياس=ياكم واجب ضيف صاحبك لاسه

واليا غسل يمناه يكتم بـ الانفاس=ويقصر نظر عينه علي حد كاسه

خلك معه في جو هادي ونسناس=تسلم فلوسك وانت تلقي وناسه

وخل الشجاعة والطناخه ونوماس =للي فـ دمه مادرسها دراسه

والبخل عنده مثل وسواس خناس=وعدوه المرقاد والاندعاسه

ولاتفتري وتقلد كليب جساس =ولاتركزعقالك تدور رئاسه

خلك علي قدك ولاتصير حساس =ولايزعلك مطنوخ زايد حماسه

تمت وصلى الله علي سيد الناس =اللي تنزه عن جميع الخساسه