هذه أبيات متواضعه كتبتها رداً على مرثية اللواء عثمان المحرج في صديقه اللواء احمد المهوس



هات القلم وأكتب من الشعر ما زان=وأرفع بيوته في علو المناره

ورشه بريح العود الازرق على شان=ابغاه يقصر خطوتي عن زياره

وصدر حروفه لـ المؤمن والامان=على الجزيره وأستلمها جداره

بالعقل والحكمه وتوجيه بـإتقان=قضى على من خان دينه وداره

يامرجعي مأجور من قلب ولسان=أعداد ما سموك ريَس إداره

وإعداد ما خذلت من كيد شيطان=واعداد ما تعرض عليك استشاره

واعداد ما مدت يمينك من احسان=واعداد من خدمت في عقر داره

بـ فقد من سموه الصقر حوران=شرواك ياصقر تحب الطهاره

يامرجعي صاحبك في روض وجنان=أبشر وبشر عزوته مع صغاره

مادام جاه الموت في ارض الايمان= دار الرسول ودار وحي وبشاره

ليه الدموع تسيل من فوق الاوجان=وليه الحزن يبني بقلبك عماره

خل الحزن للي توفى من ادمان=والا قضى عمره وسجنه قراره

والا يروج سلعته بين الاوطان=مايتعظ لو الثمن عرض عاره

والموت حق وكل من فوقها فان=والرابح اللي يتعظ من عباره

تمت وصلى الله على خير تبيان=المصطفى اللي عز دينه واناره

اعداد ما بلغ من فروض واركان=واعاد ما وصى على جاره

واعداد ما انزل ما انزل من ايات قرآن=واعداد ماصلى صلاة استخاره