شيهانـةٍ علـى الطـوال المنيفـات=عاشت بنجد اسنيـن ثـم غادرتهـا
تكرك قهر لها مـع الجـو حومـات=وعلى هواء الغربي تفـل اجنحتهـا
عجزو صقاقير القلـوب الرهيفـات=كـل يقـول انـا خبيـر شبكتـهـا
صقارها واحـد وراعـي حراكـات=يبعد عـن عيـون النشامـا نعتهـا
شامت عن الارض ورقت بالطويلات=مـن طيبهـا روس العـلا عانقتهـا
تلد فـي حـدة بصـر بالمحيطـات=وتضحك على كثر الشبك من تحتهـا
فيها من الحكمة رمـوز وعلامـات=ومـن الكاعـة شـي بمعاملتـهـا
ولها في التاريـخ عـدة بصامـات=وتسمع سطر راس الشجيـع بلغتهـا
وفيها من العزة شمـوخ الاميـرات=الله حبـاهـا طـاقـه بمقدرتـهـا
من شافها سهلـة تلقـاء الصعيبـات=احصونهـا ماكـل روح ادخلتـهـا
حضرت لاطامـع ولانـي بشمـات=حضرت قاصـد خيـر بمشاهدتهـا
اقول وتحمـل صـدا كـل مافـات=لاحد يبـري ساحتـه مـن جهتهـا