تعال غبـت وفـي غيابـك هجرنـي=كل الوجود من اولي لااااخـر الكـون
تعـال ياللـي كـل مابـك جبـرنـي=اعيش بك مجنون وامـوووت مجنـون
تعـال ياللـي كـل مابـك اسـرنـي=وشلون طالت غيبتك بـس وشلـوون؟
ماتـدري انـك بالحـيـاه تغمـرنـي=وانك عيون اللي تركتـه بـلا عيـون
وانك غـرام(ن) في غـرامه سحرنـي=وانك سبب لطعون يامـداوي طعـون
الشـوق فـي غيبتـك هـب ونثرنـي=شعر وتباريـح وسواليـف وشجـون
وانـت تخبرنـي لا كتبـت اتخبرنـي=مفتون فيـك وفيـك شاعـر ومفتـون
الشعـر لعيونـك يجـي ويحضرنـي=ملعون ابو شعـر(ن) بليـاااك ملعـون
اليا ابتدابـك هـام بـك واختصرنـي=واليـا انتهابـك ينتهـي لويقـولـون
ياللى لك احساس المشاعـر عبرنـي=تعـال والله مابقـا شعـر ولـحـون
تعال ابيـك مـن الحضـور تغمرنـي=واعيش بك من قبل لا مووووت مجنون