تركـد يـاخـوي الجـنـب وارقــد مــا علـيـك اخــلاف=تــرى بـعــض الـسـوالـف لـــو تهـقـواهـا تخالـفـهـا
سـوالــف والـسـوالــف هــيــن يـاقـالـهـا الــســولاف=ولــكــن الـعـلــوم الـصـامـلـه يـصـعــب مسـولـفـهـا
نهرت امن الهجوس الي ليامنه وقف با القاف=ضرب عرض البحـر حتـى السمينـه لـي يغرفهـا
وانـــا مــانــي مخـفـفـهـا ولانــــي دونــهــا خــــواف=اقــــرب للهدف حــتــى الـبـلـيـد ايــقــول عـارفــهــا
ابرسمـهـا عـلـى راس اطـويـل ابـقـمـة الـمـشـراف=عـسـى بـعـض العـقـول الـوارمـه تعـقـل طوارفـهـا
وريــث امجـادهـا مـاهـو مخليـهـا لـكــم تـنـشـاف=تمـوت امـن القهـر حتـى بعيـنـك مـنـت شايفـهـا
انــــا مـنـدونـهـا مـحـتــاج لا فــزعــه ولا احـــــلاف=ولانـــي مـنـشـي حــلــف وانــــا مــالــي مـطـارفـهـا
يلـومـون الـزمـن دايــم يقـولـون الـزمــن يـنـعـاف=قـصـيـر الـبــاع يـاقــف دونـهــا ويـقــول عايـفـهـا
ويقولـون العـذر دايـم يصيـر لصاحـبـه مهـيـاف=ليـامـنـه عـجــز عـنـهـا عــلــى الاعــــذار هـيـفـهـا
مثـل حـذف المقفـي مـا يجـيـب الخـيـر للـحـذاف=وحصات الي حذف له ضلع عادت يـم حاذفهـا
لفـانـا مــن لفـانـا والعـقـول الــي لفـتـنـا اخـفــاف=اثــرهـــا كـــــل مـــــا تـكــبــر تـبـشـرنــا بـخـفـايـفـهـا
وترى الي يصنع السيف المهند سمي السيـاف=ولــكــن مــارفـــع سـيــفــه لــيـــا ثـــــارت قـذايـفـهــا
سوالـف والسوالـف مـع رجـال العـرف يــا عــراف=تـفــيــد وتـسـتـفـيـد احــيـــان واحـيــانــا تـلاطـفـهــا
وترى بعض الرجال ونعم لكن بعضهـم انصـاف=يـهـس اشــوي عــن درب الـرجـالـه مـــا يوالـفـهـا
وترى بعض الغرور يلبس الرجـال ثـوب انكـاف=عـنـه ينـكـف رجــال الـعـرف شـوفـه مــا يشرفـهـا
عساني مالمست امن الطـوارف شـي يـا طـواف=انـــــا مــاحـــب لا الــعـــن جـدفــهــا ولا طـوايـفـهــا
عـسـا الله يسـعـد ايــام الـخـوي الــي نـعــده واف=ولا نـجـحــد حــقـــوق الــنـــاس لاوالله نـنـصـفـهـا