ماعاد نبغا لك محبه دام حبك معضــــــــــــله=وماعاد نبــــــغالك موده روح مانبــــــغا وفاء

كيف اطلبك حل المشاكل وانت راس المشكله=اثرك عله مزمنه وانا احسب انك لــــــي شفاء

ياقلـــــــب ليه تـــروف له وتقـــدره وتحن له=ماتشوف كرهي للعرب من يوم من عيني هفاء

والله مايستاهل التقدير من سوا عـــــــــــمله=خله يــــــــــــولي مانبيه ان كان قفا وان لفاء

زود صدوده والرجاء من كثر ماصد اقتـــــله=وجات الهبــوب من الشمال وغير البرد الدفاء

ياما جرحني بالهواء واقرب منه واستحــــمله=حتى الورود اللي وردنا غثربت مامن صـــفاء

ماكنت اصدق بان خنجرها بسم تجــــــــــمله=لين اظهرت لي كرهها والاعظم اللي بالــخفاء

دليتها درب الصواب اللي من اول تجـــــهله=واحي لها نورن مع الظلـــــماء ولاتشكي حفاء

فكت درايشها وصار اللي تريد تحــــــــصله=وهبت رياحن عاتيه والنـــــــــور سلم وانطفاء

ماعاد نبغا حبلها من بعد جارت توصـــــــله=مدام خنــــــــــــــــجرها توقع من تفاهتها قفاء

خل الذي يامــــــــر عليه يجيب فيد وحل له=ماعندنا له غير تجـــــــــريح ومهونات وجفاء

والله ليبكي دم لين الغبن بكــــــــــره يعزله=حتى توافـــــــــــــــيه المنيه من هوانه منتفاء

ان قال عود ياهلي يكـــــــذب فانا ماني هله=وان قال انا ميت هنا ماقلت جـــــــــعلك للعفاء

انا صبرت ولابـــــــقاء علمن جديدن وانهله=هانت عليه والذي جا من تـــــــــــــواليها كفاء

اليا رضت ترضى غصب والعلـــم منا تقبله=تارد علي الهونه ولو قالت بعد بــــــــــكوه افا

مارضى علي نفسي ولو كل السنين اتــخيله=الحر مايرضى الزلل والعشق مافيه انــــــصفاء

من راح تلقى غيره الاجــــــواد ماهي قليله=ومن حام تضليل وعبث راسه من الحــوم انكفاء

واللي تغلا ويتسلا غصــــــــب يقعي لحيله=واللي يبي يرجـــــــف عباد الله تجيه المرجفاء