البارحه ياضلع وانته للشمـوخ اقـرب مثـال=عديت بك واقفيت عن ربع النميمـه والحسـد
واشغلت فكري بالقصيد وحبـك فنجـال الـدلال=واشعلت نارن تدفي اللي من هواء طابـه بـرد
ياضلع وان جاء للشعر واهله وتمثيلـه مجـال=والله لاقـف بينهـم وقفـة سبيـل بـن سنـد
اليا وقفنـا تهتـز الارض العظيمـه بالجبـال=واليا قعدنا نـار لاتقـرب مـن النـار ابتعـد
واليا هجدنـا ربنـا الله مانحـط الظلـم فـال=واليا صبرنا اخير للواقف واخيـر لمـن قعـد
هنا خطر لاتقربون من الخطر والسيـل سـال=لاشفتني دون الجبل ويـن انـت رايـح ياولـد
عطوني الغليون ابا اعمر وابـا وجـه شمـال=وببتعـد وارزم لحالـي ليـن ياتينـي مــدد
الشعر في سلمي كما راسن على المتنين طـال=ان حدرو حـدر اسـد وان سنـدو سنـد اسـد
وماهو بيت من الشعر للذعذع النسنـاس مـال=شوف السماء مع كبرها ماهي على طنب وعمد
ماكل من يارد يبا يـارد علـى الجـم الـزلال=ولاكل من يلقا الـزلال يجيـب منـه ليـا ورد
العام صدنا اللي يقولون العرب صيـده محـال=يالين قلنـا طيـر ياطيـر السعـاده والسعـد
حنا هل البل يوم في البل موت نفس وزود مـال=وحنا شربنا المرجله يـوم المراجـل بالجهـد
ماهي سوالف كذب تجمع من جنوب ومن شمال=حنا كسرنا اربـع بيـارق يـوم جونـا فالبلـد
ياضلع انا ماني بواقف لي على جرفـن هيـال=وابوي علمني ماخون امـع الرياجيـل العهـد