البــعــد سبب وسط صدري حريقه = والصبر مده !! ثم يطوي شراعه
يالــيل غبــاتك همــوم عمــيقــه = والكـثره ايــو الله تــغلب الشجاعه
طريــق مالـــه حــــل بأية طريقــه = يعني بيـذبحك الـضمــا والـمجاعه
الصدر فيه ازعاج لـــجــه وضــيقه = قــولــة ابن جــدلان الــة طبـــاعه
كـــله سبــــايب وردتا" بالحـــديقه = شــــلت فؤادي من جذوره وقاعه
ياخوي دق القلب ما اسمع دقيقه = وشلــون ودعني ولا اعلم وداعه
يعني سرق قلبي وراح بطريـــقه = ماهي بمعقولــه ترا ياجــمـــاعه !!
تبغى الحقيقه ما ازين من الحقيقه = الظاهـر اني كود اسوي اشاعه
لاهنـــت يادكــتــور بالله دقــيـقـه = وشلون عشت؟ وقلبي شلون طاعه
انا اعرف ان الحي قلبه شقيــقــه = وان مات قلبـه ماحــيا ربع ساعه
ياللي سرقت القلب بيدا" رقـيقه = قلبي ترا ماهــو بعــنــدك بضاعه
عــود بقلــبي جــف شـريان ريقه = تراي عــن بعــدك فقدت المناعه
بعد الحبايب كيف احــاول اطــيقه ؟ = كلش اطيقه ما اطيق القطاعـه !