مل عينا ماتذوق الكرى عقب الفراق = فاقده من كان درب المقفين اسلكه
ماخبر صدري ولا مرتا" بالحيل ضاق= غير عند موادع الخل والله ما املكه
اشهدنه محرق القلب في بعده احراق = كنّي مخلى على جال موت ومهلكه
وجد عيني وجد من ساق قبل انه يساق = عقب مايامر يطيع الامر من مالكه
وواجودي وجد صقار من دون العراق = هد طيره واخر العهد به خلف صمكه
هد دون الحد والطير يطردها وساق = لين عقب خلفها حد عقم المملكه
وضع عقله وقتها غاب نوب ونوب فاق = وقام يومي بالشلو عقب ماحط شبكه
ياحسين الدل بالوصف وصفك مايطاق = سلك تشبيهك صعوبته لاجيت اشبكه
مير ابحاول على بيت واقول النغاق = مثل مشيه يوم مشيه تقل فوق ودكه
فيك من زول الاصيله قبل وقت السباق = وفيك من طيرا نعشقه نسميه كركه !!
وفيك من ضبي البراحي طويلا" بالعناق = يلتفت جالي للريح النفل عن مهلكه
ردلي بالله خبر كان ماتبغى الفراق = وكانك معزم على الراي فاقول ابركه