ترا الحقيقه نور جلاي الضلام = وانا عميل الصدق والزور يهبى

قالو سفاري قلت كل" له مرام = الحق يظهر مير هبي ياصبا
ياهيبة القايد وهو وسط الزحام = اليا مشى كلن هلا يامرحبا
اليا نخيته ماتلحّقه الملام = فزة حصانا" واصله حرب ونبا
شاصا" تيوتا ياسلام الله سلام = عليه عسرات الطرق ماتصعبى
ماقد كمل لصناعته تقريب عام 2000 = واضيف 12ينقط لبى
اليا بغيته خط حضّرله تمام = ويوصلك من دون احدد ماتبى
واليا بغيته للخلا شد الحزام = ان كان ماوصلك في سد شنبى
يقول لافي لا رقى روس العدام = تقول ذيبا عقب مركاضه حبى
مابه وبر وتشوف بعيونك عظام = جوانبه من جوع ماهو بجربى
ياصانعه لو كنت ملعون الرسام = وتاكل خنازير وتساهم بالربى
عز الله انك تستحق افضل وسام = وعز الله انه مادخل مخك غبى
يهب ياصنعتك مافيها كلام = يحسب حسابك بالصناعه يحسبى
حكحكت جنبه فالمكينه واللحام = لين انه ارضى مطلب اهل المطلبى
ياراكبه بالله لاتفك الخطام = الا لامن عقبت تبوك وضبا
خويك الطيب وشرواه الحشام = ماهو مكوشح والمكوشح ينكبى
نية قنوص جوهم برد وغمام = دوا الجروح اللي لها الصدر يخبى
نية جزيل الصيد ماهو بالهلام = ومن الشحم ظهره له شهور يعبى
وليا جفل وقرونه العوج السهام = ترا مرد الكوع هو مرمى الضبى
هذا مرادي والنهايه والختام = كلن وشفه وش يبى وش مايبى