اقدمي ياكملتا قالها القلب الصدوق = واستهلي يامزونا لمع براقها

الحدث هو السبب فالرعود وفالبروق = من غروب الشمس بالارض لين اشراقها

قامت العالم تغني على كل الطروق = لين سيقت كل الافكار من سواقها

الدول مابين مسروق والاخر سروق = قامت تحشد الجيوش وتحفر انفاقها

عقب مالاعلام في عزها شمخ وفوق = قامت الاخبار تعلن جميع احراقها

والله ان العين ماتفيد لو مافيه موق = مير حكمة ربنا فوق خلقه ساقها

والله ان مظاهرات العرب غرب وشروق = مير شعب المملكه ضدها ماطاقها

خادم البيتين نفداه في دم العروق = بعد ربي هو كفيل اليتم بارزاقها

والله ان فعوله تروق اللي مايروق= تعجز الاقلام عن عدها باوراقها

الله اللي عزنا له جنودا" مانبوق = يوم هو وافي مع جنوده ولاباقها

والله انا بحر ماعيق لابالله يعوق = كم غريمن ساعة الموت منا ذاقها

الوطن روح المواطن وعاشق ومعشوق = روح تشتاق الوطن والوطن يشتاقها