ياعلي مـاوردن عـدودن شحيحـه=وردن علـى هـداج لا عـد هـداج
عوبـن تـوارد والحنايـا جريحـه=منهن لذيـذ النـوم بالعيـن مـاداج
ويوم العيـون الدالهـات المريحـه=نامت وطـاب بمرقـده كـل هلبـاج
لقيت فـي غبـت بحـور القريحـه=عن مايجول بخاطري طب واعـلاج
والشعر له فـي مجتمعنـا شريحـه=له ناقدن فاااااهم وشاعـر وهـراج
احـدن اليابيـن علومـه صحيحـه=واحدن على ماقيل فاضي للازعـاج
والبير علمه مـن بـوادر نضيحـه=وللسوق بياع الذهب ماجلب صـاج
والعرف له بالقـول كفـه رجيحـه=و كلن حسب عرفه على الدرب نهاج
والناس كلـن لـه طبيعـه وليحـه=وياكبر فرق فريج عن طبـع فـراج
والعود له ريحـه وللشيـح ريحـه=وبين النشاما يفـرق العـود لاراج
والطبع لايمكـن جهـودك تزيحـه=لوتنصح المنعـاج للصبـح منعـاج
والصبربه يهـل الوجيـه الفليحـه=عن مايضيق خاطر الرجل مخـراج
والكون للطرقـي فجوجـه فسيحـه=وياحلو بعـدن مايسببلـك احـراج
البعد بعض احيان طـب و نصيحـه=تنصحبه اللى جاك للـراي محتـاج
وياعلى لوشفنا مـن بعيـد ضيحـه=ماكل مايلمـع جواهـر علـى تـاج
كم لامعـن لمعـه يعـود صفيحـه=وتبقا الكواكب في مدارات وابـراج
والعاديـات المسرجـات الضبيحـه=تضهر اليا اشتد اللززبين الافـواج
واللى هرجبي جعـل ربـي يبيحـه=المعتلـي عالـم خفـا كـل محتـاج
وياعلى تمـت والمعانـي صريحـه=بينتهـا واخفيتهـا وسـط الادراج