الله الله يا مرقعة القصيدي=والاصيله فاللقاء تفرح بلدها
دقن اهجوسي وانا باسي شديدي=والمعاني والجزايل في عددها
اقبلة مثل المزون اللي بعيدي=مدهر براقها ويا رعدها
وامطرت والله يدبر ما يريدي=فوق بيض الصحف حلت في وعدها
ياهل الموروث والراي السديدي=ألحقوا شعر النبط روح بيدها
أرثعوبه ناس ما يمكن تفيدي=واسكنوه ابديرةً ماهو ولدها
لين صار الجزل ينقص ما يزيدي=لو شواعير العرب شفنا جهدها
ما بقاله غير عامين ويبيدي=كان هذي حالته .. واذكر سندها
يسرق الجندي من أفكار العميدي=ولو يجي ساهر بكبره ما رصدها
خبرته مبطي ترى ماهو جديدي=خبرته ما كل من يسرق نقدها
ثم يغطيها بزينات النشيدي=ومن سمعها قال أنا طالبك عدها
وراعي الفكره لو ايصيح ويعيدي=محداً امصدقه .. لا .. وأمر ودها
لاسمعله واحداً عنده رصيدي=يملك أموالن قليل اللي وجدها
يجعله شيخً ولو ما هو عقيدي=في كلامه كل معركةً شهدها
يمدحه والقصد واضح للعبيدي=الفلوس اللي عن العزه عبدها
وياهل الجزلات والنهج الفريدي=أفزعوا قدام لا يكثر نكدها