يالله مالي عنـك صرفـه ومجنـاب=وجهـت يمـك وانتـه ادرى بحالـي
تلطف بحال اللي عن الحـب ماتـاب=لوطاولـه سقـم الهـوى مايبـالـي
يامل قلبـن روحـوا فيـه الاجنـاب=واصبح مكانه بين الاضـلاع خالـي
مكـان حاكـم ينعنـي لـه وينهـاب=روح وخــلا سلطـتـه للـزوالـي
مافكروا باسقـاط حكمـه ولاارتـاب=عشرين عام وفوقهـن عشـر والـي
لين انها صدفـه ولاحسـب احسـاب=ينـزاح حكمـه ثـم تجميـد مالـي
اسقاط حكمـه سقطـت القلـب لاذاب=في قطعتـن فاقـت حـدود الجمالـي
وصفه بشرنقصان من زيـن جـذاب=شيـن مـن الواقـع وشيـن خيالـي
جيش احتلال وهي من روس الارهاب=تسلـب وتنهـب دون حـق وعدالـي
ياما على الساقه يطيحـون الاشنـاب=دفع الثمـن فـي فـرد الغيـد غالـي
جت لي وهذي مـن مقاسيـم وهـاب=ميعادهـا بيـن الدلعـه والـدلالـي
لاصكوا الابواب فكـت لـي البـاب=مافكـرت فـي ماتجيـب الليـالـي
يشغل بها فكري ويطرب بها اطـراب=ويصوغ من جزل القصيـد الزلالـي
لكنها لحظـه تقـل لمحـت اشهـاب=بانـت وغابـت والغرابيـل فـالـي
وهذي ثمان اشهور والعيش ماطـاب=اقبـل القبلـه واصـلـي شمـالـي
وجدي وجود اللي قضى العمر طلاب=في ثار ابوه وتـرك ثـاره محالـي
صابر يوكد له علومن وهـو شـاب=واليـوم شايـب واغبنـوه الرجالـي
لايعرف القاتـل ولايعـرف اسبـاب=شكـه بسبعـه هـم رؤس الخمالـي
وقامت تـراوده الشجاعـه وتنسـاب=والشـر بعيونـه يـهـد الجبـالـي
وخلا يالين ان القمر حروتـه غـاب=ثـم احتـزم ناويلـهـم بالـزوالـي
السيف معه يميـن ويسـار مشعـاب=نـاوي بشربـت دمهـم بالتـوالـي
وابادهم واصبح علـى راس مرقـاب=واعلن تراي اهلكت روس الضلالـي
وجدي وجوده قبل لايبيـد الارقـاب=وجدي وجوده بعـد مـاراح جالـي
ياليتهالي مـن بنـي عـم وافـراب=ولابعـد يعرقبهـا عـرق خـالـي
حرام لااسوي عن العيشـه اضـراب=واسـم حالـي ليـن يلطـف بحالـي
لكن مشكلتي هـي احبابـي اجنـاب=وهذي هي اللي مـاش فيهـا مجالـي