اظلم الليل وغزى فكري/بطل هم/وسرا به=ياهجاد الفكر/أنا وين؟الله بهمي بلاني!!

ياحروف الشعر.والله ماتعمدت الكتابه=بس هذا رد فعلي يوم جا الشعر وقراني

يازماني عوّذ من بليس/ماللجرح لابه=لو تجمّع كل قوم الحزن ضدّي يازماني

والله إنه مابقى للجرح في قلبي طلابه=والطبيب اللي فتح جرحي نسى الجرح ونساني

العجيب إني طعوني كلها صارت تشابه=ماإعتبرت من القديم ولا حسبت حساب ثاني

لاتوقعني كئيب!! إلا قسم كلي كآبه=كنت ماعاني ولكن غصب عني صرت اعاني

كنت احسب إن الهوى إيثار/ووفا/وطيب/وصبابه=لين شفت إن الهوى أصبح بين تمسيج وأغاني

وكنت احسبه لاحكى يجمع لطافه مع ذرابه=لين شفت إنه ليا جيت امدحه قام وهجاني

لاسقاك الله ياقاع النفاق من السحابه=لين يهلك بك ضما.راع التملق والهداني

ولاعمرك الله يادار الجفا جعلك خرابه=لين تبقى صحصحٍ خالي ولافوقك مباني

لجل لهداك العذول غراب ماينعق غرابه =ثم تلقى سامعين العذل صقهان الاذاني

ياضلام الليل يكفي مالقى السائل إجابه=انت همك سرمدي والا الفرح عندك ثواني

من بدا بالهجر عادي لو لقى هجره ثوابه=لكن اللي غير عادي/ لاالتقى المخلص باناني

الفرج صبحه تنفس وانفتح للحب بابه=والله إني مالتفت للهجر لو صوته دعاني

..+..