شخصٍ ليا منك نصيته تحفّاك=وشخصٍ عقب ما ياكل الصيد هدّك
وشخصٍ ليا عكرفلك الوقت يفداك=وشخصٍ ليا احتجته ، تنكّر لمدّك
وشخصٍ عن دروب المناقيص يحداك=وشخصٍ على درب الفشايل يحدّك
وشخصٍ يحبّك ماهو اللي بيشناك=وشخصٍ على السكين جرّاح خدّك
وشخصٍ تغيب ولا مدح غير مجناك=وشخصٍ يعيبك لين ياصل لجدّك
وشخصٍ على صحبتك ماهوب شكاك=وشخصٍ شكوكه في الخفايا تشدّك
يا صاحبي نوّهـت للعلم واعفاك=دور صحيبك قبل مـ يبوح سدّك
دور على اللي تحتميبه من أعداك=وهمّل صديق بساعة الجد ندّك
خلّك على اللي لا نصيته تحفّاك=ماهوب هاللي لا كلا الصيد هدّك